اخبار الباليو ايه؟

**SharpArrow** · 04-05-2011 11:55 AM

السلام عليكم ازيكم يا وحوش فيات الجامدين

انا هخش في الموضوع على طول

فيه واحد صاحبي عايز يشتري عربية نضيفة و في حدود التلاتينات و هو يقدر يدفع اكتر بس هو مش عاوز يزود عشان لسه متعلم السواقة جديد و خايف يدفع فلوس كتير و يخبط في العربية

المهم رشحتله كام حاجة في حدود 20000 بالكتير بس مستريحش لاي حاجة منها ده غير انه بيحب البونتو اوي و بيفكر يجيب واحدة زي بتاعتي

المهم و احنا بنلف لقينا حتة دين باليو موديل 2006 موتور 1000 سي سي فاير و ب 35000 جنيه (طبعا اتفقت معاه اني هعلمه سواقه كويس لو جابها لاني مش هسمحله يبوظ عربية زي دي)

فابريكة تماما و تحفة ما شاء الله و مفيهاش ابرة غلط - غير خبطات بسيطة اوي كلها اتعملت على البارد - (طبعا هنكشف عليها اكتر بس انا متأكد بنسبة كبيرة ان العربية محترمة جدا و مفيهاش مشكلة)

انا سؤالى بس لمالكي الباليو هل في اي عيوب فنية للعربية دي الموديل ده؟
او اي مشاكل او اي احتياطات لازم تتاخد او او او؟

فا انا شاكر جدا اي واحد عنده معلومة عنها يدلني برضه عشان هي عجبتني شخصيا و من كتير ما عجبتني سخنته عليها جدا و ناويين النهاردة بالليل نروح نخلص فيها

الا لو حد هنا وقفني لاي سبب

فا اتمنى اعرف ردكو على سؤالي و شكرا يا وحوش :)

**ahmadmidop** · 04-05-2011 02:10 PM

لا خليه يتوكل على الله الحمد لله العربية مظهرش فيها عيووب وحموووولة

**SharpArrow** · 04-05-2011 07:14 PM

ميرسي يا باشا جدا على ردك الجميل

انا عارف ان الباليو عربية تحفة ما شاء الله بس ممكن يكون فيها حاجة انا معرفهاش فا قلت اطمن بس عشان ملبشس صاحبي و هو حبها بسببي ههههه