أهمية أراء ملاك الشيفروليه اللانوس 2011

**mohamedibk** · 23-04-2011 10:36 PM

عاوز كل واحد يمتلك شيفروليه لانوس 2011 يقول رأيه الشخصى عن تلك السيارة
من حيث اعتماديته الاقتصادية وعمليته فى الشوارع
لاننى انوى شراء تلك السيارة زيرو
لان كل ما اسال شخص لا يمتلك تلك السيارة يقول لى ابعد عن تلك السيارة
واشترى سيارة مثلاً زى الرينو اللوجان
فى حين سالت تجار سيارات كثيرين قالوا لى
ان مشكلة اللوجان عندم يتم عرضها للبيع تفقد الكثير من قيمتها لاسباب ان الرينو بصفة عامة ظروفه السوقية عاملة كده وذلك لغلو قطع غياره الاصلى وتكنولوجياته العالية وتكاليف صيانته بينما اللانوس عامل زى الجنيه الذهب فى اى وقت اعادة البيع سهلة ويفقد بعض من قيمته ولكن ليست مثل الرينو اللوجان
فى حين سألت اصحاب اللوجان لماذا لم تشتروا شيفروليه لانوس افادوا بالاتى :-
1- ان الشيفروليه اللانوس تقفيل مصرى بينما اللوجان تقفيل مغربى مكون من قطع غيار فرنساوى
2- ان الشيفروليه اللانوس واطية وتحك كثير فى المطبات بينما اللوجان عالية لاتحتك بالمطبات
3- ان الشيفروليه اللانوس فقيرة فى الكماليات بينما اللوجان غانية بالكماليات
4- ان الشيفروليه اللانوس غالية ثمانها ب 72000 جنيه بينما اللوجان ثمانها ب 70000 جنيه
5- ان توكيل الشيفروليه اللانوس من حيث الضمان والصيانة اسوء من توكيل اللوجان الذى يقدم صيانة مخفضة وضمان مجانى مضمون
6- ان مستقبل اللوجان افضل من الشيفروليه اللانوس من حيث الانتشار وعلى المدى البعيد وقد يتفوق عليه
7- ان اللوجان مزاياها اكثر وعيوبها قليلة بينما الشيفروليه اللانوس عيوبها كثيرة ومزاياها قليلة جداً مثل قطع الغيار الصينى المكونة فيها ( طرمبة البنزين الصينى والعفشة السيئة واشياء اخرى )
فارجو الافادة الجيدة من اصحاب السيارة الشيفروليه اللانوس من حيث تلك الامور بصفة عامة

**khaled4nour** · 23-04-2011 11:38 PM

ودون دخول فى مهاتارات وكلام كتير
النصيجة من اخ لأخ
اخر حاجة تفكر فيها هى الشيفروليه لانوس ولو ببلاش....
انا معايا وللأسف ياما اشتكيت وياما قاسيت والله العظيم تعبت نفسياً منها
وكنت فاكر انها صدفة مثلاً ان كل العيوب دى فى عربيتى
لكن المفاجأة الكبرى...... كل اللى اشوفه معاه العربية اروح اسأله
والاجابة طبعاً.......... احنا اتدبسنا فى عربية زبالة زبالة زبالة
اشترى نفسك بدل ما الفاس تقع فى الراس وتخيب خيبتنا
والله على ما اقول شهيد
اخوك /خالد

**yassin_samir** · 23-04-2011 11:59 PM

المشاركة الأصلية كتبت بواسطة khaled4nour

ودون دخول فى مهاتارات وكلام كتير
النصيجة من اخ لأخ
اخر حاجة تفكر فيها هى الشيفروليه لانوس ولو ببلاش....
انا معايا وللأسف ياما اشتكيت وياما قاسيت والله العظيم تعبت نفسياً منها
وكنت فاكر انها صدفة مثلاً ان كل العيوب دى فى عربيتى
لكن المفاجأة الكبرى...... كل اللى اشوفه معاه العربية اروح اسأله
والاجابة طبعاً.......... احنا اتدبسنا فى عربية زبالة زبالة زبالة
اشترى نفسك بدل ما الفاس تقع فى الراس وتخيب خيبتنا
والله على ما اقول شهيد
اخوك /خالد

