ازاي أنضف البوابات والرشاشات و بايه؟؟

**karimalaa** · 05-04-2011 06:52 PM

عندي حاجة جديدة بدأت تظهر و هي ان ساعات العربية لما أشيل رجلي من على البنزين بيفضل صوتها عالي شوية و تهدى بعدها ب 5 ثواني ولا حاجة أو احتاج ادوس سنة بنزين تاني عشان توطى!!! مع العلم ان الدواسة كهرباء مش كابل...فا أظن ان البوابات و الشاشات عايزة تنظيف خصوصا انها من ساعة ما العربية جت و هما ما اتلمسوش بقالها 70,000 كيلو ما شاء الله و 4 سنين و نص .....هل في حد عنده فكرة؟؟؟؟

**Formulator** · 05-04-2011 08:17 PM

- STP Complete Fuel System Cleaner
العلبة الفضى.. 65-67 جنيه (أمريكانى): بينظف الـThrottle والرشاشات والـintake-manifold والـFuel-Line كله..!
ترزعه على تانك 92-95 من بنزينة نظيفة... وتحرق عـ الغيارات شوية لحد ثلث أو نصف التانك..؟!!!
- STP Injector Cleaner
العلبة السوداء.. 25-30 جنيه: بينظف الرشاشات والـFuel-Line بس..؟!!
ونفس الكلام...!!!

**heshamzaky** · 05-04-2011 08:34 PM

دة منظف للأنجيكشن و ممكن الكاربراتير طبعا . دة موع صينى ب 25 جنية و شغال كويس جدا جدا و فية نوع تانى أمريكى ب 40 جنية و كلة زى بعضة . العبوة ممكن تنظف بيها مش أقل من 3 مرات و دة شكلها

و دة الشكل قبل و بعد التنظيف

**karimalaa** · 06-04-2011 01:51 AM

شكرا للكل على الردود و المشاركة بالمعلومة....
Formulator: هل حيجيب نتيجة الكلام ده ولا هو بس لحد ما التانك يفضى و حيرجع تاني؟!!!
وهل ال air intake cleaner ده برده يجيب نتيجة و مايبوظش حاجة....لازم طبعا أشيل العمة اللي بتوصل لعلبة الفلتر و أرش عادي...مافيش أي ضرر؟
شكرا لheshamzaky على الصور...بس أنا عندي العلبة بتاعة معرفش اسمها ايه أظن الthrottle عبارة عن لسان بيفتح و يقفل (كهرباء) عشان كده مش عايز أجرب أي حاجة ممكن يكون فيها شك

**Formulator** · 06-04-2011 03:01 PM

المشاركة الأصلية كتبت بواسطة karimalaa

Formulator: هل حيجيب نتيجة الكلام ده ولا هو بس لحد ما التانك يفضى و حيرجع تاني؟!!!
وهل ال air intake cleaner ده برده يجيب نتيجة و مايبوظش حاجة....لازم طبعا أشيل العمة اللي بتوصل لعلبة الفلتر و أرش عادي...مافيش أي ضرر؟

لا لأ.. النتيجة هتفضل حاسس بيها لفترة كبييييييييييييرة, ممكن 3000-5000 كم..؟!!

بس أنت حااااااااااافظ على نظافة البنزين.. يعنى استنظف البنزينة (شيل, توتال أو موبيل)..!
بالنسبة لموضوع الـAir-intake Cleaner.. أنا ماجربتوش الصراحة, استنى هشام ممكن يفيدك, لأنه شكله جربه كتير..!

**heshamzaky** · 06-04-2011 04:19 PM

بالنسبة للمنظف بتاع الرشاشات ((( الانجيكشن ))) جربتة كتير جدا جدا و الانجيكشن الى فى العربية بوش ألمانى يعنى مش بخاف علية و ممكن انظفة بالجاز كمان لو عاوز هههههههه
احنا بنستعملة فى التمبرا الانجيكشن و الانشيا الانجيكشن مفيش مشكلة ان شاء الله و لازم العربية تكون شغالة و دايرة و تزود بنزين و ترش حا يخرج هباب اسود من الشكمان لانة بينظف المانفولد كمان و بعد كدة حا تحس بفرق ملحوظ بالنسبة للمنظفات الى بتحطها فى التانك مع النزين دى بتنظف المواسير من الداخل و الدورة بتاعت البنزين و فية نوعين stp واحدة لونها أسود و التانية لونها برتقالى و الى لونها برتقالى يفضل وضعها على التانك و انت بتغير زيت و كويسة و أفضل من العبوة السوداء و عموما تنظيف العبوتين مش بنفس قوة منظف الانجيكشن الى حطيت صورتة

**heshamzaky** · 06-04-2011 07:08 PM

المشاركة الأصلية كتبت بواسطة karimalaa

شكرا heshamzaky.....أنا حاشيل العمة و أرش كده على الair-intake و يا رب يجيب نتيجة هي bosch برده عندي
سؤال تاني تنظيف الرشاشات ده مش بيبقى عن طريق اني بحط الcleaner ده في تانك البنزين....عشان ال4 رشاشات دول أكيد مش حينضفو لما أرش عليهم الspray اللي قولت عليه من بره كده ولا ايه؟

فية ناس بتفك و بترش بس بلاش تفك حاجة أحسن و سمعت ان فية تنظيف اخر شوفت الموضوع فى رابطة الدايو هنا على المنتدى