المساعدة يا إخوانى فى مشكلة عويصة وحاسس انها من الموبينة

**JAM** · 06-05-2011 11:02 PM

بسم الله الرحمن الرحيم

اولآ يا جماعة الموضوع بدأ من حوالى اسبوعين لما رحت مونت من بنزينة جديدة والعربية بعديها قعدت تقطع وتفصل.. المهم ... رحت بيها لميكانيكى ونضفلى الفلتر اللى فى الطرمبة ونضفلى التانك وغير فلتر البنزين بواحد جديد أصلى .. والعربية فضلت بعديها ماشية تمام... اليومين اللى فاتوا وتحديدآ يوم الأثنين اللى فات مونت ونزلت وسط البلد الظهر وانا على الكورنيش والطريق طبعآ زفت وانا مشغل التكييف .. العربية عملتها تانى .. توطى خالص وتبطل زى ماتكون مخنوقة..وبرضه انا المرة دى حليت الطرمبة ونضفتها وكذلك فلتر البنزين..وبعديها تمشى 20 متر وتبطل لدرجة انه المسافة من روض الفرج لدخلة السبتية من على الكورنيش حوالى800 متر اخدتها فى ساعة ونص..!!!!
بس اللى لاحظته حاجة.. العربية لما سبتها شوية بتاع ساعة كدة ودورتها تانى مشيت وبقت زى الفل كانت ساعتها بقضى مشوارى وكنت راكنها فى حتة ظل وكان الوقت بقة على المغرب كدة.... وبعديت رجعت بيها تانى وهية ماشية زى الساعة وكنت بجرى بيها...ورحت بيها على ميكانيكى وحطتها على سكانر.. كله زى الفل.. وحتى طلعت جربتها والاسكانر راكب فيها.. وكلوا كان تمام ...الكلام دا كان على الساعة 9 بليل.. امبارح عملت معايا نفس الموقف تانى.. وانا راجع من الشغل الساعة 4 ونص وبرضه كنت مشغل التكييف والدنيا زحمة.. دلوقتى انا شاكك بصورة كبيرة فى الموبينة.. فا انا عايز اقطع الشك باليقين.. علشان انا بكرة نازل اجيب ناس من المطار وجايين من عمرة ومش عايزها تعملها معايا على الدائرى وشكلى يبقة تيشرت خالص.. فياريت تساعدونى وتقولولى اتأكد ازاى انها من الموبينة ولو كدة اغيرها بكرة الصبح.
معلش انا طولت عليكم ولكنى شرحت الموضوع بإستفاضة حبتين.

تحياتى
م/أحمد نبيل

**محمد الشامي** · 06-05-2011 11:21 PM

ان شاء الله بسيطه يا صديقي

ممكن تعمل اختبار لشرارة البوبينه
فك سلك البوجيه من ناحيه البوبينه وخليه على بعد 1 سم من المخرج بتاعه
وشوف الشراره اللي طالعه من البوبينه للسلك شكلها ايه
وكرر نفس العمليه مع الـ 3 مخارج الباقيين
المفروض ان الـ 4 مخارج تكون قوتهم كببره وتحس ان الشراره كانها بتنط للسلك

**islambana** · 06-05-2011 11:26 PM

لو عملت اختبار الموبينه ولقيتها سليمه يبقي العيب ده عيب طرمبه بنزين بتضعف وتقطع لما تسخن وحاول تغيرها في اسرع وقت وابقي حاول تخلي التانك مليان علي قد ماتقدر علشان الطرمبه بتبرد نفسها من البنزين اللي في التانك

**JAM** · 06-05-2011 11:38 PM

كتر الف خيرك يا صاحبى على ردك.. ولكن العربية بتبقة شغالة زى الفل وهية فى أجواء طبيعية .. بمعنى انه فى اوقات الحر والزحمة وكمان حمل التكييف ظهرت المشكل... ومن الصعب انى أحدث الظروف تانى مجتمعة من دلوقتى لبكرة الصبح.. الجو بره أساسآ تحفة

**محمد الشامي** · 07-05-2011 12:21 AM

طيب لما العربيه بتفصل منك جربت تبرد البوبينه بفوطه مبلوله وتجرب تدورها تاني ؟
انا اعرف ان البوبينه لما بتضعف مع اي سخونيه عاليه بتفصل ولما تبرد بتشتغل تاني عادي لغايه لما تسخن اوي وتفصل وهكذا

