الموضوع: كيفيه تحويل لانوس فاضية الى كاملة ( ضرورى )

المشاركة الأصلية كتبت بواسطة tarek_2005

الساعة بحوالي 150 جم ( و ممكن تجيبها ب50 جنيه استيراد من الحرفيين)
بطانة الكبوت تقريباً 75 جم
فوانيس الشبورة الصيني بحوالي 75 جم الي 100 جم (و ممكن تجيبهم اصلي استيراد من الحرفيين بيعملوا حوالي 120 جنيه بعد الفصال + مفتاح في التابلوه بيعمل 30 جنيه جديد لو مش عايز تغير دراع النور)
المراية اليمين كهرباء جديدة ب 130 جم بس لازم تتاكد من وجود فيشة المفتاح بتاعها وفيشة التوصيل لها
العدادات بتفرق في ال rpm وده ممكن تعدله بس لا اعرف الاسعار في موضوع في اهم موضوعات القسم عن طريقة تركيبه
(انا كنت جايب الساعة ضمن وش التابلوه الفضي بالعدادات ب450 جنيه بعد الفصال من الحرفيين)

الزجاج الكهرباء هاتعوز مكن الزجاج , مش فاكر بصراحة بيعمل كام , و هاتعوز تغير فرش الابواب كله لو عايز التحكم من الباب بتاعك , لو عايز توفر شوية ممكن تخلي التحكم من الكونصول الوسطاني فكده هاتجيب الكونصول الوسطاني بتاع لانوس1 و تحط طبات مكان روافع الزجاج في فرش الباب بتاعك, بس طبعا التحكم من الباب بتاعك افضل

الايريال الكهرباء بيعمل 100 و شوية اظن , من حوالي سنتين كان الاصلي جديد بحوالي 150 جنيه من شارع دمشق

الستوب لايت الخلفي اصلي بيعمل من 120 ل140 جنيه حسب كلام الناس, و تركيبه يا دوب بتخرم مكانه و عندي انا كانت فيشته موجودة ركبتها و خلاص

لو عربيتك مافيهاش سنتر ركب لها جهاز انذار بسنتر بالمرة