الموضوع: تجربتي مع مقصات النوبيرا

عايز احكي للأخوة مالكي النوبيرا عن تجربتي مع مقصات النوبيرا المهم علشان مطولش عليكم روحت عند العفشجي وقولتلوا عايزك تكشف ليا عن العفشة فقاللي ان شداد الموتور وكاوتش المقصات الامامي محتاج تغيير قولتله انا سمعت اني أغير المقصات بمقصات اسباني افضل فرد عليا وقاللي دي تكلفة انت مش محتاجها وانا هعملك كاوتش المقصات بطريقة احسن من المقصات الاسباني وجرب وقوللي ، بصراحة انا بثق جدا في العفشجي ده فقولتله خلاص اعمل اللي انت شايفه وطلب مني جوز كاوتش مقص جي ام من التوفيقية وقاللي هات معاهم جوز كاوتش مقص بتاع عربية ربع نقل دبابة استغربت جدا للطلب ده لكن من ثقتي فيه روحت وجبت الطلبات دي ، المهم هو ركبهم ازاي،
ركب الكاوتشتين الجي ام مكانهم في المقص بالمكبس وبعدين جاب كاوتشتين الدبابة وقسم كل واحدة فيهم نصين كل نص ركبوا من الناحيتين بتاعة كل مقص وركب المقصات في العربية وقاللي جرب العربية وقوللي رايك ايه ، قمت خدت العربية من عنده ومشيت بيها وبصراحة العربية مبقتش اسمع لها اي صوت في المطبات وكمان مبقتش اسمع اي صوت خالص من العفشة ودلوقتي بقالي ماشي بيها 3 شهور والله بقت زي الفل وكل ده كلفني الاتي
اتنين كاوتشة جي ام مقص امامي 70 جنيه
اتنين كاوتشة مقص دبابة 15 جنيه
شداد موتور تايلاندي 45 جنيه
مصنعية 50 جنيه

انا عملت الكلام ده كلة وبرضوا بيرجعوا تانى انا لسة عملهم من شهرين وبرضوا رجعوا باظوا تانى ومش لاقى حل ونفسى القى حل لاانها مشكلة مزعجة جدا