ضبط فيشه الاوكتين فرق جامد

**taha724** · 24-04-2011 08:04 PM

انا عربيتي لانوس وان وانا غالبا بحط بنزين 80 وكانت المشكله الاساسيه في التسقيف بتاع الموتور
وبعد قراءتي في موضوع فيشه الاوكتين انا كنت متردد لاني ليس لي خبره بمواضيع الميكانيكا والكهربا
المهم قلت يعني هيحصل ايه
روحت فاكك الكرسي اليمين وخرجته بره العربيه وفكيت الموكيت لكن للاسف لم اجد الا طرف واحد من الفيشه ولم اجد الطرف الاخر وقعدت ابحث وبعدين ربنا هداني لفكره ان العبره هي توصيل ال3 اسلاك ببعض روحت قاصص الفيشه البلاستيك وروحت موصل الاسلاك مع بعض بشكرتون (البني والبني ابيض والاسود)
ورحت بلمره ما انا اتشجعت بقا وفاكك الايديل كونترول ونظفته وعمل اعاده تشغيل السياره
والمفاجاه اني حسيت اني راكب عربيه تانيه لا يوجد تسقيف نهائي وحاسس ان اداء العربيه احسن كتير
وده طبعا بفضل رجاله المنتدي

**khalid9411** · 24-04-2011 08:38 PM

مبروك اولا
وثانيا هو لازم يتفك الكرسى ولا ممكن وهو راكب

**taha724** · 24-04-2011 09:54 PM

الله يبارك فيك بس انا حاولت من غير فك الكرسي معرفتش والافضل انك تشيله

**khalid9411** · 24-04-2011 09:58 PM

ما انا حاولت برضه من غير فك الكرسى لقيتها صعب شويه مارضتش افك الكرسى

**megosoft** · 26-04-2011 04:53 PM

انا عملت موضوع الفيشه من فترة طويله وعدلتها للوضع الخاص ببنزين 80- والحال مش حلو اوي أول اسبوع أو 10 ايام من الاستعمال العادي- لكن بعد فترة العربيه رجعت تصقف تاني- والحل الوحيد لمنع التصقيف هو وضع بنزين 90 و 92-وبالمناسبة استعمال بنزين 80 لفتره بيخلي العربيه خشنه جدا. يعني في رأي المتواضع وتجربتي العمليه. بلاش 80--- والموضوع ده قديم جدااا وقتل بحثا ...

**Car's Sniper** · 27-04-2011 01:25 AM

وبالنسبة لاستهلاك بالنزين وسحب العربية ...حصل فيه تغيير؟؟

**megosoft** · 27-04-2011 12:41 PM

ولا سحب ولا استهلاك.. كله بيزداد سوء
يعني رغم ان كل الناس اتكلمت في الموضوع ده سواء رقم الاكوتين بتاع البنزين- أو تغيير الفيشة-
انا بقول رأي العملي أن بنزين 80 مؤذي جدا جدا. ومش ح اقول على المدى الطويل
لأ بعد فتره قصيرة جدا ح تشتكي من السحب ومن خشونه الماكينة وصوتها العالي وكمان الــ

**khalid9411** · 27-04-2011 07:19 PM

انا ليا تعليق لو سمحتم
مدام كده كده يتم وضع بنزين 90 او 92 كان الباشمهندس محمد ممدوح غير فيشة الاوكتين من 90 الى 95 ولما توضع 92 بيديك فرق هايل وخصوصا مع المكيف وانت فى وسط الزحام مع عزم الماتور هذا قصدى
وليس 80 لان 80 اكثر سوءا

**محمد الشامي** · 27-04-2011 08:24 PM

المشاركة الأصلية كتبت بواسطة khalid9411

مدام كده كده يتم وضع بنزين 90 او 92 كان الباشمهندس محمد ممدوح غير فيشة الاوكتين من 90 الى 95 ولما توضع 92 بيديك فرق هايل وخصوصا مع المكيف وانت فى وسط الزحام مع عزم الماتور

+1

**khalid9411** · 27-04-2011 10:48 PM

فينك استاذ محمد الشامى وحشتنى خالص

الموضوع: ضبط فيشه الاوكتين فرق جامد

LinkBack

أدوات الموضوع

عرض

-

-

-

-

المواضيع المتشابهه

كل ما يهمك عن فيشة الاوكتين

استفسار بسيط عن فيشه الاوكتين

طلب بخصوص فيشة الاوكتين

طلب بخصوص فيشة الاوكتين

رفع درجة الاوكتين

الكلمات الدلالية لهذا الموضوع

المفضلات

المفضلات

ضوابط المشاركة