الموضوع: بصدد اشترى باندا وكنت عايز اعرف تفيدنى فى السفر

بص يا باشا
انا مش معايا باندا ولا اي صيني
بس بغض النظر عن نوع العربية
اي عربية يا باشا هتحترمها وتعملها صياناتاها في مواعيدها وتجبلها اللي هي عاوزاه قبل ما تطلبه اكيد لازم تحترمك وتعمل معاك احلى واجب على الطريق
العلاقة بين السائق والعربية علاقة منفعة متبادلة
انت بتصرف عليها في مقابل انها متجيش في مرة تقلك والله مانا ماشية من هنا
وبالتوفيق يا رب وربنا يهديك للأفضل يا رب

المشاركة الأصلية كتبت بواسطة boka

يا اشرف شكلك رومانسى بتكلم عن العربيات بحب كده

انا بحب العربيات جدا
ومش بتعامل مع عربيتي على انها كتلة حديد وخلاص
لدرجة ان لما اكون رايح بيها مشوار طويل واروح وارجع تاني لما اركنها في الجراج انزل منها واشكرها واطبط عليها
يمكن انا انسان غريب ولكن بحس بأن العربيات مش كتلة حديد فقط لا غير وانها بتفهم احنا عايزين ايه حتى لو عن طريق الدواسات ولكن بتفهم
يعني مثلا يوم الجمعة اللي فات كنت راجع من المنوفية
وكان فيه 3 تريلات ماسكين الطريق جنب بعض بالعرض
المهم كبست عليهم لحد ما عرفت اعدي منهم وجت تريلا كانت في الحارة اللي في النص وانا بعدي من جنبه البيه ادى اشارة يمين وبدأ ينزل عليا فعلا
المصيبة اننا كنا داخلين على طلعة كبري يعني انا بقيت بينه وبين الرصيف
ما لقيتش غير اني كبست بنزين والعربية فجأة طلعت سرعتها من 80 ل 120
اول ما وصلت نزلت شكرتها جدا على انها اسعفتني لأن لو مكانتش استجابت كنت هبقا سلطة انا وهي
معلش انا مهووس بالعربيات شوية