هذا ما حدث لي على الدائري ((محاولة بلطجة))

**vet mitcho** · 11-05-2011 02:21 AM

السلام عليكم ورحمة الله

حبيت أقولكم اللي حصل معايا عشان الاخوة يخلو بالهم..
وانا مروح على الدائري من عند الحرفيين طلعت على الهايكستب ومنها في اتجاهي للتجمع الخامس

أنا من النوع اللي بحب اعمل سكان للطريق وانا ماشي لكن معرفش فجأة ظهر قدامي جزء من لوح صاج مجلفن حوالي 6 او 7 مللي مكنتش عارف اتنيه بشاكوش مرزبة معرفش ده اتحط امتى
المهم مكنتش بحسبه لوح صاج كنت بحسبه كارتونة او اي حاجة تانية فمرضتش اخد غرزة ضيقة وافاديه لان كان معايا مراتي وامي و ابني و بنتي الرضيعة (او ملحقتش لانه فعلا اتحط فجأه) هو كان حتة حوالي 50 سم *في 2 متر او اكتر

المهم ربنا سترها معايا و الصاج ده ملفش على العجل اتزنق بين العربية من تحت و بين الاسفلت وانا كنت ماشي بسرعة فهديت ووقفت على جنب ونزلت اشوف ايه اللي حصل لقيت الصاج مزنوق بس بعد ما (فرتك) الكارتيرة الشمال المهم الصاج كان سميك فعلا معرفتش اشده من تحت العربية
وانا بحاول اطلعه كان معايا شاكوش مرزبة تقيل بالرغم من كده معرفتش برضه لانه كان سمييييك جدا ومحشور جدا في نفس الوقت وانا بقى بحاول اطلعه لقيت واحد في الجزيرة اللي في النص وجه بصعلي العربية عندي تقريبا مالقاش اللي خططله حصل فوقف يراقب الموقف باضطراب و توتر وكانت ساعتها عربيات كتير معدية فمعرفش يعدي وبعد ما دققت لقيت عربية ربع نقل على الناحية التانية واقفه
المهم اول مالقاني ماسك شاكوش وبحاول اخرج الصاج معرفش فكر ازاي بس الحمد لله لقيته قصر ومشي
طبعا الصاج مخرجش خااااااالص الا لما رفعت العربية بالكوريك لما لقيته مشي
الحمد لله ربنا سترها
بس ياريت يا جماعة تخلة بالكو وتمشو منتبهين على الطرق السريعة بالليل وربنا يحفظنا جميعا و يحفظ اهالينا من مجرمين اندال زي دول وحسبنا الله ونعم الوكيل

**fouaa** · 11-05-2011 02:38 AM

الحمد لله ان ربنا ستر معاك والله الواحد مش عارف يعمل ايه اليومين دول بقت حاجه فوق الوصف ربنا يسترها ان شاء الله

**فتح الباب** · 11-05-2011 02:49 AM

المهم ياباشا لوح الصاج فين اوعى تكون تركته مكانه انت عارف ده تمنه اكتر من 200 جنيه دلوقتى؟ وطبعا ده تأديب للحرامى كمان

**Ahmed_Ramadan** · 11-05-2011 03:02 AM

المشاركة الأصلية كتبت بواسطة vet mitcho

السلام عليكم ورحمة الله

حبيت أقولكم اللي حصل معايا عشان الاخوة يخلو بالهم..
وانا مروح على الدائري من عند الحرفيين طلعت على الهايكستب ومنها في اتجاهي للتجمع الخامس

أنا من النوع اللي بحب اعمل سكان للطريق وانا ماشي لكن معرفش فجأة ظهر قدامي جزء من لوح صاج مجلفن حوالي 6 او 7 مللي مكنتش عارف اتنيه بشاكوش مرزبة معرفش ده اتحط امتى
المهم مكنتش بحسبه لوح صاج كنت بحسبه كارتونة او اي حاجة تانية فمرضتش اخد غرزة ضيقة وافاديه لان كان معايا مراتي وامي و ابني و بنتي الرضيعة (او ملحقتش لانه فعلا اتحط فجأه) هو كان حتة حوالي 50 سم *في 2 متر او اكتر

المهم ربنا سترها معايا و الصاج ده ملفش على العجل اتزنق بين العربية من تحت و بين الاسفلت وانا كنت ماشي بسرعة فهديت ووقفت على جنب ونزلت اشوف ايه اللي حصل لقيت الصاج مزنوق بس بعد ما (فرتك) الكارتيرة الشمال المهم الصاج كان سميك فعلا معرفتش اشده من تحت العربية
وانا بحاول اطلعه كان معايا شاكوش مرزبة تقيل بالرغم من كده معرفتش برضه لانه كان سمييييك جدا ومحشور جدا في نفس الوقت وانا بقى بحاول اطلعه لقيت واحد في الجزيرة اللي في النص وجه بصعلي العربية عندي تقريبا مالقاش اللي خططله حصل فوقف يراقب الموقف باضطراب و توتر وكانت ساعتها عربيات كتير معدية فمعرفش يعدي وبعد ما دققت لقيت عربية ربع نقل على الناحية التانية واقفه
المهم اول مالقاني ماسك شاكوش وبحاول اخرج الصاج معرفش فكر ازاي بس الحمد لله لقيته قصر ومشي
طبعا الصاج مخرجش خااااااالص الا لما رفعت العربية بالكوريك لما لقيته مشي
الحمد لله ربنا سترها
بس ياريت يا جماعة تخلة بالكو وتمشو منتبهين على الطرق السريعة بالليل وربنا يحفظنا جميعا و يحفظ اهالينا من مجرمين اندال زي دول وحسبنا الله ونعم الوكيل

الحمد لله على سلامتك أنت و الأسرة و ربنا يبعد عنا و عنك كل سوء

**Ashraf_Ibrahim** · 11-05-2011 03:06 AM

الحمد لله على السلامة ودا اه مشيء
وربنا يستر علينا اليومين دول فعلا لأن مفيش اي امان اطلاقا للأسف !

**vet mitcho** · 11-05-2011 03:25 AM

شكرا لشعوركم وربنا يحفظنا جميعا

المشاركة الأصلية كتبت بواسطة tjp

الصاج فين لان ده هيتم بيه جريمه اخرى المهم ياباشا لوح الصاج فين اوعى تكون تركته مكانه انت عارف ده تمنه اكتر من 200 جنيه دلوقتى؟ وطبعا ده تأديب للحرامى كمان اليوم 02:38

هو الصاج فعلا غالي يا باشا الحتة النص متر في مترين دي تعملها مبلغ
بس متخافش انا مرضتش اسيبها مكانها طبعا عشان متاذيش حد بس للاسف برضه مش هعرف استفاد منها لانها لفت علي الكرتيرة واتعجنت