خطوات تغيير كوبلنج بالصور

**د.محمود صلاح** · 05-05-2011 11:20 AM

السلام عليكم ورحمة الله وبركاته

الكوبلنج او بالإنجليزي CV joint coupling اختصار كلمة continuous velocity joint
هو اللي بينقل الحركة من الفتيس للعجل الامامي
والكوبلنج بيبقى مغطى ببجلدة هرمية الشكل مضلعة مثل الاوكورديون
الجلدة دي تحتوي على الشحم اللي بيحافظ على البلي والتروس من التآكل والسخونة
لو الجلدة انقطعت >> هينزل الشحم والكوبلن يبوظ ( يطقطق في الملفات ) وده اللي حصل عندي هنا في عمان في عربيتي الكرولا هاتش باك 93 لقيت الجلدة اتقطعت ونزل الشحم كله ولكن الكوبلن ما كنش بيطقطق ودورت على جلدة جديدة للتغيير مالقيتش .. لازم الكوبلن كله يتغير .. كما ان العربية بترجرج عند الملفات الضيقة والضغط على البنزين - غالبا مشكلة اكس - وقلت هغير الكوبلن يمكن هو السبب في الرجرجة

فيديو شرح عمل الكوبلنج

YouTube - Thompson CV Coupling

خطوات التغيير يسمى عند الصنايعية في مصر " نطر الكوبلن" :-

رفع السيارة على قاعدة حديد

فك العجل وسرة العجل

فك مسامير اللي بتمسك الطنبورة وما حولها من المقص من الأسفل

هتلافي الكوبلن ظهر لك محرر من كل شيء
يبدأ يدق على الأكس من الخلف ناحية الفتيس عشان يطلع الاكس بالكامل ( زيت الفتيس هينزل )

الاكس كله طلع برة

حاول ينطر الكوبلن بالطرق بالشاكوش ولكن ما عرفش فاضطرينا نوديه لمخرطة تفكها بالزرجينة بتكلفة زيادة على الزبون

تركيب الجديد

مع وضع الشحم والوردة الضامة لفتحات الجلدة

وتركيب السرة مع الإحكام عليها وعمل حز بالطرق بسن مدبب عشان ما تفكش أثناء السير ( هام )

------ التكلفة كاملة ب 180 ج --- وبعدها عرفت ان فيه محل تاني بيبيع قطع غيار عربيات مفكوكة كان هيديني الاكس كامل بكبالن بلادها الأصلية الناحيتين ب 150 ج

ثم توجهت لضبط الزايا بجهاز حديث جداً لأن السيارة بتحدف شمال

حيث رفع السيارة ووضع المستشعرات وضبط الكمبيوتر على موديل وكود السيارة - هاام - وبدأ في الضبط الزوايا الخلفي والامامي

واتضح من الكمبيوتر ان هناك زاوية لا يمكن استعدالها بالصواميل لأن هناك عوجه في الشاسيه

ومحتاجة زرجينة - وماعرفتش افهمها للهندي يعني ايه زرجينة -

والتقرير النهائي

وبعد الضبط باحدث كمبيوتر مازالت العربية بتحدف

فقمت بتغيير العجل بنفسي يمين مكان شمال واتظبطت بلا كمبيوتر بلا وجع دماغ