السؤال التقليدي في مدخل الصيف, اجيب تكييف ايه ؟؟

**Mohd_Adel_Amin** · 13-05-2011 12:43 PM

السلام عليكم ورحمة الله وبركاته

يا ريت تساعدوني يا جماعة في اختيار نوع التكييف , انا استعملت ترين و lg والاثنين مريحيني جدا الحمد لله , بس لما لفيت في السوق تهت من كثر الكلام , اللي يقولك الشارب بقى صيني ومش كويس , واللي يقولك ال lg سعودي وتعبان وقطع غياره مش متوفرة , وفيه اللي يقولك هات فريش وريح دماغك ..
يا ريت تساعدوني في اتخاذ القرار , بس يا ريت الاخوة اللي يرشحوا شارب يكونوا شافوه خلال السنتين دول , لأن اللي بيعيب عليه بيقولوا انه اتدهور من اول 2010 وقبلها كان ممتاز .

وشكرا مقدما وجزاكم الله خير ...

**wassim_nasser** · 13-05-2011 03:30 PM

الجواب التقليدي لسؤال حضرتك التقليدي هات الشارب طبعا .. طب ليه شارب؟

1 - قوة تبريد عالية جدا يضاف اليها السرعة .. وميزة التربو

2 - ميزة الأيونايزر ودي بتنقي الهوا من الشوائب والجراثيم

3 - هادي جدا أثناء التبريد أو تقدر تقول صوته شبه معدوم

4 - خدمات مابعد البيع (الصيانة) منضبطة ومحترمة

5 - كل ده يدخل تحت مظلة سعر مناسب يعنى كل قرش هاتدفعه هاتاخد قصاده امكانيات good value for money

6 - انا عندي الجهاز بقاله يمكن 4 سنين (يعنى عن تجربه) وجميل جدا وماحتجتش اي قطع غيار وبالنسبه لموضوع صينى و تايوانى مش هاعرف افيدك لأن جهازي مكتوب عليه صنع في مصر

أخيرا صلي استخاره وربنا يقدم اللي فيه الخير ومبروك مقدما .. اتمنى اكون قدرت افيدك

**Mohd_Adel_Amin** · 13-05-2011 03:40 PM

طيب , انا هصلي استخارة بإذن الله واجيب الشارب , وجزاكم الله خير على النصيحة المفصلة ,
ويا ريت لو حد جرب الشارب بعد 2010 يبلغني ايه الاخبار..

**BUNSH** · 13-05-2011 03:43 PM

أنا بالنسبالى كاريير افضل .. جهاز عندى من 2002 ومدخلش عندنا ولا فنى وااحد ..

**ahmed elsherif** · 13-05-2011 04:31 PM

الترين جامد جدا وعن تجربه عندي صوته واطي وتبريده كويس

**evram** · 13-05-2011 04:38 PM

بامانة بلاش شارب بقي صيني فعلا و بقي مش حلو نهائي انا عندي فريش جهاز تحفة في خاصية التبرو صوتوة هادي جدا جدا جدا بقالو 3 سنين عندي والله م حد عمل اي صيانه غير بس انا بنضف الفلتر بنفسي و خلصت القصة و كارير جهاز محترم و عايز اقول ل حضرتك حاجة في ال1.5 حصان كل الكمبريوسر صيني و زي بعضة مفيش غير الصيني و بس بتفرق في التقفيل و الاسعار و المراوح الي بتضخ الهواء انا عغن نفسي بقول فريش جميل و كارير حلو لاكن شارب عن تجربة قاريبنا ابعد عن الشر و غنيلة

**Mohd_Adel_Amin** · 14-05-2011 01:24 AM

شكرا ليكم جميعا يا جماعة , معظم الآراء متجهة نحو الشارب
انا فيه تاجر قاللي ان عنده شارب تايلندي , لو كان صادق يبقى اعتقد هيكون احسن من الصيني , هتوكل على الله واروح اشوفه , دعواتكم ..
وللأسف الترين والكارير دلوقتي غير بتاع زمان , انا مركب ترين من زمان وما شاء الله تبارك الله تحفة بس مش لاقي زيه دلوقتي .
وبالنسبة للأستاذ avram موضوع التكييف ده سبحن الله احيانا تلاقي فيه العجب يعني انا فيه ناس مش مرتاحة مع الفريش بتاتا مع ان حضرتك بتشكر فيه , انا عموما هجيب جهاز 2و ربع حصان فربنا يسهل واجيب حاجة مش صيني وبشكرك يا باشا على النصيحة والاهتمام ..

**grand hand** · 14-05-2011 01:34 AM

تقريباً الفريش عامل شغل اليومين دول وثابت كفاءة والله اعلم

-

الموضوع: السؤال التقليدي في مدخل الصيف, اجيب تكييف ايه ؟؟

LinkBack

أدوات الموضوع

عرض

السؤال التقليدي في مدخل الصيف, اجيب تكييف ايه ؟؟ - انشر الموضوع فى :

-

-

-

-

المواضيع المتشابهه

صلحت تكييف اللانوس قبل الصيف

كيف تحمي تكييف سيارتك من شدة حرارة الصيف؟

كيف تحمي تكييف سيارتك من شدة حرارة الصيف؟

الصيف جى ... يا ترى تكييف اللينيا عامل إيه؟

هتركب تكييف ايه الصيف ده فبيتك ومنين وبكام ؟

الكلمات الدلالية لهذا الموضوع

المفضلات

المفضلات

ضوابط المشاركة