مقياس الزيت ......!

**khaled4nour** · 24-04-2011 12:35 AM

معايا شيفرولية لانوس 2010 عامله لحد دلوقتى 22 الف
متابع الصيانة فى التوكيل بصفة منتظمة
بستخدم زيت شل 5 الاف اللى بـ 105 جنيه
وبغير فلتر كل 5 الاف يعنى عند كل صيانة
بس فى الصيانة بيحطو كمية الزيت كلها
والشيء الملاحظ انه مقياس الزيت واصل
لبعد علامة الـ max بشوية بالرغم انى حاطط الزيت بقالى 2000 كم دلوقتى
هل هذا طبيعى ولا يعتبر كده الزيت زيادة
وده بسبب اضافة جركن الزيت كله واللى مكتوب فى الكتالوج 3.750 لتر بس

**ahmedsrs** · 24-04-2011 01:09 AM

الزيت زيادة
المفروض يسيب ربع كيلو لو هيغير فلتر
ونصف كيلو لو مغيرش فلتر
والصح ان الزيت يبقى بين العلامتين

**fosfos010** · 24-04-2011 01:40 AM

المشاركة الأصلية كتبت بواسطة ahmedsrs

الزيت زيادة
المفروض يسيب ربع كيلو لو هيغير فلتر
ونصف كيلو لو مغيرش فلتر
والصح ان الزيت يبقى بين العلامتين

بين العلامتين ازاى بيبقى فى اخر كلمة max يعنى على حرف x من فوق

**khaled4nour** · 24-04-2011 01:41 AM

انا العلامة عندى بعد حرف x بتاع كلمه max بحوالى 7مم وانا حاطط الزيت من شهر تقريباً
ما هى الاضرار وايه العمل دلوقتى؟
وازاى بتوع التوكيل يتصرفو بالحماقة دى؟ المفروض انهم ماشيين على تعليمات وجداول من شيفروليه الأم يعنى مش بيتصرفوا من دماغهم!!!! عاوز اعرف ليه بيعملوا كده وايه النظرية؟ لان الموضوع ده بيتكرر معايا كل لما اروحل اغير زيت عندهم بيحطو الجركن كله مع تغير الفلتر؟

**khaled4nour** · 24-04-2011 02:47 PM

متابع

**khaled4nour** · 24-04-2011 10:57 PM

اين باقى الاقتراحات

**ahmedsrs** · 24-04-2011 11:20 PM

الصح ان الزيت يبقى بين شرطة الماكس وشرطة المنمم وميزدش عن شرطة الماكس وميقلش عن شرطة المنمم وكلام ده فى الكتالوج وموجود فى القسم ممكن تحمله
اضرار الزيادة
1- تلف الاويل سيلز
2- حرق زيت
3- زيادة البخر
4- هدر للفلوس
5- زيادة ترشيح غطاء التاكيهات
اضرار النقص
اكيد معروفة

**khaled4nour** · 25-04-2011 12:25 AM

السؤال هنا بقا .....التوكيل بيعمل ليه كده وليه متعمد يحط الجركن كله
وانا نوهت عن الموضوع ده عندهم يقولولى دى القواعد اللى احنا ماشيين عليها .
هما الصح ولا احنا الصح؟

**ahmedsrs** · 25-04-2011 08:39 AM

هو مين التوكيل المهندس والصنايعى الى تحت منه وبدال المهندس مش شايف شغله ومبيشرفش على الصنايعى والزبون ساكت يبقى ليه ميحطش كل الجركن

**mero100** · 25-04-2011 10:39 AM

بشمهندس/ خالد - صباح الفل .... عيد ربيع سعيد :-))

نفس المشكله انا عانيت منها مع اول تغيير زيت ليا مع العباقره ... مهندسين وعمال منصور العجيب .....حطولي كل الجركن .... لقيت الصبح المقاس واصل للماكس.... المهم عشان مطولش عليك .

الحل :
1- الذهاب لعم محمد في بنزينه موبيل اللي في العروبه .... لانه راجل خبره و فاهم ... و حيشفط باالمكنه في حدود ربع لتر و يظبطلك الدنيا .....
2- ليه بقول عم محمد ؟:-))..... لاني جربت ولاد ال..... بتوع شل الطيران .... سحبولي كيلو ومشيت بيه 10 كيلو و الزيت ناقص كيلو .....قمت رايح موبيل و جبت كيلو و زودت عشوائي و الصبح قست لقيت زي عندك الزيت واقف علي حرف الاكس .
3- لما يسحبلك في حدود ربع كيلو حتلاقي المقاس و انت بتقيس الصبح بقه الزيت تحت حرف x بحوالي شويه و اعلي من علامه 0 اللي في نص المقااس .....
4- الناس طمنوني و قالولي ربع كيلو زيادة مش مؤثر بالصورة البالغه اوي ....
5- قررت بعد كدة اكون واقف جنب ولاد ال ..... بتوع منصور و اخد ربع الكيلو اللي فاضل في الجركن و أرميه بنفسي في اقرب صندوق قمامه
6- كانت هذه احدي و انا بقول ( احدي ) نوادري مع توكيل منصور العجيب .... ايوة انا مسميه منصور العجيب :-))

تحياتي لخالد و للجميع

الموضوع: مقياس الزيت ......!

LinkBack

أدوات الموضوع

عرض

-

-

-

-

المواضيع المتشابهه

بالصور طريقة الكشف على مقياس معيار الزيت فى عربيتك

مقياس الزيت !!!!

مقياس الزيت

الحقونى مقياس الزيت اتجنن وجننى

بخصوص مقياس الزيت

الكلمات الدلالية لهذا الموضوع

المفضلات

المفضلات

ضوابط المشاركة