نصيحة من الدكاترة خبراء التيمبرا

**MOH1973** · 02-04-2011 06:08 PM

الاخوة الافاضل اصحاب الخبرة في السيارة الجميلة الفيات تيمبرا ارجو النصيحة والافادة
انا ناوي اشتري عربية وبصراحة عجبتني قوي السيارة التيمبرا وانا معروض عليا سيارة تيمبرا بالمواصفات التالية ارجو الافادة هل السعر مناسب ولا ايه والمواصفات هي :-

1- تيمبرا 1600 موديل 1992 ايطالي كانت مع معوق وهتفك حظر بعد 15 يوم
2- فبرايقة دواخل وخوارج بس فيها خبطة مش جامدة فوق الرفرف الشمال ناحية السائق وخبطة كورة قدم في وسط الباب الخلفي ناحية الشمال بردة والفانوس اليمين الخلفي ملزوق .
3- مفيهاش تكييف ولكن مجهزة تكييف من الداخل فقط .
4- فتحة سقف كهرباء وزجاج كهرباء امامي فقط ومرايات كهرباءشغاليين .
5- السيارة انجيكشن وفيها سنتر لوك موجود بس معلق بس مافيهاش انذار
6 التابلوة ديجيتال ولكن فيه لمبتين معلقيين لمبة الزيت ، وفتحة الباب اليمين .
7- صاحبها بيقول الماتور تمام والعفشة تمام وانه معملش بيها الا 4 الاف كيلو بس من ساعة ما جابها ولكن قراءة العداد عامل 158 الف كيلو
وانا كدة كدة قبل نهاية الحظر هرفاعها في بنزينة علشان اتاكد من الكلام ده .
صاحبها طالب فيها 31 الف جنية هل المبلغ دة كويس ولا احاول معاه اكثر
برجاء الافادة للاهمية القصوي ومتبخلوش عليا بالنصيحة هل العربية كدة كويسة والمبلغ النهائي ليها كام
اخيكم / القاضي

**ahmed79** · 03-04-2011 04:18 PM

خش على رابطه التمبرا وحط الموضوع فيها هيفدوك فى الموضوع جامد لانهم دكاكتره فعلن بمعنه الكلمه واى حاجه هتحب تعملها هيدلوك على الاماكن الى هتشترى منها ومين هيعملهالك
وانا راى حاول معاه فى السعر بس الشرط الاساسى تكون سليمه عشان هتريحك بعد كده جامد لو فكرت تصلح فيها حاجه والتكييف امره سهل الاستاذ هشام فى رابطه التمبرا لسه مركبه من يومين هيديك سعر كل حاجه خاصه بيه

**MOH1973** · 03-04-2011 09:17 PM

شكرا يا اخ احمد 79 علي ردك السريع وانا فعلا حطيت الموضوع علي رابطة محبي التيمبرا
بس ليه سؤال عند يا اخ احمد بس تجاوبني بكل سراحة دون اي مبالغة هل السيارة التيمبرا سيارة جيدة ام هناك بعض الملاحظات لان في بعض اصدقائي بحظروني منها وقلقوني شوية بشأنها فبرجاء الافادة بكل موضوعية
وشكرا جزيلا

**ahmed79** · 03-04-2011 09:32 PM

المشاركة الأصلية كتبت بواسطة moh1973

شكرا يا اخ احمد 79 علي ردك السريع وانا فعلا حطيت الموضوع علي رابطة محبي التيمبرا
بس ليه سؤال عند يا اخ احمد بس تجاوبني بكل سراحة دون اي مبالغة هل السيارة التيمبرا سيارة جيدة ام هناك بعض الملاحظات لان في بعض اصدقائي بحظروني منها وقلقوني شوية بشأنها فبرجاء الافادة بكل موضوعية
وشكرا جزيلا

بص بكل صراحه العربيه ممتازه بس تكون نمره واحد هتريحك على الاخر انا جربتها فى سفر وبيركب معايا العائله
الحمد الله والفضل لله والاهم من كده قطع غيرها متوفره بكثره فى عزبه شلبى ورخيصه
والكلام الى اتقال لك من اصدقاك نفس الى اتقال ليه هى ديت عربيه وكرهو الواحد فيها لم لفيت وشفت قطع الغيار واتعرفت على ناس زى العسل فى رابطه التمبرا معاهم تحس بالطمانينه والدنيا سهله وكان ده بالفعل
لانها معاهم من فتره فحفضوها وعرفو مميزتها
وده راى بصراحه وانا شفت موضوعك فى رابطه التمبرا ومتقلقش هيرضو عليك

**heshamzaky** · 03-04-2011 09:41 PM

بص هو السعر مش وحش بس العربية مش مكيفة و مفيش حاجة اسمها مجهزة تكيف الراجل بيقولك كلام مش مظبوط ممكن مش متعمد بس جهل منة . أغلب الظن حا تلاقى كاوتش الباب الشمال بتاع السواق متقطع من تحت و ممكن من فوق لانة اكيد بيمسك فية لما يجى يركب العربية شافاة الله و عافاة . العدادات الدجيتال موجودة لو كلها بايظة بتتغير كلها ب 200 جنية الخبطات الى فيها ممكن تتعمل عادى بس فك الباب بس هو الى متعب شوية صغيرة بس عادى بيتعمل . الوش الخلفى بتاع الفانوس جديد ب 50 جنية الوش الباغ . لو غيرت الفانوس الخلفى كلة أستيراد بيبقى ب 70 جنية .
أغلب الظن حا تلاقى العفشة تعبانة و متلصمة . دى تكلفك 2000 جنية لو عملتها صح الصح .
بص على علبة الدريكسيون هل هى بور أعتقد باور لو جايبة زيت تبقى تتغير و سعرها 300 جنية و تتظبط ب 200 جنية كمان و تبقى تمام . فتحة السقف لوحدها ميزة رهيبة ممتازة جدا جدا بس الزراير الى فى السقف عبارة عن لوحة مش موجودة حا تدوخ عليها لو باظت بس حا تلاقيها . أنا عربيتى فيها فتحة سقف و علشان كدة بقولك ممتازة . أهم حاجة ان العربية ما تكونش متهانة و متبهدلة و عموما كل حاجة لها موجودة بكثرة مفيش أى مشكلة نهائيا . و على فكرة لو حظر البيع حا يخلص بعد 15 يوم هو بيفك الحظر و أعتقد بيستنى حوالى 15 يوم كمان مش متاكد . و المهم حالة الصالون لان التمبرا الى فيها فتحة سقف الكاوتش لازم يبقى تمام و الفرش الداخلى بتاع السقف يبقى تمام لانة غالى و مش موجود بكثرة قليل جدا جدا الفرش بتاع السقف بتاع التمبرا العادية مرمى و موجود بكثرة جدا جدا

**heshamzaky** · 03-04-2011 10:19 PM

دة شكل فرش السقف

**heshamzaky** · 03-04-2011 10:23 PM

و أتأكد من السقف بيتحرك حركتين يعنى ممكن تفتحة بالكامل و ممكن ترفعى ربع رفعة لفوق و الزرار بتاع فتح السقف أنا شخصيا دوخت لما جبتة و جبت البوردة كاملة بس بعد توصيات جامدة من بتوع الاستيراد