الموضوع: حاجه غريبه حيرت الميكانيكيهالسلام عليكم ورحمة الله وبركاته انا عربيتى بولونيز وفيها م

السلام عليكم ورحمة الله,

جرب حضرتك تغير الاسبراتير باحد تاني للتجريب وشوف النتيجه ,وان شاء الله خير.

ماهو حضرتك المشكله لو فى الاسبراتير كان لما ااخر الكهربا شويه تفضل نفس المشكله لكن لما بقلل الكهربا المارش بيدور زى الفل بس المشكله بتبقى فى السحب

وفيه حاجه كمان وهو ان العربيه مش راضيه تشتغل على الغاز والغاز روحه الكهربا كل لما اقلبها غاز تقطع وكان فيه حاجه بتقفل الغاز وتفتحه وتفضل على كده تقفل وتفتح

و أنا كمان عندي نفس المشكلة المملة دي و مش لاقي لها حل.

المشاركة الأصلية كتبت بواسطة zegzaag

فكرتني بمشكلتي انا بعاني من نفس المشكلة بالظبط ولا حد قدر يقولي حل مناسب كلو بيقول حاجه غير التاني واغير واصلح ومفيش فايده
بص انا لما صلحت علبة الفيوزات الي قدام الدوارة بقة اسرع كان فيها فيوزات بتسيح مع الوقت بسبب عطل جواها والدنيا كانت داخله فبعض فانته حاول تشوف الكهربا عندك ممكن يكون سبب صغير جدا
قصدك إن العيب ممكن يكون من علبة الفيوسات؟ أنا عندي علبة الفيوسات فوق الطابلون، هي دي إللي بتتكلم عليها و لا حاجة تانية؟

لكن موضوع الدوارة انا كنت من كتر ما اتسحلت معاها بقيت بخترع طرق للدوارة يعني مثلا احاول اخلي بس المرش يدور وافصل الكونتاكت وهكذا كأني بشغلو بأيدي كذا مره وادور الاقيها دارت
معلش أنا مش فاهم الطريقة دي، لو وضحت أكتر يبقى كتر خيرك.

لكن الفتره الحاليه لما ظبط كل الكهربا فالعربيه الموضوع شبه اتحل ( لحد دلوقتي الموضوع مرجعش تاني )
عملت حاجة تانية في الكهرباء غير علبة الفيوسات و جابت نتيجة؟ و لا لما غيرت علبة الفيوسات المشكلة اتحلت؟

يارب اكون فدتك ( واعذرني على معلوماتي البسيطه )
من ناحية "أفدت" أنت أفدتنا جدًا جدًا، و لو طلع العيب من علبة الفيوسات يبقى أنت كده وفرت علينا فلوس و وقت و وجع دماغ، و في ميزان حسناتك إن شاء الله.

المشاركة الأصلية كتبت بواسطة zegzaag

هو انا عندي في علبتين فيوزات وحده جوه عند التابلوه ووحده فالكبوت من جوه ( الي عملتها الي فالكبوت من جوه ) لكن بردو خليتو يشيك على الي فالتابلوه عشان اخلص من الكهربا دي خالص

طبعا العلبه سعرها غالي ومش موجوده فخليت الكهربائي يفكها وطلع غسيل الموتور خلى حاجات جواها تصدى ده غير ان في حاجات جواها كانت محروقه فمكنتش الكهربا واصله كويس وكان فيه فيوز لما كنت اللعب فيه كانت تدور وساعات كان بيكون سايح ( يعني واصلو كهربا زياده او حرارة زياده ) وجبتلها فيوزات وصلحناها وخليتو يشيك على الكهربا بتاعة العربيه كلها ويقيس وظبط الي عاوز يتظبط فيها واقدر اقولك الدوارة دلوقتي لله الحمد

انا ساعات كنت لما اجي ادور اقعد اللعب فالفيوزات اشيلها واحطها او اهزها كانت تدور معايه

اما طريقة الدوارة الي كانت بتظبط معايه ( قبل ما تعمل اي حاجه او تدور تكارك بنزين كذا مره وبعدين تفتح الكونتاكت وتدور وتطفي بسرعه بحيث انك تخلي المارش يلف من غير ما يلحق يقوم الموتور كأنك بتخليه يفوق - كررها كذا مره وجرب يمكن تظبط معاك )

اتمنى تكون وجهة نظري البسيطه وصلت ولو فيه مفهمتهاش اعذرني وأسألني وانا هجاوبك تاني ان شاء الله

وجهة نظرك وصلت تمام التمام، و أنا عن نفسي هجرب طريقتك المبتكرة دي و أشوف النتايج، و إن شاء الله خير، و ربنا يجازيك خير على الإفادة القيمة.