ازاي الايفو abs والطنابير ورا مش دسكات ؟؟؟!!

**hakeemkimo** · 01-04-2011 12:11 AM

انا حجزت الايفو اللى ب 110,500 بس لاحظت حاجة
انى الطنابير ورا مش دسكات على الرغم من انها abs + abd والجولف اللى كانت معايا كانت abs و 4 دسكات

وكنت عاوز اخد راى حضراتكم فى اللون انا عاجبنى او اللون الفضى والنبيتى

ولو مايتلقلش عليكم عاوز رايكم فى العفشة والفتيس انا على فكرة قريت التقارير المحترمة لكن نفسى اعرف الاخبار ايه بعد 10.000 كم مثلا

ومتشكر جدا لتعاونكم

**semsem_uno** · 01-04-2011 03:19 AM

العربية زي الفل
و مفهوم الabs ده خاطيء لأن الabs وظيفتة بيخلي العجل اللي قدام يفرمل و يسيب فرامل ورا بعض علشان يديك فرصة تحود مع الفرملة الجامدة و متخبطش في اللي قدامك
و العربية مفهاش طنابير ورا لأن اصلا مش محتاجة و كده كده فراملها جامد جدا
الطنابير بتبدأ في الفئات التربو لأنها هي اللي بتبقي محتاجة فرامل قوية جدا

**Formulator** · 01-04-2011 03:50 AM

congrats. على العربية مقدما..
وعاااااااادى جدا أن الـABS+EBD يركب على drums ورا..؟!
لو شوفت الـmodule/controller بتاع الـABS فـ الأيفو.. هتلاقى 4 ouputs يعنى 2 قدام للديسكات, و2 ورا للـdrums..!

والـCircuit دى بتبقى مفصولة تماما عن الـCable بتاع الـhandbrake

والعربيات الصغيرة: هاتشباك وكمان FWD.. بيبقى الحمل على الفرامل الأمامية أكتر بكتييييييير من الخلفية (80-90% تقريبا)..
زى ما سمسم Uno قالك..!!!
فـ مفيش المشكلة الأساسية بتاع الدرامات.. السخونة والـfading (ده غير انها اتحسنت كتيييير عن زمان كـmaterials).

ده طبعا غير أن الـEBD بيـdifferentiate الضغوط فـ الماسترات الفرعية (وبين المحورين قدام وورا) حسب الـtraction والـload.. وفى معظم الأحوال أثناء الفرملة >>> الوزن والتحميل بيروح لـ قدااااااااااام..

وخد بالك أن فيات بتحاول تقلل التكلفة (والسعر) بتاع العربية.. مقارنة بالجراند بونتو اللى كانت ديسكات all-around .. يعنى بيعوضوا التغييرات فـ التابلو والشبكة والفوانيس والأوبشنز الزيادة.. (زى الـpaddle-shift والـDRL مثلا)..

**Eslam.Elrefaey** · 01-04-2011 06:35 AM

المشاركة الأصلية كتبت بواسطة formulator

congrats. على العربية مقدما..
وعاااااااادى جدا أن الـabs+ebd يركب على drums ورا..؟!
لو شوفت الـmodule/controller بتاع الـabs فـ الأيفو.. هتلاقى 4 ouputs يعنى 2 قدام للديسكات, و2 ورا للـdrums..!

والـcircuit دى بتبقى مفصولة تماما عن الـcable بتاع الـhandbrake

والعربيات الصغيرة: هاتشباك وكمان fwd.. بيبقى الحمل على الفرامل الأمامية أكتر بكتييييييير من الخلفية (80-90% تقريبا)..
زى ما سمسم uno قالك..!!!

فـ مفيش المشكلة الأساسية بتاع الدرامات.. السخونة والـfading (ده غير انها اتحسنت كتيييير عن زمان كـmaterials).

ده طبعا غير أن الـebd بيـdifferentiate الضغوط فـ الماسترات الفرعية (وبين المحورين قدام وورا) حسب الـtraction والـload.. وفى معظم الأحوال أثناء الفرملة >>> الوزن والتحميل بيروح لـ قدااااااااااام..

وخد بالك أن فيات بتحاول تقلل التكلفة (والسعر) بتاع العربية.. مقارنة بالجراند بونتو اللى كانت ديسكات all-around .. يعنى بيعوضوا التغييرات فـ التابلو والشبكة والفوانيس والأوبشنز الزيادة.. (زى الـpaddle-shift والـdrl مثلا)..