يا ريت بلاش تعميم العربية معايا و خلت على سنتيت و هى ذى الفل و الحمد لله مفيش حاجة من اللى قولتها و الله على ما اقول شهيد

**khaled4nour** · 24-04-2011 01:08 AM

المشاركة الأصلية كتبت بواسطة yassin_samir

يا ريت بلاش تعميم العربية معايا و خلت على سنتيت و هى ذى الفل و الحمد لله مفيش حاجة من اللى قولتها و الله على ما اقول شهيد

ولولا اختلاف الأزواق لبارت السلع ولكن من النادر ان الاقى حد بيشكر فى العربية
وعلى فكره مش تعميم والله انت اول واحد يقول العربية كويسة وتقدر تشوف المواضيع بنفسك
وهتعرف .
السيارة فــــــــــــاشــــــــــ ـــــــلة بكل المقاييس
وعشان ترتاح اكتر الأغلبية بتقول كده وانت اللى بتقولو ممكن يكون صح وده من حظك وربنا يباركلك فيها يا مان

**acoount** · 24-04-2011 02:09 AM

بص انا عندى دايو انوس 2004 ومعايا زى الفل وصيانتها اى مكانيكى دلوقتى بيشتغل فيها وقطع غيارها رخيصه وناعمه وادائها كويس على الطرق السريعه لكن الرينو لوجان تكنولوجيا تانيه خالص عن الدايو فرق بين السما والارض وده ليه مقابل مش اى ميكانيكى بيشتغل فيها وقطع غيارها نااااااار وتكلفه الصيانه ولعه وزى ما العضو الفاضل قال بتخسر فيها كتير عند البيع وده موضوع يستحق الدراسه لكن لو امكانياتك الماديه عاليه توكل على الله واشترى اللوجان والله الموفق

**mohamedibk** · 24-04-2011 02:13 AM

شكرى للزملين الافضل على ردهم
ونتمنى من باقى جميع الملاك ان يعطوا اراءهم وانطباعاتهم عن تلك السيارة
ومع كامل احترامى للاخ العزيز خالد
اود ان اقول لك انه لا يوجد سيارة كلها بدرجة مزايا 100% والا تلك السيارة لن يظهر لها اى مشاكل مع الاستخدام
لذلك كل عربية لها مزاياها ولها عيوبها
وكل شخص ادرى بظروف سيارته

**aly_hosny** · 24-04-2011 02:35 AM

انا جبتها اول ما نزلت خاااااالص
و في واحد صاحبي معاه 2008 مفيش اي فرق بين العربيتين "دا بالنسبة لل انا شايفه"
بالنسبة انا مجبتش اللوجان لانها مكنتش نزلت بس كانو بداو يعلنو عنها و في حاجات كتير في مصلحة اللانوس
1- شكلها وحش
2- قطع غيار غالية
3- ملكش غير التوكيل لو حصل حاجة في العربية لا قدر الله
4- اعتقد كان في مشاكل في الفتيس بس معرفش اتحلت و لا لا

و عموما كان في مقارنة عملها الاستاذ محمد ممدوح بس كانت جوا موضوع و تفوقت فيها اللوجان

**msobhy** · 24-04-2011 02:53 PM

انا معايا لانوس 1 - موديل 2000 + لانوس 2003 + شيفورلية لانوس 2009 بتاعت صاحبى
نصيحة لوجه الله بلاش لانوس
لو بتدور على عربية شغالة وخلااااااص - صيانتها سهلة - قطع غيار رخيصة ومتوفره - يبقى اللانوس مفيش غيرها - فعلا انا شايف انها احسن عربية شعبية على الاطلاق
لو بتدور على نعومة - تكييف - صوت موتور واطى - فخامة فى الصالون - يبقى حضرتك اكيد بتتكلم على حاجة غير اللانوس
بخصوص اللوجان معرفش عنها اى حاجة لكن فعليا انا عمرى ما هاشتريها لأنها مش بتنزلى من زور - بحس ان اللى عمل التصميم بتاعها كان لسه خارج من حادثة وجرى عمل التصميم ده - مع العلم ان رينو مشهوره بتصميمتها الداخلية والخارجية الرااااااااااااااائعة
الاهم من ده كله - استخير ربنا قبل أى شئ
ربنا يوفقك