الموضوع: حد يقولى رأية فى الخبر دة !؟ أزاى ناس هتمنع دخول المصريين وفى نفس الوقت بتدعمهم !؟

معرفش أصدق مين ولا أكدب مين
أنا كلامى كلة دلوقتى على الحكومات مش على الشعب
لأن الشعب اكبر بكتير جدا دلوقتى من أى حكومة و هنفضل عرب غصب عن أى حكومة دوله و عن أفعالها
و مش عايزين نغلط غلطة باقى العرب لما فكروا أن الشعب المصرى خاين زى الحكومه لأ عمرنا ماهنغلط الغلطة دى تانى ولا هما إن شاء الله يغلطوها بعد ماشافوا الشعب المصرى أية و مدى عظمته


من كام يوم سمعنا عن الحكومه السعوديه لو المخلوع السابق تنحى هتمنع دخول المصريين و هتمنع تجديد التأشيرات و كلام عجيب كدة و كمان سمعنا الكلام دة برضة عن حكومة الكويت و حكومة الأمارات و حكومة قطر قطر موقفها كويس جدا معاها من بداية الثورة حتى نهاية العالم إن شاء الله


طيب بما أن الحكومات دى مش عايزة تساعدنا طيب أزاى فيه خبر من حلقة المسلمانى العجيبه دى
بيقول أن قطر و الكويت و السعوديه دعمت مصر !!؟








عارف ان فيه ناس منتميه لنظام المخلوع السابق
و ردا لأى شخص منتمى للنظام السابق لو شايف أن دة خيانه لسوسو مومو
كفاية أننا بنتدعم من عرب مش من بنتدعم من إسرائيل و أمريكا

دول الخليج ليها وضع خاص ... و مصر بالنسية ليهم هي فزاعة ( مصطلح عاجبني ) لايران ... طبعا امريكا هي اللي بتحمي دول الخليج و لكن تحالف مصر مع دول الخليج بيدلهم شرعية اكتر .... و كلنا فاكرين التصريحات الايرانية ضد البحرين ... و بعدها مبارك راح البحرين و ايران تراجعت عن تصريحاتها ....
لكن العلاقات في الفترة اللي فاتت كانت علاقات شخصية و ليست علاقات دولية .... بمعني علاقات بين مبارك و حكام تلك الدول ...... طبعا كلنا عارفين النظام اللي كان ماشي يعني مفيش ايدولوجية ثابتة علي اساسها بتتبني استراتيجيات العلاقات الدولية ... كله حسب المزاج
فطبيعي بعد رحيل مبارك ان الدول دي تقلق و خصوصا الامارات اللي ليها جزر محتله من ايران ( و علي الرغم من كدة فالتبادل الاقتصادي موجود مع ايران و بشكل واسع ) الموضوع كله زي ما الشباب قالوا سياسة شد و ترخية و كروت بتتلعب
بصراحة انا شايف الموضوع هيبقي افضل في المستقبل
يعني مثلا لازم العلاقة بدول الخليج يبقي فيها تعويض لمصر عن عدم استفادة مصر من السوق الايراني
مثال
شركتي PMS و ماريدايف ( شركات خدمات بترول بحرية مصرية ) لازم تاخد شغل اكتر من دول الخليج مقابل انها حتي هذة الحظة مبتشتغلش مع ايران و معظم شغل IOEC ( Iranian ofshore engineering and construction CO ) رايح لشركات اماراتية
شركات الحفر في ايران برده من دول الخليج و خصوصا الامارات ..... ليه سابسكو متخشش
فلازم يبقي فيه تعويض لعدم تدخل مصر في السوق الايراني ده من ناحية الشركات
برضه من ناحية العمالة
اي حد كان بيشتغل في ايران كان بيطلع عينه من امن الدولة ..... و بالتالي لازم سوق العمل في الخليج يتفتح اكتر للمصريين

انا شايف ده اللي بمشيئة الله هيحصل الفترة الجاية .... الموضوع مش عند يعني ايران مش كخة للمصريين و حلال للامارات
المصلحة هي اللي هتحكم