الحقووووووووووووونى يا دكاترة اللانوس

**elpasha1** · 13-04-2011 12:23 PM

انا مش عارف اعمل اية انا معايا عربية لانوس 99 اتوماتيك عاملة 188.000

بداية المشوار بدء بسخونية الصبح اول ما ادور الاقى الموشر على الاحمر ... ولما اكون لسة راكن وادور الاقى المؤشر تحت خالص ...غيرت صباع الحرارة لقيت القربة بتخر (علشان مطولش)غيرت الثيرموستات- القربة -طلمبة المية والمشترك والماسورة العمومية كل حاجة بتمشى فيها المية غيرتها -ماعدا الردياتير وخراطيم القرية ( كل حاجة كانت بتتغير علشان درجة الحرارة اللى كانت بيسجلها جهاز الاسكنر ) يعنى الجهاز والله وبدون مبالغة فضضل يومين فى العربية شغال علشان يدينا درجة الحرارة بعد تغيير قطعة الغيار وبعدين قال" كدة بقى مفيش غير جوان وش السلندر- وبالفعل عملتة بس عند ميكانيكى تانى لانة قال هيتكلف 400 جنية وعملتة بـ 150 جنية عند ميكانيكى تانى بس ( العربية مبتسحبش) وكنت غيرت الزيت بزيت مصر (1) 10000ك وغيرت بعد اقل من 1000ك لان صوت العربية كان عالى وفى دخنة بيضاء الصبح اول ما ادور لكن لما تسخن العربية شوية تروح الدخنة وكان فى ناتشة غريبة رحت لميكانيكى ثالث عن طريق احد لاصدقاء قال " الكاتينا خالفة يا بية " المهم ظبت الكاتينا غيرت البوجيهات ببوجيهات njk والسلك وجميع الفلاتر وغيرت الزيت بزيت اسو 2000 ك ونظف الرشاشات- ماشى من عنده ولله العربية طيارة على الارض وتانى يوم مفيش دخنة الصبح صوتها هدي ثالث يوم رجعت العربية سحبها زى الزفت تانى مش عارف عمل اية
ارجو الافادة ممكن يكون العيب من اية

**osama_ruan** · 13-04-2011 01:36 PM

نصيحة روح مركز صيانة معتمد وسيبك من الفتايين

**elpasha1** · 13-04-2011 02:33 PM

المشاركة الأصلية كتبت بواسطة osama_ruan

نصيحة روح مركز صيانة معتمد وسيبك من الفتايين

شكرا للنصيحة بس انا صرفت كبير اوى ومش قادر تانى على مصاريف التوكيل

**mahmoudysf** · 13-04-2011 07:47 PM

انت بتراقب مستوى المية في القربة ولا لا
وايه السبب اللي خلاك تغير جوان الوش
هل كانت المية بتنقص او المية لونها متغير
وهل كبست دورة التبريد عند حد بتاع ريادتير
انت عملت حاجات كتير من غير ما تعرف ليها علاقة ولا لا يالسخونة المفروض الواحد بيمشي خطوة خطوة عشان يوصل للسبب

**elpasha1** · 14-04-2011 01:33 AM

المشاركة الأصلية كتبت بواسطة mahmoudysf

انت بتراقب مستوى المية في القربة ولا لا
وايه السبب اللي خلاك تغير جوان الوش
هل كانت المية بتنقص او المية لونها متغير
وهل كبست دورة التبريد عند حد بتاع ريادتير
انت عملت حاجات كتير من غير ما تعرف ليها علاقة ولا لا يالسخونة المفروض الواحد بيمشي خطوة خطوة عشان يوصل للسبب

مستوى مية القربة كان بيقل بمعدل كبير بس لع العيب فعلا فى القربة
واللى خلانى اغيرالحاجات دى كلها ميكانيكى ومشهور اوى فى فيصل وبيشتغل فى الدايو بس وكان شغال فى التوكيل ( بقول لحضرتك جهاز الاسكنر فضل يومين فى العربية) والكلام دا كلة مجاش فى يوم واحد بل 3 ايام اخذت اجازة من الشغل وقعدت بيها