مشكلة فى النترا اوتوماتيك

**eino666** · 06-04-2011 10:03 AM

من حوالى شهر تقريبا العربية بتبطل منى لما ادوس فرامل علشان اقف و دى لما بتكون العربية ماشية بسرعة شوية بمعنى انى مثلا اكون ماشى بسرعة عادية يعنى 70 او 80 والاقى مطب فأبتدى امسك فرامل واحدة واحدة و ادخل على المطب و ادوس فرامل للاخر تقوم العربية مبطلة و الموضوع ده حصل معايا حوالى 4 او 5 مرات
ممكن حد يفيدنى ايه العيب منعا لاشتغالات احبابنا الصنايعية
.................................................. ..
محمود عينو

**HOSSAM99** · 06-04-2011 10:14 AM

السلام عليكم
ممكن أسأل حضرتك
أخر مره عملت صيانه كان أمتي و الصيانه دي عامله كام ألف كيلو؟

**AHMEDCAR** · 06-04-2011 10:27 AM

ممكن يكون عيب سيرفو الطاقيه بتاعه السيرفو مقطوعه

**M.Al-Hefnawy** · 07-04-2011 10:36 PM

نضف الفلتر بالهواء والبوابة بـ wd 40 وجرب العربية وإذا عدى على طقم البوجيهات 20 الف كيلومتر غيرهم بـ ngk.

**ahmedjumpo** · 08-04-2011 12:46 AM

اكشف على السيرفو و نضف البوابة زى ما الاخوة قالوا و شوف كهربائى يكون عنده سكانر لعربيتك و يحطها عليه و يشوف قرايات الحساسات و يكشفلك على الايدل كنترول
لو الحاجات البسيطة اللى فاتت ماجابتش نتيجة شوف ميكانيكى يكشفلك على الرشاشات

**eino666** · 08-04-2011 12:54 PM

شكرا جزيلا على ردودكم و ان شاء الله هروح بكرة للكهربائى اولا و بعده الميكانيكى و هبلغكم ايه اللى حصل
و على فكرة انا لسه عامل صيانة للعفشة مغير فيها دراعات اسكتر و بيضات مقصات و شدادات استبليزر و 2 مساعدين امامى و جلبتين مقص و
عملت حشو اسكترا عند الخراط
و الحاجة الوحيدة اللى غيرتها فى الماتور هى البوجيهات (جايبها من الموزع المعتمد من هيونداى فى اسكندرية عندنا )
................................
محمود عينو