الموضوع: علبه الدركسيون

الاخوه المهندسين بالمنتدي ارجو افادتي لاني احترت خلاص بجد

انا عربيتي سوبر فيورا موديل 86 و عندي مشكله في العجله اللي قدام وهي اني لما بعدي فوق حفره بعجله اليمين او بطلع مطب صناعي وانا نازل بالعجله بحس بزي نقره كده وكان العجله مش مربوطه كويس او سايبه مش محكومه بجسم السياره تمام زي ما يكون في بوش كده في حاجة اي هي مش عارف
ورحت عند عفشجيمرة قالي ان ديه البيضه اللي جوه بتاع علبه الدركسيون من ناحيه العجله ديه وبصراحه روحت عن واحد تاني قالي انه هيفك علبه الدركسون ويظبطها وفعلا فكناها وظبطناها و كانت محتاجة حشو يمين ناحيه العجله ديه جبته وهو ب 15 ج عباره عن كيس كده فيه كاوتشه سوداء سوسته وويه بلاستيك وركبهم وظبطها والعربيه فضلت حوالي اسبوع كويسه وبعد كده رجعت تاين المشكله زي ما كانت
انهاردا كنت عند ميكانيكي بتاعي هو كويس فكنت بعمل حاجه فقلت اساله فقالي ان الحشو ده مش بيقعد اللي بيتباع في السوق وكمان بيبوظ وان هو بيعمله عند خراط بس هيحتاج يفك العلبه تاني

انا احترت ايه الصح وهل علبه دركسيون ولا لا وايه موضوع الخراط ده بيعنمل ايه الخراط وتكلفته كم تقريبا وهل اريح دماغي واشتري علبه جديده وخلص ولا متطلع العلبه اصلا

حد يفيدني يا ريت
وشكرا

الحشو بيقعد على فكره مش اسبوع بس ولا حاجه انا عن نفسى رحت لميكانيكى نضيف وفك العلبه وعملها صيانه وجبت طقم حشو وكاوتش والحمد لله العلبه بقت خفيفه
ملحوظه العلبه الجديده كانت ب220 جنيه
وانا كلفتنى 80 جنيه الصيانه بالمصنعيه
عربيتى شاهين