الموضوع: تجربه قيادة الفولكس فاجن باسات cc

السلام عليكم جميعا
مبدايا بعتذر ان مفيش صور لان التجربه كانت الصبح و الشمس كانت حاميه و كنا مستعجلين
المهم زي ما وضحنا وكاله الفولكس عاملين علي الباسات cc اوفر و الفل اوبشن بدون جلد عامله 8900 دينار و اللي بجلد 9950 طبعا الفرق مهول عشان الجلد يس
من ناحيه المواصفات العربيه جايه بكل حاجه
بصمه (keyless enty), نظام ال auto park , صن رووف كبيره (واخده نص السقف) , طبعا سنسور امامي و خلفي مع كاميرا رجوع للخلف, تكيف تاتش duel zone , و طبعا الفتيس ال dsg 7 سرعات و اخيرا المتور 1800 سي سي tsi 160 حصان

المهم رحنا و حجزنا تست و استنينا حبه كويسين عقبال ما جهزوا العربيه و كانت الفئه الاقل و ده عامله 7888 دينار و ينقصها الصن روف و التكيف التاتش و زرار start engine بتشتغل زي الباسات العاديه تحط المفتاح وتدوس

عربيه التجربه كانت بيضاء اللون و الانطباع الاول انها قمه في الشياكه و الاناقه خصوصا مع اللون الابيض
الفرش الداخلي كان لونين اسود في بيج و طبعا دي كومبنيشن رهييبه

اول حاجه مسئول المبيعات خلانا نجرب نظام الاوتو بارك و سبحان الله
لا سحر و لا شعوذه
العربيه بتدور علي المكان ، تقولك المكان ده مناسب ، و انت عليك البنزين و الفرامل و تسيب الدريكسيون خالص و هي تركن سكينه في الحلاوه
شعور غريب و نظام رائع يقارع نظام الستي سيفتي من فولفو علي الرغم من الاختلافات في الهدف منهم

الحاجه التانيه اننا استغربنا ان المساحه الداخليه تكاد تطابق الفولفو علي الرغم من ان الباسات اطول
و انا ركبت الباسات العاديه و هي عربيه واسعه قوي لكن ال cc مش كده اضيق خصوصا من وره
زي مساحه الفولفو و بكده المقارنه بقت اشد لان ده كان المفروض من النقط اللي في صالح الباسات لكن كده النتيجه تعادل

نيجي بقي لاختبار القياده
العربيه انشف بكتييير من الفولفو لكن في نفس الوقت اكتر ثباتا
التوجيه و الانقياديه كعاده الاماني دقيق جدا و الدريكسيون بينفذ اللي انت عايزه بالظبط
من حيث التسارع فرق الهورس باور اللي في صالح الفولفو ظهر و التيربو لاج ملحوظ الي حد ما في الباسات cc عن الفولفو

باختصار الولفو اكتر مدينيه و الباسات رياضيه اكتر
يبقي بقي عامل السعر
الفولفو لو سعرها ينزل شويه هتغري ناس كتير

الصور












ملحوظه: الصور من النت بس لنفس لون سياره التجربة من الداخل و الخارج
لتمني الموضع يعجبكم و الي اللقاء في تجارب اخري
طبعا جوده التقفيل و العزل لا غبار عليهم.