الموضوع: محتار بين الفلوانس و الكورولا

المشاركة الأصلية كتبت بواسطة ahmedmohammed

السلام عليكم

ياريت اعضاء المنتدى المحترمين يفيدوني انا اعمل في السعودية و ناوي ان شاء الله اشتري عربية عشان انزل بيها مصر ان شاء الله

محتار جدا بين الفلوانس و الكورولا و الفئتين اللي عايز اجيبهم نفس السعر تماما

اللي يهمني اوي سعر الصيانة و قطع الغيار في مصر و التوكيل في مصر مين افضل ؟

الفلوانس في الخليج تجميع كوري مش تركي هل دي حتفرق في حاجة ؟

ياريت تفيدوني يا جماعة

أسعار الصيانة و قطع الغيار مش هتفرق كتير فى مصر لو فى التوكيل....ده على حسب معلوماتى

لكن برة التوكيل هتلاقى قطع غيار للتويوتا أكتر شوية بحكم الإنتشار.....و هتلاقى تنوع فى الأسعار كبير.

التنوع ده هيقل شوية فى الفلوانس بس مش بدرجة مؤثرة.

و على حسب ما قريت وتعاملت مع توكيل مصر أن توكيل رينو من أفضل التوكيلات فى مصر.

التويوتا أعتقد قدامها 3 سنين بالكتير و هتغير الشكل.....لكن الفوانس مش قبل 2015 .

الفوانس أتقل شوية و راسية عن التويوتا على الطريق.....و لكن سحب التويوتا أعلى و فتيسها أستجابته ممتازة و تكييفها ممتاز.......بس أنا مجربتش تكييف الفلوانس.

بالتوفيق إن شاء الله.