الموضوع: نيسان بلوبيرد سيلفي -- التقرير الأول

الحمد لله رخصت العربية <> مندوب التوكيل قام بكل حاجة بسرعة و كمان كان فيه مشكلة في شهادة المرور الجمركي ولكن الناس في 24 ساعة حلت المشكلة .
عملت حوالي 420 كم في يومين صحراوي و داخل المدينة .
الصراحة شغلت التكييف من الاول( أنا قلت حمل التكييف يساوي حمل 3 أو 4 ركاب معاي ) و لكن المشي كان الى الهادي بدون قرص زي ما تكن بتمشي ساعة المغربية .
على الصحراوي السرعة كانت حوالي 80-100 و طبعا مع التهديات الكثيرات في ا لتحويلات .
الفرامل ممتازة مع اني باستعمالها على الهادي علشان التيل يطبع على الطنابير .
السحب معقول بالنسبة إن RPM على 2000 كان متوسط الحدود اللي وصلت لها .
التكييف قوي مع إن سافرت في عز الظهر . فيه زرار مكتوب عليه AMB ،مش لقيه في الكتالوج و مش عارف بيعمل إيه.
الكراسي مريحة في السفر و كمان الجلد ممتاز مش بيعرق .
حساسة الباركينج عملية ( كنت بفكر اركب شاشة إضافية أو يمكن كاميرا لما الميزانية تسمح .
كان نفسي يكون فيها إنذار ، مساحات التخزين كبيرة و عملية ، و الشنطة زي اكتفيا أو باسات .
الأستبن عادي ، و الكاوتش كان أكبر من الكتالوج ( 205 /55 /ر 16 بدل من 195/60 /R16 ) ، فالثبات آخر حاجة .

هنا سؤال مهم و مش جديد صيانة 1000 فين ؟ مودرن موتور أبو رواش أو الحضرة علشان أنا مش عاوز العربية تتوسخ من جوا ، أو الحاجات اللي الزملاء بيقولها ( سواقة العمال ، و رزع الأبواب ) ،توكيل هيونداي اسكندرية كان 100 100 طول 4 سنين .

بعد الصيانة التقرير التالي .http://www.nilemotors.net/Nile/image.../glasses12.jpg