حد استخدم طريق الجيش الجديد؟

**DR_UNIQUE** · 11-04-2011 09:05 PM

السلام عليكم يا شباب....
انا د طاهر ,, مقيم بين اسيوط والقاهرة،، والحقيقه بستخدم الطريق الصحراوي الغربي او الشرقي وسمعت اليومين دول عن طريق الجيش الجديد حد سمع عنه؟؟؟ كنت عاوز اعرف هو بيدخل فين في القاهرة بالضبط ومزدوج ولا رايح جاي وايه مدى جودته والسرعه القصوى لو كان حد عنده فكره
وبارك الله فيكم

**DR_UNIQUE** · 12-04-2011 02:43 PM

من بحثي ع النت فهمت ان طريق الجيش هو امتداد لوصلة طريق الكريمات بني سويف اللتي تم انشائها عام 2007 و اللتي تعتبر امتدادا للطريق الصحراوي الشرقي وان هذه الوصله قد تم مدها حتى اسيوط وهناك مشروع لمدها حتى اسوان وتقوم القوات المسلحه بالعمل فيها....اذا كان حد عنده تصحيح انا في النتظار

**khaled_sabry** · 12-04-2011 03:20 PM

المشاركة الأصلية كتبت بواسطة dr_unique

من بحثي ع النت فهمت ان طريق الجيش هو امتداد لوصلة طريق الكريمات بني سويف اللتي تم انشائها عام 2007 و اللتي تعتبر امتدادا للطريق الصحراوي الشرقي وان هذه الوصله قد تم مدها حتى اسيوط وهناك مشروع لمدها حتى اسوان وتقوم القوات المسلحه بالعمل فيها....اذا كان حد عنده تصحيح انا في النتظار

ياريت حد يأكدلنا المعلومه دى
حيث انى برضه بسافر لأسيوط من الطريق الشرقى

**د.محمود صلاح** · 12-04-2011 04:33 PM

من آخر الأوتوستراد يبدا الطريق وتم الإنتهاء منه لحد المنيا تحت حراسة الجيش

الرسوم 5 ج للملاكي
السرعة القصوى 120 كم رسمي

الطريق حر بإتجاهاين بينهما فاصل اسمنتى - لا يمكن الرجوع الى الوراء

به رادارات

**DR_UNIQUE** · 14-04-2011 03:35 AM

هو يعتبر امتداد الطريق الشرقي...يعني من بعد المنيا في اتجاه اسيوط هتبقى في الشرقي وزي ما حضرتك بتقول ان حوادثه كتير لان بعد ازدواج طريق الجيش بيبقى الطريق رايح جاي ومش واسع والنقل فيه كتير جدا وبترمي زلط وطوب صغير للصبح ...لكن ميزته ان الخدمات في كتير بعكس الغربي المزدوج بالكامل والخدمات فيه قليله جدا..وع اعموم في انتظار وصول طريق الجيش الروعه حتى اسيوط ونهاية وادي النيل كما هو مخطط...

**Ralliart** · 16-04-2011 04:49 PM

المشاركة الأصلية كتبت بواسطة د.محمود صلاح

من آخر الأوتوستراد يبدا الطريق وتم الإنتهاء منه لحد المنيا تحت حراسة الجيش

الرسوم 5 ج للملاكي
السرعة القصوى 120 كم رسمي

الطريق حر بإتجاهاين بينهما فاصل اسمنتى - لا يمكن الرجوع الى الوراء

به رادارات

يمكن الرجوع إلى الخلف طبعاً
في انفاق لليوترن هتلاقي يفط قبلها بتنزل من على اليمين وتطلع الناحية التانية على اليمين

انا مجرب الطريق لحد بني سويف بس معرفش بقيته عامل ازاي والطريق نضيف جداً ومفيهوش مطبات هواء وممكن تمشي عليه فوق الـ160 ومتحسش بأي توتر

