حجزت كارينز خليجي ارجو النصيحه بسرعه

**hesham_one** · 13-05-2011 06:06 AM

السلام عليكم

واخيرا بعد تفكير شديد و بحث و حيرة و تردد

فجأه كنت في المصريه للسيارات

وهناك شفت الكارينز الخليجي

و عجبتني اماكانيتها

وهب دفعت 500 جنيه حجز و خدت ايصال و المفروض استلم يوم الاحد ان شاء الله

السؤال اللي بيطرح نفسه علي الساحه؟؟؟؟؟

انا عارف ان ملهاش ضمان ؟

بس الصيانه اخبارها ايه و هل بنروح التوكيل و الأسعار اخبارها ايه

وهل ممكن ادفع فلوس لشركه و تديني ضمان كنت سمعت ان فيه حد تدفعله الف جنيه في السنه و تاخد ضمان

العربيه مواصفاتها كالاتي

اير باج -abs-سنتر تكييف تتش -بلوتوث و تليفون ومالتي فنكشن و جنوط 16

و السعر ممكن يخلص علي 125000

ايه رايكم أفيدوني مافيش وقت

أخوكم اللي لسه محتار شويه

هشام

**Khaled_Nowaihy** · 13-05-2011 08:27 PM

الف مبروك مقدماً يا أستاذ هشام ...
فيه أخوة كتير معاهم خليجى وشاريين ضمان
http://www.nilemotors.net/Nile/150847-a.html
وعلى حد علمى فيه شركات أخرى بتبيع ضمان
وأكيد حتلاقى ردود شافية من الأعضاء
وسوف أرسل اليك دعوة للانضمام لمجموعة مالكى الكارينز Carens Owners Group

**hesham_one** · 13-05-2011 08:58 PM

يا جماعة

العربيه يايرباج واحد للسائق

عرفت النهارده ان في عربيه نفس المواصافات باتنين اير باج

و بنفس السعر

126500

فارجوا الافاده لان مليش خبره كتيرة في الموضوع ده

**Khaled_Nowaihy** · 14-05-2011 12:27 PM

يبقى حاول حضرتك تتأكد من المعلومة وتتأكد من جميع ال options اللى فيها علشان تأخذ قرار
ممكن يكون اللى سمعت عنها بنفس السعر يكون فيها options أقل من اللى اتفقت عليها

الواحد بيسمع حاجات كتير قبل الشراء بتأثر على قراره من غير ما يتأكد من الكلام اللى بيسمعه

فى كل الأحوال العربية كويسة جداً وأنا داخل على 20000 وما فيش مشاكل فى أى حاجة فيها

**hesham_one** · 14-05-2011 06:48 PM

المشاركة الأصلية كتبت بواسطة khaled_nowaihy

يبقى حاول حضرتك تتأكد من المعلومة وتتأكد من جميع ال options اللى فيها علشان تأخذ قرار
ممكن يكون اللى سمعت عنها بنفس السعر يكون فيها options أقل من اللى اتفقت عليها

الواحد بيسمع حاجات كتير قبل الشراء بتأثر على قراره من غير ما يتأكد من الكلام اللى بيسمعه

فى كل الأحوال العربية كويسة جداً وأنا داخل على 20000 وما فيش مشاكل فى أى حاجة فيها

شكرا يا فندم علي رد حضرتك

أنا روحت امبارح و سالت ان كان ممكن يجيبلي اللي باتنين ايرباج

سأل و معرفش يجيبها ان شاء الله هاروح النهارده اشوفها في معرض تاني

في القاهرة ان شاء الله

ادعولي ربنا يوفقني

لوحد يعرف معرض موجوده عنده يا ريت يقولي

و شكرا

**zamalek26** · 14-05-2011 11:52 PM

طب يا جماعه هو ايه الفرق بين الخليجى واللى فى التوكيل بتتبع على 120 الف ممكن اعرف الفرق ؟
هما قالولى ضمان 100 الف او 5 سنوات مش فاكر او يمكن 3 سنوات.

ممكن النصيحه يا جماعه وطبعا انا بتكلم عن الاتوماتيك ؟
وايه اخبار سحب العربيه معاكم ؟؟؟ ومع تشغيل التكيف ؟ وهل الموتور 1600 سى سى مش متأثر من حجم العربيه الكبير؟

**MMMERO** · 15-05-2011 12:03 AM

بص ياباشا على كل المشاركات اللى بتتكلم على العربية وانت هتعرف كل حاجة عنها وبالنسبة للضمان فهو 5 سنوات او 100 الف كيلو وانا من رأيى ان موضوع الضمان دة مهم جدا علشان انا غيرت فى الضمان شوية حاجات

**karemof** · 15-05-2011 02:33 AM

السلام عليكم,

أنا نصيحتي لحضرتك أنك تجيب الهاي لاين توكيل لأن في الكارينز بالذات أنا شايف أن مواصفات الهاي لاين توكيل أحسن بكتير من الخليجي ده طبعا بخلاف الضمان, وأنا أصلا كنت حاجز الكارينز هاي لاين توكيل ولفيت على معارض كتير.
الخليجي ممكن تلاقيه زياده البلوتوث بس.