الموضوع: تكلفة سنتر و زجاج كهرباء و فوج لايت للياريس ؟

ألفوج لايت انا جايبه ب 225
السنتر فى حدود 150 جنيه ممكن يزيد او يقل على حسب ...
نيجى بقى للازاز الكهربا , انا نزلت بورسعيد جبت 4 مكناتازاز كهربا ب 140 و زارير الابواب ب 50 و مجموعة الزارير الى هى بتاعة باب السواق ب30 جنيه ...... فى حاجات لازم تاخد بالك منها وانت بتشترى ..
1) المكن بتاع الياريس مكن على تروس مش واير , يعنى لو نزلت بورسعيد قوله عايز مكن ترس , و الذراع بتاع المكنه لازم يبقى طويل ده بالنسبة للابواب الى قدام والى ورا الذراع قصير ., ده لو لاقيت هتلاقى غالبا القصير بس ...
لو ملقتش مكن بذراع طويل حضرتك هتجيب مكن ترس قصير بقى او طويل اهم حاجة ان الماتور بتاعه يكون شغال كويس ( الراجل يجربهم وانت بتشترى ) ....
لما تيجى تركب بتاع الابواب هيعدل المكن العادى و يركب عليه المواتير وخلاص ويركبهم تانى ... تخلص بتاع الابواب وتطلع على الكهربائى هيعملك دائرة كهربا بلدى جديدة لان غالبا العربية مش هتبقى مجهزة للابواب الكهربا , فى الحالة دى هتشترى سلوك بحوالى 150 جنيه و شوية مصاريف كده بتاع 50 جنيه كمان , واجرة ايد الصنايعى فى حدود 150-200 جنيه .......

لو عند حضرتك اى استفسار انا تحت امرك ....

225 بس !!
انا سالت عليه في شارع دمشق كلن 275 + 50 جنيه تركيب عند ابراهيم و شكله راجل محترم و شاطرين
يعني زجاج الكهرباء يكون في حدود 600 - ة700 انا هاجيب كل حاجة من راجل واحد ؟
ايه رايك 275ده سعر كويس و لا كتير ؟

المشاركة الأصلية كتبت بواسطة zetot

225 بس !!
انا سالت عليه في شارع دمشق كلن 275 + 50 جنيه تركيب عند ابراهيم و شكله راجل محترم و شاطرين
يعني زجاج الكهرباء يكون في حدود 600 - ة700 انا هاجيب كل حاجة من راجل واحد ؟
ايه رايك 275ده سعر كويس و لا كتير ؟

و الله بالنسبة للفوج , انا كنت لفيت لفة فى المنصورة اعلى سعر سمعته كان 250 جنيه , نصيحة لف لفة برده عند كذا واحد لان الفرق 50 جنيه مش مبلغ قليل برده , وعلى فكرة الى 225 هو هو ابو 250 و اكيد هيبقى نفسه ابو 275 ...
بالنسبة للمكن انا جبته هو و الزراير من بورسعيد منطقة بنك الاسكان هتلاقى فيها من اول الابره لغاية الصاروخ بالنسبة للعربيات , بس الموديلات القديمة , يعنى حضرتك مش هتلاقى الحاجة الاوريجينال بتاعة العربية , لكن احنا بنليق يعنى بنشوف كده الى ممكن يمشى معانا , وخد بالك فى بورسعيد فااااااااااااااااااااااصل مع البايع على قد ما تقدر ولف كذا مرة لغاية ما تسمع السعر الى يريحك ..... انا لما كنت هناك لاقيت فرش الابواب بتاعة الياريس الاوريجينال الكامل ب2000 جنيه وده طبعا مبلغ وهمى , بالنسبة لفرش ابواب ...

المشاركة الأصلية كتبت بواسطة bloody_stone

انا اقدر افيد حضرتك في الفوج .. انا مركب نوع تايواني ممتاز ما شاء الله و كذه واحد عندنا في المنتدى هنا مركبه و كلنا بنشكر فيه الحمد لله
النوع اسمه esuse و علبته صفرا او برتقالي كده
جبته من شارع دمشق ب 250
خد بالك عشان في انواع صيني كتير مضروبة و بتسيح من جوه مع الاستخدام
و خلى حد بيفهم يركبه ليك عشان لمبته في التابلوه تنور لما تشغله

شكرا لحضرتك..ممكن اعرف انت ركبته عند مين؟؟