**omarr** · 16-04-2011 10:39 PM

الطريق الشرقى للجيش طريق ممتاز هو اتجاهين الاتجاه الواحد اربع حارات واسع جداً ينفصل فى الوسط بحواجز اسمنتية يمكن الرجوع للخلف لتغير الاتجاه بأستخدام انفاق تنزل من الطريق السريع و تلف من اسفلة و تطلع فى الاتجاة الاخر الطريق نظيف جداً و يوجد علية عدد 2 محطة بنزين وطنية و لايوجد مطبات علية و الملاكى رسم مرور 5ج يبدا من بنى سويف وينتهى فى القاهرة مروراً بمدينة 15 مايو و المعادى و طريق الاتوستراد حتى الطريق الدائرى و هو موفر فى الوقت و السرعة المحددة 120 كم انا بمشى علية 160 كم وخلى بالك يوجد ردار متحرك فى دخلة القاهرة قبل البوابة الاخيرة من بنى سويف للقاهرة 3 بوابات الطريق اليومن دول مش امان علشان البلطجية لو هتمشى علية يفضل صباحاً ليلاً لايوجد اضائة ولاتقف لاحد على الطريق وخلى بالك هناك بقايا قطع كاوتش على الطريق بيحركها الهواء نتيجة لانفجار كاوتشات عربيات سابقة

**khaled_sabry** · 30-04-2011 02:54 PM

المشاركة الأصلية كتبت بواسطة omarr

الطريق الشرقى للجيش طريق ممتاز هو اتجاهين الاتجاه الواحد اربع حارات واسع جداً ينفصل فى الوسط بحواجز اسمنتية يمكن الرجوع للخلف لتغير الاتجاه بأستخدام انفاق تنزل من الطريق السريع و تلف من اسفلة و تطلع فى الاتجاة الاخر الطريق نظيف جداً و يوجد علية عدد 2 محطة بنزين وطنية و لايوجد مطبات علية و الملاكى رسم مرور 5ج يبدا من بنى سويف وينتهى فى القاهرة مروراً بمدينة 15 مايو و المعادى و طريق الاتوستراد حتى الطريق الدائرى و هو موفر فى الوقت و السرعة المحددة 120 كم انا بمشى علية 160 كم وخلى بالك يوجد ردار متحرك فى دخلة القاهرة قبل البوابة الاخيرة من بنى سويف للقاهرة 3 بوابات الطريق اليومن دول مش امان علشان البلطجية لو هتمشى علية يفضل صباحاً ليلاً لايوجد اضائة ولاتقف لاحد على الطريق وخلى بالك هناك بقايا قطع كاوتش على الطريق بيحركها الهواء نتيجة لانفجار كاوتشات عربيات سابقة

نتيجه لظروف خارجه عن ارادتى تأخر موعد سفرى و قد سافرت بالفعل يوم 28 ابريل من القاهره متجها لاسيوط
الطريق ممتاز و تم بالفعل مده حتى المنيا ... حتلاحظ قبل مدخل بنى سويف امتداد الطريق و حتلاحظ لون الاسفلت الجديد
ده طريق الجيش و حيكمل معاك زى الحرير لغاية المينيا و حتلاحظ كل 4 او 5 كيلو عسكرى جيش ماشى مع نفسه فى الطريق و معاه دفتر بيكتب فيه ... لما سألت العمال قالولى دول عساكر بيستلمو الطريق
بس الملاحظ فى الجزء الجديد بين بنى سويف و المنيا ان مافيش خدمات خالص و لا اى استراحه و لا بنزينه حتى

غلطتى اللى عملتها انى كملت على نفس الطريق من المنيا الى اسيوط و مشيت على الطريق اللى تحت الانشاء و لسه ما اتسلمشى فالاسفلت ماكنشى مكتمل فى بعض الاجزاء و فيه مدق فى وسط الصحراء مسافه 3 او 2 كيلو و مافيش شبكه نهائى ... يعنى لاقدر الله لو العربيه عطلت كنت خلاص انسى
صديق ليا قالى المفروض كنت ادخل مدخل المنيا و اكمل على باقى الطريق الشرقى عادى

دلوقتى انا فى اسيو ط و بإذن الله حنرجع القاهره غدا ... فصديق ليا قالى اكمل على الطريق الشرقى عادى لغايه بنزينه قبل المنيا بكيلو حلاقى مدخل جنب البنزينه يمين امشى فى المدخل ده حيوصلك حتى طريق الجيش ... و حذرنى من التكمله فى الطريق الشرقى لأنه بعد المنيا بيبقى مهجور و به قطاع طرق حتى فى النهار لأن كل العربيات بتروح طريق الجيش