الموضوع: عربيتي الصني اتجننت !!!!!!!!

السلام عليكم جميعا انا معايا نيسان صني 2008 عامله 104 الف كيلو العربيه كانت زي الفل لحد اسبوع فات وكنت في توكيل السبع المعادي يوم السبت 19 مارس بعمل صيانه ال 100 الف وبعد الصيانه العربيه زي الفل غيرت البوجيهات وفلتر الهوا وكله تمام كان عندي شكوه ان ال rbm بتاع العربيه بيعلي لوحده وده عملها معايه مرتين مره وانا في الزعفرانه راجع الي القاهره كنت واقف في الريست وشغلت العربيه وبعدين شغلت التكييف فصوت العربيه علي وال rbm طلع لحد 2 تقريبا بطلت وشغلت تاني الصوت تمام ويلغت مهندس الاستقبال في السبع قالي هانكشف وبعد الصيانه قالي مفيش حاجه المهم من اسبوع لاحظت ان استهلاك البنزين عالي بنسبة 25 % وفي ريحت بنزين من الشكمان المهم الكاوتش كان عايز يتغيير غيرت كاوتش ويبقي الوضع علي ما هو عليه الجديد بقا من يومن العربيه بتبطل وهي ماشيه اول ما امور العربيه بتوطى جدا لدرجه انها بتبطل وكمان لما انقل من غير لغير العربيه بتوطي جدا والغريب ان سحب العربيه بقا قوي جدا واحيانا العربيه وهي واقفه في اشاره بتعلي لوحدها لدرجه ان الناس الي واقفه جنبي بتفكرني عبيط بدوس بنزين وانا واقف و برضو استهلاك البنزين عالي ( المسافه اللي كنت بعملها ب 20 لتر بقت بتتعمل 27 لتر )
مش عارف ايه المشكله وخايف اروح لحد هنا في الغردقه يقعد يفتي ويلعب ويبوظ الدنيا اكتر ومفيش توكيل هنا
افيدوني اعزكم الله
اخوكم مصطفي

الف شكر لاهتمامكم بالموصوع
اه انا رجعت الغردقه لاني مقيم واعمل بها
ممكن اروح الاقصر اقرب اما بني سويف ف القاهره احسن
اه طبعا لان العربيه ما يعيبهاش زيادة الكيلو متر بتاعها لانها المفروض انها متصنعه علشان تقطع مسافات طويله وانا العداد بتاعي عالي لاني بسافر القاهره والمنيا كتير واقل مسافه بقطعها 1000 كيلو في السفريه
انا عملت حاجه ومستني نتيحتها وهي اني اضفت للبنزين منظف من النوع اللي بينظف دورة الحرق زمالي هنا بيرشحولي ميكانيكي ارحله ينظف طرمبه البزين والرشاشات وانا خايف بصراحه لاني اعتقد انه بعد ما يقوم بالعمليه دي لازم يعيد برمجه الكنترول بتاعها علي الكومبيوتر ولا ايه رايكم
اخوكم مصطفي