**haimaN** · 07-05-2011 01:23 AM

نفس العيب ده بالضبط حصل معايا فى عربية تانية من اسبوعين تقريبا
ووقفت الساعة 4 عند نادى الزمالك وجه واحد من مركز صيانة وقالى العربية بتعمل اى شرحتله بالضبط قالى طلمبة البنزين قلتله ازاى مش المفروض تقطع قالى لو سخنت بتعمل كده برده
المهم جاب طلمبة وركبها والعربية الحمد لله من ساعتها شغاله مع قريبى 100 100

**JAM** · 07-05-2011 11:24 AM

المشاركة الأصلية كتبت بواسطة محمد الشامي

طيب لما العربيه بتفصل منك جربت تبرد البوبينه بفوطه مبلوله وتجرب تدورها تاني ؟
انا اعرف ان البوبينه لما بتضعف مع اي سخونيه عاليه بتفصل ولما تبرد بتشتغل تاني عادي لغايه لما تسخن اوي وتفصل وهكذا

ماهو دا اللى بيحصل كدة فعلآ معايا... ان العربية لما بتكون باردة بتبقة زى الفل... ودا اللى مخلينى شاكك انها بوبينة

**JAM** · 07-05-2011 11:29 AM

المشاركة الأصلية كتبت بواسطة haiman

نفس العيب ده بالضبط حصل معايا فى عربية تانية من اسبوعين تقريبا
ووقفت الساعة 4 عند نادى الزمالك وجه واحد من مركز صيانة وقالى العربية بتعمل اى شرحتله بالضبط قالى طلمبة البنزين قلتله ازاى مش المفروض تقطع قالى لو سخنت بتعمل كده برده
المهم جاب طلمبة وركبها والعربية الحمد لله من ساعتها شغاله مع قريبى 100 100

والله لما قريت اللى حضرتك كاتبه.. انا قعدت احلل اللى حصلى.. انى لما العربية وقفت انا حليت بنفسى طرمبة البنزين وقعد انضفها بتاع ربع ساعة... وحرارتها اساسآ كانت عادية جدآ.... وبإفتراض انها كانت درجة حرارتها عالية.. بيتهيالى الربع الساعة دول فى الهواء كفيلين انهم يبردوها.. والمهم بعديها قمت مركبها تانى ودورت العربية.. مشيت معايا من اول دخلة روض الفرج من على الكورنيش ويادوب طلعت من نفق كوبرى امبابة ووقفت تانى قدام دار الكتب والوثائق.. حاجة كدة بتاع 100 متر.. فا انها تكون طرمبة دا احتمال ضعيف جدآ... وشكرآ لسيادتك على مشاركتك لإنك خليتنى افكر فى موضوع طرمبة البنزين

**Esam Mosaad** · 09-05-2011 10:09 AM

انا كان عندى نفس الموضوع الصيف الى فات
لما بكون فى زحمه حبه حلوين سواء مشغل تكييف او فصلوا بعد كدا العربيه مش بتسحب والار بى ام بيعلى ويوطى لوحده
وبتقطع جامد وبمجرد انى اجرى بيها شويه بترجع تظبط تانى

قولت برضوا طرمبه بتسخن وقولت اغير الماتور ونزلت جبت واحد نوعه بوش وركبتوا محستش بفرق بعد مركب
ولقيت نفس المشكله تانى هيا هيا فى الزحمه والحراره العاليه ومطلعش عيب طرمبه

فانت اعمل حاجه حلوه اوى وقت لما تلاقى العربيه عملتها معاك
افتح كونتاكت واسمع صوت الطرمبه بتدى بنزين ولا لا وشوف الصوت عالى ولا واطى
لو واطى او مش بتدى بنزين يبقى الطرمبه لو عادى يبقى كان الله فى عونك

**tarek_2005** · 09-05-2011 11:05 AM

اختبر طرمبة البنزين والعربية سخنة

وارجح 90% عيب طرمبة مش بوبينة

الموضوع: المساعدة يا إخوانى فى مشكلة عويصة وحاسس انها من الموبينة

LinkBack

أدوات الموضوع

عرض

المساعدة يا إخوانى فى مشكلة عويصة وحاسس انها من الموبينة - انشر الموضوع فى :

-

-

-

-

-

-

-

-

المواضيع المتشابهه

مشكلة تكييف اللوجان 2012 هل هى مشكلة عويصة مالهاش حل

سيراتو مركونه بقالها شهوووووووور وحاسس انها مسروقه .. اللى اتسرقت عربيته يدخل

مشكلة عويصة

لما ادوس فرامل ساعات العربيه بتحدف وحاسس انها ضعيفه

إخوانى أرجو المساعدة فى تحديد سعر لانوس 2006

الكلمات الدلالية لهذا الموضوع

المفضلات

المفضلات

ضوابط المشاركة