تعديل الكراسى العاديه لريكارو ظاهره انتشرت جدااااااا

**misoalex** · 18-05-2011 11:13 PM

فيه حاجه غريبه ملاحظها

من امبارح لنهارده شفت تقريبا 3 عربيات وعربيات عاديه كمان منهم سيات ولادا و 128 و 127 معدلين الكراسى لريكارو

فيه حاجه غريبه كمان شفتها فى اللادا هو تقريبا جزء فيبر او سفنج ومتخرم الخرمين المشهورين بتوع الريكارو وراكبين فى اللادا عادى

باين ان السفنج ده بقى يتباع جاهز

حد يعرف حاجه عن الموضوع ده انا كنت حوقف واحد واسأله من كتر منا شوفتها منتشره

**beetleMOSH** · 18-05-2011 11:42 PM

السروجى بيظبطه عادى
زيو زى التقسيمات اللى بتتعمل فى الكرسى
بس كل واحد و نضافه شغله

**misoalex** · 19-05-2011 01:07 AM

المشاركة الأصلية كتبت بواسطة beetlemosh

السروجى بيظبطه عادى
زيو زى التقسيمات اللى بتتعمل فى الكرسى
بس كل واحد و نضافه شغله

مهى اللى انا شفتها فى اللادا وال 128 اظن ان ده فيبر جاهز مش تنفيخ التنففيخ اللى بالسفينج بيبان

وعموما مش اى سروجى بعرف يعملها وتطلع صخ فيه سروجيه بتكلكع منهم وبيبقى عك

**HOSSNY** · 19-05-2011 05:40 PM

فى نوع جاهز ب 800 جنيه الكرسين وده صينى والفنش بتاعه خطير زى الاصلى واللى بيتعمل بيعمل الكرسى والكنبه اللى ورا من 800 الى 1000 بالجلد كل حاجه عليه وشفت واحد فى الغربيه عامل طقم ماشاء الله احلى من الاصلى هشوف الموضوع واديك اللينك تشوفه

**power** · 20-05-2011 02:04 AM

بس الجاهز احسن من التعديل عموما

**Memo_Lancer** · 20-05-2011 03:49 AM

السعر 800 جديد ؟
حلو جدا

**a7madramadan** · 20-05-2011 09:04 PM

المشكلة يا جماعة في عامل الأمان لإن الكراسي دي مفصلاتها ضعيفة جدا و المزلقانات بتاعتها تعبانة خالص ... لو لا قدر الله حصلت حادثة ممكن حزام الأمان لما يشد يقوم كاسر الكرسي و الراكب يتدغدغ بين الكرسي و الدريكسيون لا قدر الله ....... الكلام ده من سروجي أعرفة بس عنده ذمة .. كنت باكلمه اني لو عاوز أغير شكل الكراسي ... قالي أسهل حاجة اقولك تعالى هاشتريلك حاجة صيني و هأطلع منك عمولة كبيرة و ممكن أقولك لا تجيب حاجة أصلي و أنا افهم فالأصلي و في نفس الوقت أسعاره الى حد ما معروفة و المكسب بيبقى أقل نسبيا بس كل واحد و ضميره .... وقالي كل الي بيركب عنده بيحذره علشان الموضوع ده بس فعلا في طلب كبير على الكراسي دي وخصوصا الحاجات الصيني الي مابتعديش الألف جنيه للكرسيين الأمامي ... و أساسا انواع السفنج والفيبر والطبقة الخارجية سواء قماشية او جلد بتفرق كتييييير جدا ممكن الحاجات الصيني دي تتقطع في شهر واحد لسوء الخامات ..... ما انصحش اي حد بيه الصراحة ... بالرغم من ان التغيير في الكراسي نفسها بالتنفيخ و التحفير فيه مابيكونش بالجودة الممتازة لقلة خبرة معظم الصنايعية المصرية في المجال ده بس اأمن كتيير من انك تشتري حاجة كفائتها و جودتها ضعيفة زي الصيني

اتمنى اكون افدتكم

**Memo_Lancer** · 21-05-2011 12:00 AM

طبعا كلامك مفيد جدااااااااااااااااااااااا ا
شكرا يا باشا

**E30power** · 21-05-2011 12:45 AM

لا طبعا الجديد حمادة والعمولة حمادة تانى خاااااالص ....انا شوفت الاتنين وكنت بفكر اعمل الكاسى كدة بس لقيت الجاهز انضف وخامات وامان ومتقسم صح عن العمولة وبيبان العمولة على فكرة اووى انو عمولة ....