الموضوع: رابطة مالكي وعشاق التمبرا (الجزء الخامس)

المشاركة الأصلية كتبت بواسطة haythoom_7

متشكر جدا يا استاذ هشام على الرد وده مش جديد عليك
بس استاذ eng tefa كان قالي ان فاروق بيبعهم لوحدهم هل ده ممكن ولا اجيبهم على بعض وخلصنا
وهل الاحتمال الاكبر ممكن يكون امبير البنزين ولا العوامة
وهل ممكن الواحد يختبر الامبير باسلوب بدائي كده ولا يشتري ويستسلم

بص يا باشا اتأكد من العوامة الاول لو اكيد سليمة شوف موضوع العداد و لو انى مستبعد ان العيب منة
طبع تشترى العدادات كلها على بعضها بس خلى بالك حا تبقى العدادات الى مفبش فيها rpm التانية اغلا شوية طبعا
بالنسبة لموضوع التست بصراحة تيفا هو ملك الكهرباء أنا شخصيا بغلس على تيفا و بخلية يعملى حاجات زى لمض الليدات ههههههههههههه
اصل تيفا غاوى جدا و انا و الله ما بعرف فى شغل الكهرباء نهائيا
بستعين بصديق هههههههههههههههههه

المشاركة الأصلية كتبت بواسطة well12m

ازيكم يا تمبراويه والله وحشنى جدا خصوصا شيخ الحارة المعلم هشام زكى

أهلا بيك يا باشا نورتنا و انستنا

المشاركة الأصلية كتبت بواسطة aliit

ازاى انا اعرف ان زيت الفتيس ناقص زيت ولا لازم اروح اكشف عليه انا عندى الفتيس تقيل ممكن يكون منه ولا من الاسطوانه لان الدبرياج يره تقيل معايا (ايه اللى يبينلى ان عندى مشكله فى الاسطوانه والديسك ) لانى بحس ان العربيه سحبها تقيل وساعات بشم ريحت شياط مش عارف منهم ولا من تيل الفرامل ياريت حد يفيدنى فى الموضوع دا وشكرا

بص أول حاجة خلى ميكانيكى يكون ثقة يكشف على العربية
بالنسبة لموضوع الفتيس بتكشف على الزيت فى محطة البنزين لو عاوز يتزود حا يزودة
=بالنسبة لموضوع تقل الدربياج و انت عند الميكانيكى خلية يزيت سلك الدبرياج
حا يدخل جوة العربية و عند البدلات من الداخل حا يحط زيت بالمزيتة فى الجراب بتاع سلك الدبرياج ممكن يخف شوية معاك كدة و بالمرة قولة يزيت التيش بتاع عصاية الفتيس من عند الموتور حا يفرق معاك شويتين

السلام عليك اهل التمبرا
عندى استفسارين .... الاول بخصوص العفشه انا غيرت من كام يوم المقصين الاماميين والبارات وكاوتش العجل والتيل وكام حاجه كده والعفشجى قالى ان علبو الدركسيون عايزة تتغير .. ممكن تشرحولى ازاى وانا سايق اعرف انها عايزه تتغير وبتأثر على ايه فى العربيه وسمعت انها جديده ب 4000 ومستعمله اقل بكتير ..
عايز اعرف سعرها كام مستعماه وازاى اعرف حالتها ؟
والاستفسار التانى بخصوص مؤشر البنزين اوقات كتير بيرعش خصوصا وهو على النص ده ايه سببه وعلاجه ازاى وشكرا .

المشاركة الأصلية كتبت بواسطة mammet80

السلام عليك اهل التمبرا
عندى استفسارين .... الاول بخصوص العفشه انا غيرت من كام يوم المقصين الاماميين والبارات وكاوتش العجل والتيل وكام حاجه كده والعفشجى قالى ان علبو الدركسيون عايزة تتغير .. ممكن تشرحولى ازاى وانا سايق اعرف انها عايزه تتغير وبتأثر على ايه فى العربيه وسمعت انها جديده ب 4000 ومستعمله اقل بكتير ..
عايز اعرف سعرها كام مستعماه وازاى اعرف حالتها ؟
والاستفسار التانى بخصوص مؤشر البنزين اوقات كتير بيرعش خصوصا وهو على النص ده ايه سببه وعلاجه ازاى وشكرا .

علبة الدركسيون اعراض تلفها الدركسيون نفسه يبقى فيه بوش يعني تلف الدركسيون والعجل يلف بعد لفتك بشويه وتسمع صوت دربكه في المطبات تحت العربية كأم حاجات كتير بتخبط في بعضها وسعرها فعلا 4000 جنيه جديده بس انا مركبها استيراد زي الفل أهم حاجه تكون مش جايبه زيت وتمنها 350 جنيه بس توصي على واحده كويسه مؤشر البنزين غالبا بتبقى مشكلة عوامه ودي تجيبها جديده ب 250 الأصليه والإستيراد ما يتبقاش أوي او تعايش معاها كده عادي

شكرا يا زلبانى هو فى خبط فعلا تحت العربيه فى المطبات وحاسس ان العربيه مش ماسكه نفسها زى الاول كانها سايبه شويه كده ...
ممكن تكون ايه تانى غير العفشه مع انى مغيرها تقريبا بالكامل من اسبوع تقريبا وعملت ترصيص وزوايا والعفشجى ربطى العفشه اللى ورا كمان وقالى انها تمام
ومعلش على الاطاله

الخبط ده ممكن يكون سببه المساعدين لو المقصات جديده وممكن يكون من البارات وممكن يكون بسبب الجلب ممكن حاجات كتير تعمل خبط بس انت بتقول عامل المقصات والعفشه كده يا مساعدين يا علبة دركسيون