بعت ال127 توب_ومحتار فى 205_رينو 9-11_رينو5 سوبر سينيك_ولا إنتوا شايفين حاجة تانية

**i_Am_Legend** · 10-04-2011 11:27 AM

انا متعود على 127 توب_ومتعود على قلة الأعطال_ورخص قطع الغيار_وبتسد فى أى حاجة_وأى حد بيشتغل فيها_دلوقتى انا قررت الخروج عن المألوف_وبفكر فى الآتى:بيجو 205_رينو 9 او 11_عربية ماتعديش 14-15 ألف بالكتير قوى قوى_ترشحولى أيه ياجماعة_انا اشتريت من التوب 3 عربيات_كل مرة بعد ما ببيعها_وأقرر اشترى حاجة تانية ارررجع تااااانى_واشترى 127 توب تانى!_بس زهقت بصراحة_ونفسى أغير بقى_بس بنفس الراحة والأعتمادية اللى انا متعود عليها

**amirsayed** · 10-04-2011 12:44 PM

بالنسبه للرينو المبلغ اللى حضرتك كاتبه اعتقد مش حيجيب حاجه حالتها حلوة
وبالنسبه للصيانه هتكون اصعب من التوب بمراحل و مش اى حد يشتغل فيها زى التوب و برضه قطع غيارها اغلى
ولو ان الرينو ركوبها افضل من الفيات فى حاجات كتير
ربنا يوفقك

**tyseer** · 10-04-2011 02:26 PM

بالنسبة لبيجو 205 قطع غيارها كلها استراد وعدد محدود جدا شغال فيها لعدم انتشار العربية واسعار قطع الغيار غالية المستعملة طبعا عشان مش هتلاقيها عند اي حد من ناحية الاعتمادية هيا اعتمادية بس نصيحة متفكرش فيها هتندم

**i_Am_Legend** · 10-04-2011 02:56 PM

المشاركة الأصلية كتبت بواسطة tyseer

بالنسبة لبيجو 205 قطع غيارها كلها استراد وعدد محدود جدا شغال فيها لعدم انتشار العربية واسعار قطع الغيار غالية المستعملة طبعا عشان مش هتلاقيها عند اي حد من ناحية الاعتمادية هيا اعتمادية بس نصيحة متفكرش فيها هتندم

يا خسارة_مع إنى بحبها بصراحة_خلاص هاشوف الرينو9 أو 11_أيه رأيكم

**tito_1980** · 10-04-2011 08:50 PM

مفيش عربيه من دول هتريحك زي ال 127 التوب

**i_Am_Legend** · 11-04-2011 02:26 AM

انا فى عربية رشقت فى دماغى جدا_سيتروين ax_انا سمعت إن هى هى ال205_بس موديل أعلى!_ياترى دى معلومة صح

**sab3aawy** · 11-04-2011 03:13 PM

اللى اخد على العربيات السهلة لو ركب حاجة مش منتشرة هيطلع عينه، انت واخد انك تقف عند البقال تقول له ادينى طرمبة مية يلفها ويديهالك، تروح لبتاع الكشرى تقول له ادينى تيل فرامل يغرف ويديك، مش هتريحك العربيات اللى قطع غيارها بتتباع-ان وجدت- عند نفرين او تلاتة تلاقيهم مخبيينها فى مخازن سرية ولا تجار السلاح ولازم تقول لهم كلمة السر ومين اللى باعتك قبل ما يديلك قطعة الغيار اللى غالبا استيراد وطلعان عينها، خليك فى العربيات السهلة احسن

**engaass** · 11-04-2011 03:39 PM

كل العربيات دى صعبة الصيانة

**i_Am_Legend** · 11-04-2011 05:08 PM

المشاركة الأصلية كتبت بواسطة sab3aawy

اللى اخد على العربيات السهلة لو ركب حاجة مش منتشرة هيطلع عينه، انت واخد انك تقف عند البقال تقول له ادينى طرمبة مية يلفها ويديهالك، تروح لبتاع الكشرى تقول له ادينى تيل فرامل يغرف ويديك، مش هتريحك العربيات اللى قطع غيارها بتتباع-ان وجدت- عند نفرين او تلاتة تلاقيهم مخبيينها فى مخازن سرية ولا تجار السلاح ولازم تقول لهم كلمة السر ومين اللى باعتك قبل ما يديلك قطعة الغيار اللى غالبا استيراد وطلعان عينها، خليك فى العربيات السهلة احسن

طيب انا مش عارف اشترى أيه!_اتصرف لحد 16_وأشترى سيتروين ax_أهى موديلها عالى 95 مثلا_ولقيت قطع غيارها فى الحنين بردوا_ولا ارجع ادور على توب تانى بس حالة جامدة _انا لاحظت إن فرق فى قطعة الغيار 20-50 جنيه مابين التوب _او ال9 إو الax_وبعدين فرق حوالى 10 سنين فى الموديل_وموتور أقوى_وقطع غيار التوب الاصلية إستيراد_ونفس سعر الax تقريبا!_لأنى مش بعرف استرخص_وبجيب انضف حاجة

**i_Am_Legend** · 11-04-2011 05:13 PM

انا صرفت نظر عن ال205 خالص_حاجاتها غالية إستيراد بصراحة_وتعتبر موديل قديم بردوا_هى ممتازة طبعا_بس لحد غاويها_وبيحب يسقط ويعدل_انا راجل عملى ومابحبش اسقط ولا اعدل_كبيرى قوى جنط _واستيكرز بس_ان بحب الحاجة ستوك

الموضوع: بعت ال127 توب_ومحتار فى 205_رينو 9-11_رينو5 سوبر سينيك_ولا إنتوا شايفين حاجة تانية

LinkBack

أدوات الموضوع

عرض

بعت ال127 توب_ومحتار فى 205_رينو 9-11_رينو5 سوبر سينيك_ولا إنتوا شايفين حاجة تانية - انشر الموضوع فى :

-

-

-

-

-

-

-

-

المواضيع المتشابهه

ضبط زوايا ولا حاجة تانية

عربية شاهين ولا حاجة تانية

اللى يبيع ماتش .. يبيع اى حاجة تانية وده لو كان ف حاجة تانية اصلا .

الكلمات الدلالية لهذا الموضوع

المفضلات

المفضلات

ضوابط المشاركة