ماشاء الله كل لما باجى اقرأ أى مشاركة ليك بحسك فاهم اوى ماشاء الله هوا حضرتك شغال فى العربيات ولا مجرد هواية

**wael17** · 01-04-2011 10:15 AM

المشاركة الأصلية كتبت بواسطة MNabeih

طبعا ما فيش كلام بعد اللي الرجالة قالوه,

الف مبروك مقدما و بالنسبة لرايي في اللون لو عرفت تجيب ابيض بيبقي خرافة في العربية دي, اما لو ما عرفتش يبقي, فضي

فعلا الأبيض جامد قوي عليها

المشاركة الأصلية كتبت بواسطة Eslam.Elrefaey

ماشاء الله كل لما باجى اقرأ أى مشاركة ليك بحسك فاهم اوى ماشاء

هو فورميولاتور فاهم بزيادة الصراحة لدرجة ان نص الكلام اللي بيقوله مش بافهمه

المشاركة الأصلية كتبت بواسطة hakeemkimo

وكنت عاوز اخد راى حضراتكم فى اللون انا عاجبنى او اللون الفضى والنبيتى

دي 4 الوان علي الطبيعة

المشاركة الأصلية كتبت بواسطة wael17

الابيض
moh.aboelkheir

البلاتيني
hishamtalaat

النبيتي
Onz

الرمادي
wael17

**hakeemkimo** · 01-04-2011 10:58 AM

والله مش عارف اقولكم ايه متشكرررررررررررررررر جدا جدا ويارب استلم قريب

**azmeralda** · 01-04-2011 03:05 PM

الفضى
ومبروك مقدما

**azmeralda** · 01-04-2011 03:12 PM

المشاركة الأصلية كتبت بواسطة eslam.elrefaey

ماشاء الله كل لما باجى اقرأ أى مشاركة ليك بحسك فاهم اوى ماشاء الله هوا حضرتك شغال فى العربيات ولا مجرد هواية

بيتهيألى كده انه مهندس

وفعلا هو عنده معلومات مفيدة بس انا برضه فيها حاجات مبفهماش لو توضحها لن اكتر بالعربى كده وبشرح للغلابة اللى معندهمش خلفية يبقى كتر خيرك

**Formulator** · 02-04-2011 02:20 PM

المشاركة الأصلية كتبت بواسطة Eslam.Elrefaey

ماشاء الله كل لما باجى اقرأ أى مشاركة ليك بحسك فاهم اوى ماشاء الله هوا حضرتك شغال فى العربيات ولا مجرد هواية

المشاركة الأصلية كتبت بواسطة wael17

هو فورميولاتور فاهم بزيادة الصراحة لدرجة ان نص الكلام اللي بيقوله مش بافهمه

المشاركة الأصلية كتبت بواسطة azmeralda

بيتهيألى كده انه مهندس
وفعلا هو عنده معلومات مفيدة بس انا برضه فيها حاجات مبفهماش لو توضحها لن اكتر بالعربى كده وبشرح للغلابة اللى معندهمش خلفية يبقى كتر خيرك

العفو يا جماعة..

أنا معلوماتى متواضعة ولا تقارن بناس كتيييييييير فـ المنتدى عموما, وقسم الفيااااااااااااات تحديدا..!!

وأنا مش مهندس.. أنا صيدلى, ومدير الـR&D فـ شركة أدوية..!

بس enthuthiast للعربيات عموما.. والأيطالية تحديدا..!

btw بالنسبة للـEnglish... فيه حاجات هى كده؟! يعنى لو اتعربت هتبقى مش معبرة أو مفهومة..؟؟!!

-

الموضوع: ازاي الايفو abs والطنابير ورا مش دسكات ؟؟؟!!

LinkBack

أدوات الموضوع

عرض

-

-

-

المواضيع المتشابهه

تعديل فرامل خلفي إلي دسكات ينفع (في الفيفوريت )

دسكات الفرامل لجين تو

هل ممكن تعديل فرامل الشاهين دسكات خلفي ولا لا

ازاي اكشف على التيل والطنابير بنفسي

التيل والطنابير

الكلمات الدلالية لهذا الموضوع

المفضلات

المفضلات

ضوابط المشاركة