افيدونى افادكم الله

**mohamedassad** · 07-05-2011 06:21 PM

السلام عليكم ورحمة الله وبركاتة

أخوانى الاعزاء افيدونى أفادكم الله أنا معايا 70000 الف جنية ومش عارف اجيب عربية اية
بفكر فى كذا عربية يعنى مثلا
لوجان او m11 او byd مش عارف اعمل اية علما بانى طويل وجسمى مليان
محتار بين التلاتة ولو فى حد عندة اقتراح تانى ياريت يقولى علية
وشكرا جزيلا لكم

**mizamega** · 07-05-2011 07:16 PM

بروتون ساجا

**medododo** · 08-05-2011 12:11 AM

لوجان او لانسر مستعمل

**ZOTYE** · 10-05-2011 02:02 AM

لوجان عربية اقتصادية و ناعمة و قوية و معتمدة و توكيلها محترم جداااااا و الأبشنز بتاعتها رااااااااائعة كما يوجد بها كمبيوتر رحلات و اير باج مستوى الأمان فيها على العربية حاصلة على 3 نجوم من 5 نجوم فى اختبار السلامة الأوروبى و تكيفها ثلاجة و العربية فرنساااااااااااوى تقفيل مصنع رينو اللى فى المغرب ( صوماكا ) فى الدار البيضاء و ثانبتة بشكل رااااااااائع و سحبها محترم انا جبت بيها ال 100 على الثالث و 150 على الرابع و 170 على الخامس و كانت ثابتة بشكل راااااااائع و فى هدوء تام و لم تتجاوز ال 5 rbm و يكفى ان اسمها رينو و على فكرة عيب لما تقارنها بالأسبرانزا و byd لأنهم عربيات صينى و بعدين المفروض ان السعر الأصلى للوجان 93000 جنيه لأنهم خاصمين من ثمنها 24000 جنيه جمارك طبقا للأتفاقية اغادير طبعا
و اعتقد ان مع الأنتشار الرهيب للعربية ان اعادة بيعها محترم عكس الأسبرانزا و byd و كمان نزلها قطع غيار خارج التوكيل .....
فى النهاية توكل على الله و هات لوجان و تقبل خاااااااااالص تحياتى ........

**ahmedabdelhamid** · 10-05-2011 11:29 PM

معلش اذا سعرها 93 اذ كان الرومانى كانت 75 الف وعمرها متوصل 93 وعلى فكرة انا معجب بالعربية وحكاية الجمارك دية لعبة وسرقة من التوكيل

**sv065** · 16-05-2011 02:55 AM

المشاركة الأصلية كتبت بواسطة mohamedassad

السلام عليكم ورحمة الله وبركاتة

أخوانى الاعزاء افيدونى أفادكم الله أنا معايا 70000 الف جنية ومش عارف اجيب عربية اية
بفكر فى كذا عربية يعنى مثلا
لوجان او m11 او byd مش عارف اعمل اية علما بانى طويل وجسمى مليان
محتار بين التلاتة ولو فى حد عندة اقتراح تانى ياريت يقولى علية

وشكرا جزيلا لكم

وعليكم السلام ورحمة الله وبركاته
أخي الفاضل لن تحتار بإذن الله

أولا عليك بالدخول للقسم الخاص بكل سيارة علي حدة وقراءة بعض مواضيعه وستجد فيها بغيتك بإذن الله فالحمد لله المنتدي مليء بالعديد والعديد من ملاحظات ووصف تفصيلي للسادة الأعضاء بكل قسم

وتأكد انك ستجد من السهل جدا إتخاذ القرار بعد المرور علي هذه الأقسام
وبخصوص السيارة Logan أو M11 فمعلوماتي عنهم محدودة لحد ما

أما ما يخص BYD-f3 فأنا أمتلكها منذ حوال عامين وتحت أمر حضرتك في أي إستفسار تشرفني بطلبه وقسم BYD قائم بدرجة عالية علي تجارب الأعضاء مع هذه السيارة

وبخصوص الطول فانا طولي 1.92م وأجد راحتي فيها

وقبل إتخاذ القرار عليك إستخارة الرحمن ...فما ندم من إستخار

واتمني لحضرتك التوفيق في إختيار سيارة المستقبل أيا كان نوعها

خالص تحياتي