ستاير كبس للملكة

**Ahmed Galal** · 22-04-2011 02:00 PM

امبارح جبت ستاير كبس للملكة بعد ما كنت فقدت الأمل اننى الاقيهم جبتهم من التوفيقية من محل اسمه الشبح للستاير و معملوين تفصيل على قدها بالظبط و ركبوا تمام جدا على الازاز الخلفى للبابين و الضهر تمنهم 75 جنيه و شكلهم تحفة بس ربنا يستر من المرور و المخالفات قلت اعرف المعلومة لاصحاب الملكة للى عنده رغبة يركب بدل الفيميه و مشاكله

**mandordiab** · 23-04-2011 07:00 AM

شكرا علي معلومتك الجيده

**yaserbasha2000** · 23-04-2011 07:05 AM

شكرا علي المعلومه يا احمد

**yaserbasha2000** · 24-04-2011 01:39 PM

احمد باشا
معلش هيا الستاره الخلفيه متفرغ فيها مكان للمبة الاستوب العريضه ولا بتركب قدامها
و الرؤيه الخلفيه كويسه بالليل و النهار ولا ايه النظام

**Ahmed Galal** · 24-04-2011 05:53 PM

المشاركة الأصلية كتبت بواسطة yaserbasha2000

احمد باشا
معلش هيا الستاره الخلفيه متفرغ فيها مكان للمبة الاستوب العريضه ولا بتركب قدامها
و الرؤيه الخلفيه كويسه بالليل و النهار ولا ايه النظام

لا هيا ما فيهاش مكان متفرغ على قدها هيا بتتحط قدام الستوب ورا الزجاج على طول و الستوب بيبان من وراها كويس جدا و الرؤية بالنهار ممتازة يعنى انا شايف منها كويس اما بالليل بقا بتبقا معتمة شوية بس هاتتعود و لا بقا هايضايقك نور عالى و لا حتى لو وراك اتخن زينون و بتخلى شكل العربية تحفة و بالمناسبة عديت على لجنة كوبرى التجنيد بتاعت الفيميه و ربنا ستر بس هما بيدققوا اكتر على ستاير الجنبين لكن الضهر ما بتبانش معاهم قوى فمتركبش الجمبين الا للضرورة و طبعا بكل المقاييس احسن و ارخص من الفيميه و اقف فى الشارع فى اللجنة افك فيه و ابوز الازاز و اتحط فى موقف بايخ لو معايا حد تحيا الستاير الكبس

**yaserbasha2000** · 24-04-2011 06:33 PM

لو سمحت يااحمد ممكن مكان المحل ده بالظبط او اقرب حاجه معروفه جمبه

**Ahmed Galal** · 24-04-2011 10:03 PM

المشاركة الأصلية كتبت بواسطة yaserbasha2000

لو سمحت يااحمد ممكن مكان المحل ده بالظبط او اقرب حاجه معروفه جمبه

لو انت داخل التوفيقية من الشارع الرئيسى اللى بيعدى على الاسعاف و رمسيس هاتلاقى محل كبير قوى بتاع اكسسوارات على الشارع مش فاكر اسمه الصراحة هاتخش من جمب المحل ده هاتلاقى ناس كتير فارشة يمين و شمال اكسسوارات عربيات اخر الشارع ده شمال هاتلاقى محل الستاير الكبس مش عارف بقا كده الوصف واضح و لا لا و لو تهت قوى اسال اى حد على مصنع الشبح للستاير الكبس

**zegzaag** · 25-04-2011 03:13 PM

ألف مبروك وهي فعلا شكلها جميل وعمليه وسهلة الفك

بس انا مره وقفني ظابط على جمب وقالي شيلها طبعا لو مشلتهاش هتدفع مخالفات والحركات دي وانا من كام يوم شفت الامين واقف واي عربيه معديه يبص لو فيها حاجه بيسجل الرقم وقتي ويكتب مخالفه طبعا لما تجدد فالمرور كلو بيبان ولما انته بتعدي قدامو ظهر العربيه بيان ( فانا شايلها فالبيت عشان المخالفات ) المهم انته خليك بالك لو مشوار معين وحر وبتاع ركبها لكن غير كده خد حذرك بردو

يارب اكون فدتك انا قلت اقولك تاخد بالك

**Ahmed Galal** · 25-04-2011 04:00 PM

المشاركة الأصلية كتبت بواسطة zegzaag

ألف مبروك وهي فعلا شكلها جميل وعمليه وسهلة الفك

بس انا مره وقفني ظابط على جمب وقالي شيلها طبعا لو مشلتهاش هتدفع مخالفات والحركات دي وانا من كام يوم شفت الامين واقف واي عربيه معديه يبص لو فيها حاجه بيسجل الرقم وقتي ويكتب مخالفه طبعا لما تجدد فالمرور كلو بيبان ولما انته بتعدي قدامو ظهر العربيه بيان ( فانا شايلها فالبيت عشان المخالفات ) المهم انته خليك بالك لو مشوار معين وحر وبتاع ركبها لكن غير كده خد حذرك بردو

يارب اكون فدتك انا قلت اقولك تاخد بالك

متشكر على النصيحة و الحمد لله انها سهلة الفك و التركيب فى ثانية بدل بهدلة الفيميه

**swimmer25** · 27-04-2011 09:53 AM

معلش سؤال صغير
ايه هي الستاير الكبس ؟؟ ممكن صورة لشكلها وبتركب ازاي
وايه انواع الستاير التانية معلش عشان صاحبكم مش فاهم فيهم

الموضوع: ستاير كبس للملكة

LinkBack

أدوات الموضوع

عرض

ستاير كبس للملكة - انشر الموضوع فى :

-

-

-

-

-

-

-

-

المواضيع المتشابهه

ينفع اغير موتور عادة للملكة 1300بموتور اتوماتيك انجيكشن 1600

عاوز ستاير كبس للتويوتا افانزاعاوز ستاير كبس للتويوتا افانزا

كل البروتوناوية اللي عايزين ستاير كبس .... ركبت ستاير كبس ل gen-2 ب 90 جنيه

ستاير كبس

ستاير كبس

الكلمات الدلالية لهذا الموضوع

المفضلات

المفضلات

ضوابط المشاركة