ممكن اركب سماعات للايفو؟

**osamy** · 18-05-2011 04:20 PM

السلام عليكم

عاوز اعرف اذا ممكن اركب سماعات للايفو
وهل هتخرجني برا الضمان
ولا لو ركبت عندهم مثلا مش هتخرجني
ولا اركبهم ومحدش هياخد بالو
وهل الكاسيت ممكن يخرج اصلا لسماعات اقوى؟
انا مش راضي عن الbass الي فيهم
فعاوز حاجه احسن

**hishamtalaat** · 18-05-2011 10:52 PM

اه ممكن انا سالت فالموضوع ده
عندك حلين :
1 - تفصل السماعتين بتوع الباب اللي ورا ص تركب 2 بيضاوي عالرف
2 - لو عايز 6 سماعات ركب gm

**osamy** · 21-05-2011 03:26 AM

المشاركة الأصلية كتبت بواسطة hishamtalaat

اه ممكن انا سالت فالموضوع ده
عندك حلين :
1 - تفصل السماعتين بتوع الباب اللي ورا ص تركب 2 بيضاوي عالرف
2 - لو عايز 6 سماعات ركب gm

طيب والضمان ايه ظروفه؟

**Moe86** · 21-05-2011 04:30 AM

أنا عملت رف خشب و مركب سماعات علية من أول ما اشتريت العربية و رحت التوكيل كتير ماحدش قالى حاجة, بس ماعرفش الamp ظروفه اية مع التوكيل , أعتقد عادى برضو

**osamy** · 21-05-2011 04:37 AM

المشاركة الأصلية كتبت بواسطة moe86

أنا عملت رف خشب و مركب سماعات علية من أول ما اشتريت العربية و رحت التوكيل كتير ماحدش قالى حاجة, بس ماعرفش الamp ظروفه اية مع التوكيل , أعتقد عادى برضو

مش عارف انا فاكر ان فيه حد قالي ان الكلام ده بيطلع الضفيره من الضمان !

**Moe86** · 21-05-2011 05:32 AM

موضوع الضفيرة دة لو هتغير الكاسيت نفسه, أو هتركب gm و بازوكا و حوارات
انما لو هتركب سماعتين ورا مثلا بدل بتوع العربية, الراجل هيفصل سماعتين العربية و هياخد توصيلة للسماعتين الجديد من السلك الأصلى (من غير ما يقطعه)

**yoko** · 21-05-2011 09:10 AM

لو سماعتين بس عادي لو جي إم الضمان باي باي

**karimalaa** · 22-05-2011 02:24 AM

والله توكيل اسكندرية عملت عليهم فقرة واديتهم درس في الكهرباء بسبب انه قاللي اني لو فصلت سماعات الباب و اخدت وصلة للفبرة حتخرج من الضمان عشان لعب في كهربة العربية و شويت كلام مالوش ٣٠ لزمة يجيب الضغط للي فاهم ...قولت طب غلاسة بغلاسة....طب انا عايز اركب الكلام ده هنا....قال لأ احنا مابنعملش اي تعديل و مفيش حد يعمل تعديل....قولتله على العموم انا لو عايز اركب ثلاجة في العربية حركبها و ساعة الصيانة حافصلها و مش حتعرفوا!!!!

**Moe86** · 22-05-2011 04:23 AM

المشاركة الأصلية كتبت بواسطة karimalaa

قولتله على العموم انا لو عايز اركب ثلاجة في العربية حركبها و ساعة الصيانة حافصلها و مش حتعرفوا!!!!

هاهاهاها, رد فى الجون !

بالنسبة لتركيب السماعات , عندى فى البونتو غيرت سماعتين الباب الأمامى من غير ما أفك الباب كله, إحتجت أفك بس الغطاء اللى مغطى السماعة و راكب بكليبسات
أنا معرفش الإيفو نظامها إية بس غالبا نفس الفكرة

و علشان تحس بفرق عن سماعات المصنع بتاعة الباب, إشترى بايونيير أو كينوود, لأنى مركب سونى و طلعت أى كلام
و كمان لازم الوات مايقلش عن 260 و 60 RMS و إلا كأنك ماعملتش حاجة لأن سماعات المصنع حلوة أصلا