ارجو المساعدة فى شراء سيارة

**Marwa_2011** · 19-05-2011 10:45 PM

السلام عليكم

الموضوع باختصار انا جديدة جدا فى عالم السيارات لسة حاليا بتعلم السواقة فى مركز وباذن الله اول ما اخلص الكورس هروح اطلع رخصة وربنا يسهل وتطلع على طول .

المشكلة بقى انى محتارة اجيب ايه كنت هجيب زيرو بالقسط بس ناس كتير اوى نصحتنى اجيب مستعمل لمدة سنة او اكتر لحد ما اتعلم كويس اوى السواقة وبعدين اجيب عربية زيرو .

ميزانيتى الحالية بحد اقصى 13 الى 15 الف

اجيب 128 تمانينات ولا 131 ولا دايهاتسو شاريد ولا لادا سمارا ولا ايه .. ؟؟
دى الحاجات اللى لاقيتها فى كونتاكت كارز تناسب المبلغ دة

وبالمرة ياريت نصيحة لما اجى اشترى لو اكتفيت بتجربة العربية واشوف مرتاحة فيها فى السواقة ولا ايه وكشفت عليها فى محطة بنزين يبقى كدة تمام ومش هيتضحك عليا ولا فى اجراءات تانية ؟؟

ياريت تتابعوا معايا الموضوع لحد باذن الله ما اطلع رخصة واشترى عربية انا متابعة المنتدى هنا من فترة كبيرة واستفدت منه جدا كزائرة وانهاردة قررت اعمل عضوية واستفيد اكتر لحد باذن الله ما اشترى
وشكرا للجميع مقدما ..

**temos** · 20-05-2011 12:36 PM

العضوة العزيزة
ارشح لكي 128 لعدة اسباب
1- سهولة القيادة
2- حجم السيارة مناسب لحديثي القيادة و هو مفيد عند ركن السيارة و كذالك معرفة حدود السيارة
3- سهولة تصليح السيارة
4- توافر قطع الغيار
5- لا تستهلك بنزين كثير
6- امكانية وضع بنزين 80 & 90 & 92 & 95
7- بساطة تركيب الماتور (يجب عليكي معرفة ميكانيكا السيارات بصورة مبسطة حتي تتمكني من معالجة اي موقف طارئ)

و أخيرا احتفظي بأعصابك و انتي تقودي

سلام

**Marwa_2011** · 20-05-2011 02:05 PM

المشاركة الأصلية كتبت بواسطة temos

العضوة العزيزة
ارشح لكي 128 لعدة اسباب
1- سهولة القيادة
2- حجم السيارة مناسب لحديثي القيادة و هو مفيد عند ركن السيارة و كذالك معرفة حدود السيارة
3- سهولة تصليح السيارة
4- توافر قطع الغيار
5- لا تستهلك بنزين كثير
6- امكانية وضع بنزين 80 & 90 & 92 & 95
7- بساطة تركيب الماتور (يجب عليكي معرفة ميكانيكا السيارات بصورة مبسطة حتي تتمكني من معالجة اي موقف طارئ)

و أخيرا احتفظي بأعصابك و انتي تقودي

سلام

الف شكر عالمعلومات المهمة جدا وانا فعلا مقتنعة جدا بال 128 وعارفة انها عربية حلوة خصوصا للمبتدىء بس الماروتى قريبة منها فى المميزات وفى نفس الوقت شكلا عاجبانى اكتر وصغيرة وبناتى وانا بهتم بالشكل جدا
فغالبا هجيب ماروتى
ايه رايك ؟

**graffittiii** · 21-05-2011 05:08 AM

الماروتي بردو عربية كويسه .. وأعطالها أقل من ال 128 .. أنا عن نفسي أرشحهالك لصغر حجمها ومرونتها.
وفيها نفس خصائص توافر قطع الغيار وسهولة الصيانة وتوفير البنزين اللي ذكرها الزميل في المشاركة السابقة