المطب الجديد الفي طريق السويس

**zico900** · 29-04-2011 12:08 AM

السلام عليكم

عايزين نشتكي ضد المطب الجديد الفي طريق السويس (في منزل كوبري الجيش)....مين العمله اساسا و ليه؟؟؟؟؟ العربيات بيطير من عليه لان محدش يعرف انه موجود...نعمل اه في البهايم العملوا على طريق سريع؟؟؟ نشتكي لمين؟

**abo_lamar** · 29-04-2011 12:18 AM

اديك قولت بنفسك ( البهايم ) , انا اول مرة كنت يوم جمعة الصبح والدنيا فاضية وماشي على الطريق والاقي المطب ده في وشي ... عربيتي اتقلبت طيارة بس الحمد لله جت سليمه .

**cheetos_892005** · 29-04-2011 01:40 AM

واحد صاحبي و باباه واخته عملو حادثه امبارح الصبح بسببه

طاروا من عليه و العربيه عومت و كانت بتقلب و خبتط في الجزيره

العربيه راحت خالص و وولعت ((اوبترا ))

ابوه ايده اتكسرت و اتبهدل كدمات عمود فقري و صدر و كله

ربنا يسلمنا من الغباء

انا نفسي الواد ده يرفع قضيه و هيكسبها باذن الله

**islamnabil** · 29-04-2011 01:45 AM

فعلا غباء في غباء
نفسي افهم معمول ليه
طب ماكانوش عملو الكوبري من اساسه بقى ماهو كده الطريق رجع زخمة زي ماكان

**zico900** · 29-04-2011 01:45 AM

لا حول ولا قوه الا بالله....ان شاء الله هيكسبها بسبب انهم متبعوش ارشادات السلامه و هي وضع علامه المطب قبله

**Ayman-Ahmed** · 29-04-2011 02:08 AM

لا حول ولا قوة الا بالله.هما معرفة اصحاب الاوبترا السودا اللى اتبهدلت.مطب غبى غبي غبى.ولاننى ساكن قريب منه .بسمع طول الليل فرامل ودششششش اول يوم اتعمل فيه المطب كانت الضحية عربية سيراتو سودا اتدمرت تماما.

خدوا بالكوا بقى ان فى مطبين تانيين بنفس الغباء واحد بعد دار الاشارة ب 100 متر تقريبا وواحد الناحية التانية والحمد لله لحقت افرمل قبليه بنص متر.

**Ayman-Ahmed** · 29-04-2011 02:15 AM

لا حول ولا قوة الا بالله.هما معرفة اصحاب الاوبترا السودا اللى اتبهدلت.مطب غبى غبي غبى.ولاننى ساكن قريب منه .بسمع طول الليل فرامل ودششششش اول يوم اتعمل فيه المطب كانت الضحية عربية سيراتو سودا اتدمرت تماما.

خدوا بالكوا بقى ان فى مطبين تانيين بنفس الغباء واحد بعد دار الاشارة ب 100 متر تقريبا وواحد الناحية التانية والحمد لله لحقت افرمل قبليه بنص متر.

والمطب معمول عشان الناس اللى بتعدى من الاتجاهين واللى بسببهم عربيات كتير بتلبس فى بعضها او اللى بيعدى ويتخبط.

مطب غبىىىىىىىىىىىىىىىىىىىىىىى ىىى.

**darshing** · 29-04-2011 04:33 AM

اااه يا جدعان انا لسه شيفو النهرده بجد في منتهى الغباء بجد استفزني جداااا غبي غبي غبي يعني في مكان في منتهى التخلف
طيب بجد عايز اعمل حاجه بس مش عارف ايه الي ممكن يتعمل

**lanos_power** · 29-04-2011 05:26 AM

يا جماعه الشعب المصرى لما كان بيقول الشعب يريد اسقاط النظام مكنش قصده حسنى مبارك و شلته كان قصده ان الشعب عاوز الدنيا فوضى و الشعب المصرى اللى بيقولك دلوقتى نسيم الحريه الحريه بالنسبه للشعب المصرى اعمل اللى نفسك مهما كان غلط اعمله ما دى الحريه انا عندى فى سكه الوايلى نفس الكلام برضه مطب غبى معمول فى منزل كوبرى و انهارده النور فى الشارع اتقطع و سمعنى احلى صوت فراااااااااامل اىىىىىىىىىىىىى طخ اىىىىىىىىىىى طخ و انا قلبى بيتفطع على اى عربيه تلببس المطب دا او اى مطب عملوه ناس فى منتهى الغباء و التخلف اللى يقولك اصل انا ابنى كانت هتخبطه عربيه ادام باب البيت فيعمل مطب طيب اعمل مطب محمول لابن سعادتك بقا كل ما يعدى الشارع يعمله فعلا شعب مالوش غير نظام حسنى و اللى زيه لان احنا كشعب ان ملقناش اللى يدينا على دماغنا بنشطح و فهمنا لكلمه حريه غلط

**AirForces** · 29-04-2011 10:02 PM

شكرا لصاحب الموضوع على التحذير
دا فيديو لحادثة كانت هتحصل بسبب المطب دا هو موجود فى طريق السويس قبل الكوبرى وانت رايح على الرحاب وبعد الكوبرى وانت نازل من الرحاب

يا ريت يا جماعة تحذروا اصحابكم وحسبى الله ونعم الوكيل فى الأستهتار بأروح الناس كدا

[youtube]http://www.youtube.com/watch?v=Lp5lDWMluyQ[/youtube]