العربية مش بتسحب

**kamanana44** · 08-05-2011 10:12 AM

معايا نوبيرا
بس المشكلة لما بكون جايب التالت وبنقل علي الرابع وبجيب سرعة 100 ولما بهدي علي 60 وارجع ادوس عالدواسة من تاني بتغيب لما تجمع العربية من تاني وترفع علي 100
ده يكون سببه ايه
أرجو الأفادة

**m4th** · 08-05-2011 10:17 AM

بتكون لسه على الرابع ؟
لو بتفضل على نفس النقله اللى هى الرابع طبعا مش هتجمع بسرعه ... لازم تنزل تانى تالت و اقرص شويه هتلاقيها طارت
هات رابع على80 مثلا .. هيبدأ يجيب معاك

**Dr_ElSioufy** · 08-05-2011 10:59 AM

المشاركة الأصلية كتبت بواسطة m4th

بتكون لسه على الرابع ؟
لو بتفضل على نفس النقله اللى هى الرابع طبعا مش هتجمع بسرعه ... لازم تنزل تانى تالت و اقرص شويه هتلاقيها طارت
هات رابع على80 مثلا .. هيبدأ يجيب معاك

+11111 نفس الكلام اللي كنت هقولهولك
لو هديت وانت عالرابع ونزلت لحد 60 يبقى تجيب تالت و تطلع تاني هتسحب معاك

**mustafavet** · 09-05-2011 01:46 AM

انا بقي عندي حاجة غريبه جدا
العربية عندي سحبها بيتحسن بطريقه فوق الممتازه لما بفصلها 5 دقايق كدا
لدرجه اني بقيت اتعمد انزل علي اي رست هاوس علي الطريق اشرب اي حاجه وبعدين اكمل مشواري ومش عارف ايه السبب في كدا

**bakkarahmed** · 09-05-2011 09:37 AM

شيك علي الموبينه

**Dr_ElSioufy** · 09-05-2011 05:20 PM

المشاركة الأصلية كتبت بواسطة mustafavet

انا بقي عندي حاجة غريبه جدا
العربية عندي سحبها بيتحسن بطريقه فوق الممتازه لما بفصلها 5 دقايق كدا
لدرجه اني بقيت اتعمد انزل علي اي رست هاوس علي الطريق اشرب اي حاجه وبعدين اكمل مشواري ومش عارف ايه السبب في كدا

تقريبا لان انت اما بتفصل العربيه انت كده بتعمل ريستارت للكمبيوتر او الكونترول بتاع العربيه
والموضوع ده بيعملوه في بعض مراكز الصيانه وبتحس بالفرق في السحب فعلا

**محمد الشامي** · 09-05-2011 10:37 PM

المشاركة الأصلية كتبت بواسطة madues

تقريبا لان انت اما بتفصل العربيه انت كده بتعمل ريستارت للكمبيوتر او الكونترول بتاع العربيه
والموضوع ده بيعملوه في بعض مراكز الصيانه وبتحس بالفرق في السحب فعلا

ريستارت الكنترول مش بيفرق في السحب , بس لو في اخطاء قديمه متسجله على الكنترول ممكن تتحذف من الذاكره , وده ممكن يخلي لمبة التشيك تطفي لو كانت بتنور قبل كده بدون سبب او بعد تصليح عطل ما , لكن السحب مش هيتأثر

وكمان اللي اعرفه ان الكنترول عشان يتعمله ريستارت لازم البطاريه تتفصل نهائي لفتره زمنيه قصيره ولتكن نص ساعه مثلا , لكن هنا الزميل بيتكلم عن انه بيبطل العربيه فقط مش بيفصلها بمعنى انه بيفصل البطارية

**amado318** · 09-05-2011 10:44 PM

طب الواحد ممكن يفرغ الشحنات الى فى العربيه انه يلمس سلكين البطاريه مع بعض بعد فصلهم من البطاريه

**mustafavet** · 09-05-2011 11:19 PM

[quote=محمد الشامي;3873482924]ريستارت الكنترول مش بيفرق في السحب , بس لو في اخطاء قديمه متسجله على الكنترول ممكن تتحذف من الذاكره , وده ممكن يخلي لمبة التشيك تطفي لو كانت بتنور قبل كده بدون سبب او بعد تصليح عطل ما , لكن السحب مش هيتأثر

وكمان اللي اعرفه ان الكنترول عشان يتعمله ريستارت لازم البطاريه تتفصل نهائي لفتره زمنيه قصيره ولتكن نص ساعه مثلا , لكن هنا الزميل بيتكلم عن انه بيبطل العربيه فقط مش بيفصلها بمعنى انه بيفصل البطارية[/q

طيب تعتقد ايه السبب ياستاذ محمد؟
انا بفكر لو قدرت اعرف السبب احاول اني اطبقها بحيث يبقي السحب جيد باستمرار

**محمد الشامي** · 10-05-2011 12:30 AM

اعتقد الاسباب ممكن تكون كتير , يمكن مثلا طلمبة البنزين تعبت شويه ولما بتسخن ضغطها بيقل , انا مش عايز افتي كتير لان كل عربيه وبيكون ليها ظروفها
لكن نصيحه لو عايز تحافظ على سحب جيد بإستمرار :-

1- حافظ دايما على نضافه فلتر الهواء والبنزين , واستبدل فلتر الهواء على فترات قريبه ولتكن كل 10 الاف بالكتير
2- غيير البوجيهات كل على كم متر محدد حتى لو كانوا لسا شغالين , يعني مثلا كل 10 الاف كم - ومعاهم طقم اسلاك بمعدل كل مرتين تغيير بوجيهات
3- اظبط فيشه الاوكتين على بنزين 95 وحط بنزين 92
4- حافظ على تغيير زيت الموتور في ميعاده بإنتظام مع وضع زيت مناسب - انا بحط موبيل 1
5- نضف الأيدل والبوابه , واعمل ايدل ليرن كل 5 الاف كم او اكتر حسب استخدامك

دي الحاجات اللي انا تقريبا بحاول احافظ عليها , وبصراحه حاسس اني راضي عن سحب العربيه

ومع الحاجات اللي فاتت انا بزود عليهم تغيير مياه الريدياتير بالكامل على فترات قريبه
وطبعا هي ملهاش علاقه بسحب العربيه , بس انا بعتبرها جزء من الصيانه الدورية