ازاى اعرف العربية متلتة ولا لأ ؟

**hotbird2271980** · 18-05-2011 12:32 PM

الإخوة أعضاء نايل موتورز المحترمين .. عندى بعض الأسئلة أرجو الإجابة عليها .. هل ممكن العربية تدور و تشتغل على ثلاث بوجيهات فقط ( متلتة ) .. و هل اقدر اعرف كده بنفسى .. و إيه ضرر كدة على الماتور .. و ازاى اقدر اصلح العيب ده لو كان موجود عندى ( ريجاتا موديل 1985 ) ؟ .. مع خالص تحياتى لهذا المنتدى الرائع :b4_611: .

**Mahmode** · 18-05-2011 12:43 PM

العربية ممكن تمشي على 3 بوجيهات وده حصل معايا كذا مرة. وطبعا بتحس بيها. بتبقى واضحة جدا. بتحس إنك سايق موتوسكل مش عربية. بالنسبة لضررو هو أكيد مش صح بس إنت حتتخنق ولازم تروح لميكانيكي قبل متحس بضررو. ربع قوة العربية راحت فطبعا حتلاقي العربية ضعيفة ورخمة. بالنسبة للتصليح أنا حاحكيلك الحالة بتاعتي. أنا فصل معايا بوجي روحت للميكانيكي أول مرة (مكنتش عارف إن بوجي فاصل, كنت حاسس إن عزم العربية ضعيف وبتكركر و كنت متضايق ليكون حاجة في الموتور) المهم الميكانيكي غيرلي البوجيه وكنت مبسوط أوي. مكملتش فترة كدة ورجع نفس الشيء. المرة دي الميكانيكي قللي البوجيه المحروق عليه زيت والموتور بيبوظ البوجيهات والعربية في سكتها إنها تحتاج نص عمرة أو عمرة. المهم سبتو ورحت لواحد ثاني بص بصة واحدة على الموتور قللي الموبينة بايظة. غيرت الموبينة العربية إشتغلت زي الفل. آسف على الإطالة :)

**fouaa** · 18-05-2011 12:45 PM

ازيك يا باشا
العربيه اه ممكن تدور بتلت بوجيهات بس وانت ممكن بسهوله تقدر تعرف كده علشان هيا بتبقى دايره بترعش كده بتحس فعلا ان فى بوجيه فاصل ولما بتيجى تزود بنزين بيبقى فى صوه كده كانك لسه غاسل العربيه فالمحطه والاسبراتير عليه ميه بتقطع شويه غير لما تبقى طبيعيه وفى حاجه كمان لو عاوز تتاكد اكتر ان فى بوجيه فاصل انك تخلى العربيه دايره وتنزل تشيل سيلك بوجيه لو حصل تغير بقت تقطع يبقى البوجيه ده شغال وتجرب على الباقى لو شيلت سلك واحد منهم والوضع فضل كانك مشلتوش يبقى هو ده الى فاصل كويس
طبعا تلت بوجيهات غلط على الماتور لانو بيبقى فيه بستم مش شغال وده بيبقى حمل على الماتور
العيب ده اصلا بيبقى ظاهر علشان الشمبر بتاع العربيه باظ يعنى عاوزه تعملها نص عمرى او اسمها طقم شمبر وبالظبط المشكله بتحصل لما الشمبر يبوظ بيعدى زيت من الماتور لحد البوجيه فبالتالى الشمعه مش بتطلع شراره ومش بيحصل حريق وبيبفضل تلت بوجيهات شغالين بس على فكره ممكن كمان تشتغل باتنين بس
بالنسبه للحلول الحل الصح والى المفروض يحصل انك تعمل طقم شمبر عشان تريح بالك ووتحمى الماتور من انو يبوظ خالص كمان علشان العربيه المفروض انها بتاكل زيت فالحاله دى
فى حل تانى لو انت مش هينفع تعمل طقم شمبر فالوقت الحالى انك تروح لميكانيكى بيركب على البوجيه حاجه اسمها كرسى والكرسى ده بيتربك مكان البوجيه والبوجيه بيتربط فيه وده بيبعد البوجيه شويه عن الزيت الى بيطلع وبيخلى العربيه تمشى كويس لفتره بسيطه لحد متعمل طقم الشمبر

**hotbird2271980** · 19-05-2011 10:03 AM

شكرا على الإجابات و الردود الكافية و المفصلة .. أشكرك أخى mhdside و أخى fouaa على سرعة الرد

**samirsaid1** · 19-05-2011 10:24 AM

شكرا على المعلومات الجميلة دى

**samirsaid1** · 19-05-2011 10:35 AM

بمناسبة الموضوع دة عاوز اسأل سؤال

البوجيهات من فترة كان وصلها زيت لان الراجل اللى غير زيت زود نصف كيلو وطبعا دة كتير

المهم روحت شفط الزيت الزبادة ونضفت الزيادة لحد ماجيب طقم جديد

لما لقيت ان البوجيهات الإيريديوم حسب الأراء افضل من العادية وبتوفر فى البنزين اشتريت طقم ايريديوم

بس لاحظت حاجة ان السحب قل او بمعنى أصح التسارع بقى ضعيف جداا جداا

وبمون بنزين 92 على طول والموتور حالتة حلوة جدا

وشوفت الفلتر لقيتة نظيف

فمش عارف اية السبب

**samirsaid1** · 19-05-2011 10:46 AM

العربية نيو أكسنت

**fouaa** · 19-05-2011 01:08 PM

والله اقولك حاجه خليك فالبوجيهات العاديه او هات ngk تلاته شمعه وابقى حط زيت كاسترول ومون من بنزينه شيل لو عملت التلت حاجات دول بجد هتخاف تركب النيو اكسنت تانى وهتتفاجى من الى هيحصل

**fouaa** · 19-05-2011 01:08 PM

المشاركة الأصلية كتبت بواسطة hotbird2271980

شكرا على الإجابات و الردود الكافية و المفصلة .. أشكرك أخى mhdside و أخى fouaa على سرعة الرد

العفو يا باشا على ايه بس

**samirsaid1** · 19-05-2011 01:47 PM

المشاركة الأصلية كتبت بواسطة fouaa

والله اقولك حاجه خليك فالبوجيهات العاديه او هات ngk تلاته شمعه وابقى حط زيت كاسترول ومون من بنزينه شيل لو عملت التلت حاجات دول بجد هتخاف تركب النيو اكسنت تانى وهتتفاجى من الى هيحصل

انشاء الله تغيير الزيت المرة القادمة هاستعمل كاسترول بس مش عارف استعمل ( إيدج ولا ماجناتيك ) لان الموجود فيها دلوقتى موبيل وان وطبعا حاسس ان صوت الموتور عالى من ساعة ما غيرت له

البوجيهات لسة مغيرها من يومين بعد قراءة المشاركات الخاصة الإيدريديوم فخسارة دول 200 جند

البنزين انا دايما بمون من بنزينة موبيل معينة جنب رابعة العدوية عشان موضوع الغش