مشكله فى الكيا سبكترا

**falcon44** · 05-05-2011 04:46 AM

السلام عليكم
عربيتى كيا سبكترا موديل 2001 (خليجى) مشتريها من فتره قريبه واكتشفت بعد ما اشتريتها للاسف صوت طقطقه رهيب وعالى جدا ومسموع بدرجه كبيره وده لما بكون بركن مثلا او كاسر الدريكسيون وانا ماشى ....
انا شكيت فى الكبالن وقولت اكشف عليها واغيرها بس انا لاحظت ان العربيه لما تاخد المطب الحديد مثلا وعلى سرعه بطيئه جدا لا تتعدى 15 كيلو متر اشعر بهبده شديده جدا من الجنب اليمين الامامى فشكيت فى المساعد اليمين او المقصات فى اليمين والشمال وشكيت برضه فى البلى مع العلم ان السياره غير متزنه فى السرعات العاليه وتهتز العربيه من الجانب الايمن بصوره اكبر من جميع الجوانب ......
فياريت لو حد يقدر يساعدنى ويقولى ايه اللى فى العربيه بالزبط اكون شاكر جدا ليه وياريت من اهل الكيا سبكترا يقولولى اسعار الكبالن والمساعدين والمقصات والبلى كام واجيبها من عند مين وشكرا لكم

**A.Lotfy** · 05-05-2011 09:12 AM

زي ما انت قولت بالظظبط

المساعد اليمين بدام بيهبد يبقى العربية هتعوم معاك شوية والطقطقة تبقى كبالن

غير جوز كبالن وجوز مساعدين أمامي الأداء هيتظبط معاك

وطبعا الأفضل تخلي عفشجي كويس يبصلك عليها علشان تعرف ايه الحاجة اللي محتاجها كلها وتجيبها مرة واحدة وترتاح

وحاجتها كلها عند حلمي سليمان