رحله تسقيط موتور فى سيفيك مو 92

**tarekomar66** · 28-04-2011 01:06 AM

السلام عليكم جميعا يا هونداويه
انا طارق وعندى هوندا مو 92 si والحمد لله على كل حاجه
بعد سؤال الاخوه الاعزاء الهونداويه وخصوصا سامح باشا ( الف مبروك تانى يا باشا ) عن افضل المواتير اللى ممكن يركب على عربيتى حماله الاسيه وبعد سؤال الاخ ظاظا بتاع بورسعيد والحاج مجدى استقر الحال على موتور zc 1600 مو 2000 ( بالمناسبه ازاى اعرف موديل سنه الصنع ) من الحاج مجدى السوقى وبصراحه الراجل دا محترم جدا
المهم ما اطولش عليكم الموتور بالفيتيس والكنترول وكباس التكييف وطبعا المارش والدينامو وطلمبه الباور ( بدون كبالن ) وشكله كويس
شفت الموتور واستقريت عليه واتوكلت على ربنا وطبعا اخونا العزيز سامح باشا
كان نعم العون على التليفون
وتوكلنا على الله على ان نحضر العربيه بالليل الى الميكانيكى
والى اللقاء غدا ان شاء الله

**tarekomar66** · 28-04-2011 01:26 AM

اليوم الثانى 27 ابريل
كان السؤال مين يحل الموتور القديم ويسقط الجديد اللى دفيرته يمين (وعلى كلامهم اليمين يعنى من اليابان ) ولو انه ممكن يكون من ساحل العاج ماهو برضه هناك السواقه يمين ما عالينا
كان فيه اختيارين الاول كان منير
والتانى هوه عصام اللى كان برضه بيشتغل عند منير
وربنا كرمنا اننا نروح للاخ عصام ولو انه حوالى 22 سنه بس ماشاء الله عليه بيراعى ربنا وفاهم كويس ولو ان اعتقد ان خبرته لسه عليها شويه
المهم من 11 الصبح ابتدأ العمل ورفع الماكينه القديمه وابتدأ فى تسقيط الماكينه الجديده
على الساعه 2 ظهرا كان ربنا كرمنا ونزلت الماكينه الجديده فى العربيه
طبعا بعد تغير قاعد موتور وتغير ريداتير النحاس القديم بواحد المونيوم وفيه فيبر من فوق ( ودا كان رأى عصام علشان مش محتاجين العربيه تسخن ويبقى كله جديد ف جديد )
المهم اشتريت واحد من الشيخ مجدى بالكرتونه وكمان عدد 2 كوبلن وقربه باور جديده
دى صوره الموتور الجديد بعد ما نزل فى العربيه

**tarekomar66** · 28-04-2011 01:45 AM

معلش مش عارف احمل الصوره

**SAMEH_FOUAD** · 28-04-2011 09:32 AM

الف مبروك ياباشا على الماتور الجديد واهم حاجة بس يتلين فى الاول كدة يعنى يتحطلة زيت تنظف بية المكنة وتمشى بية بتاع 200 كم بدون قرص وبعد كدة تنزلة وتغير معاة الفلتر وان شاء الله خير

وعلى اية ياباشا احنا معملناش غير الواجب ولو احتاجت اى حاجة انا فى الخدمة