انا بمشى بعداد الكيلو متر

**zaza2002** · 21-05-2011 06:51 PM

ازيكم ياجماعه دلوقتى انا كنت مغير طرمبة البنزين من حوالى سنه ونص وبعد التغير اكتشفت ان العوامه مش مظبوطه وبالتالى مؤشر البنزين مش بيعلم صح فابيتديت اعتمد على عداد الكيلومتر (عداد الرحلات) فى التفويل يعنى مثلا لو حاطط 20لتر امشى بيهم 200كيلو وهكذا ومع كل تفويله لازم طبعا اصفر العداد والحمدلله ماشى وخلاص بس السؤال بقى ازاى اقدر اعرف ان العربيه بتاكل بنزين ولا لأ ولا طول ماهى ماشيه بالمعدل اللى انا قولته تبقى تمام ولكم منى جزيل الشكر

**A.samy** · 22-05-2011 02:53 AM

ولية العداد مش شغال مظبوط انا لما غيرت طلمبة البنزين كان العداد بيخرف رحت للى ركيها قالى هى كدة العربية دى لما تغير الطلمبة العداد يخرف وملهاش حل وقالى اعمل زى ما حضرتك بتعمل المهم الكلام معجبنيش روحت لكهربائى تانى قالى دة حمار والحل ان احنا ننقل العوامة والمجموعة بتعتها من الطلمبة القديمة او بطريقة تانية بس يا رب تنفع وراح حل الطلمبة وشال الطرف السالب للبطارية سألتة هتعمل اية قالى هعاير العوامة الجديدة والكارت بتعها على كمبيوتر العربية رحت قايل على طول الله اكبر اكيد الراجل دة فاهم وطلع فعلا فاهم وكل اللى عملة انو شال كابل البطارية وشال فيشة الطلمبة وحرك عوامة الطلمبة على اقل نقطة كأن التنك فاضى وراح موصل البطارية والفيشة بتاعة الطلمبة وبعدين فتح الكونتكت وبعدين حرك عوامة الطلمبة على اعلى نقطة عمل الموضوع دة 3 مرات وبعدين قفل الكونتكت ورجع فتحة ورفع العوامة ونزلها تانى 3 مرات وبعدين قفل الكونتكت وركب الطلمبة وقالى كدة كل حاجة تمام الحقيقة فعلا العداد بقى زى الساعة .

**m0hsen** · 22-05-2011 03:02 AM

فول العربية على الاخر وخد عداد الكيلومترات فى ورقة وامشى شوية وليكن 100 او 200 كيلومتر وفول تانى على الاخر وشوف انت حطيت قد ايه بعد كده هاتعرف انت مشيت كام كيلو بكام لتر

**mabdelrahim** · 22-05-2011 12:00 PM

المشاركة الأصلية كتبت بواسطة a.samy

ولية العداد مش شغال مظبوط انا لما غيرت طلمبة البنزين كان العداد بيخرف رحت للى ركيها قالى هى كدة العربية دى لما تغير الطلمبة العداد يخرف وملهاش حل وقالى اعمل زى ما حضرتك بتعمل المهم الكلام معجبنيش روحت لكهربائى تانى قالى دة حمار والحل ان احنا ننقل العوامة والمجموعة بتعتها من الطلمبة القديمة او بطريقة تانية بس يا رب تنفع وراح حل الطلمبة وشال الطرف السالب للبطارية سألتة هتعمل اية قالى هعاير العوامة الجديدة والكارت بتعها على كمبيوتر العربية رحت قايل على طول الله اكبر اكيد الراجل دة فاهم وطلع فعلا فاهم وكل اللى عملة انو شال كابل البطارية وشال فيشة الطلمبة وحرك عوامة الطلمبة على اقل نقطة كأن التنك فاضى وراح موصل البطارية والفيشة بتاعة الطلمبة وبعدين فتح الكونتكت وبعدين حرك عوامة الطلمبة على اعلى نقطة عمل الموضوع دة 3 مرات وبعدين قفل الكونتكت ورجع فتحة ورفع العوامة ونزلها تانى 3 مرات وبعدين قفل الكونتكت وركب الطلمبة وقالى كدة كل حاجة تمام الحقيقة فعلا العداد بقى زى الساعة .

السلام عليكم ... يا ريت يا باشا تقولي فين مكان الكهربائي ده و بياناته لأن انا عندي نفس المشكلة و مش عايز واحد حمار يفتي و يبوظلي حاجة ... و يبقى ليك جزيل الشكر
أخوك محمد

**Bassem Taha** · 22-05-2011 04:04 PM

المشاركة الأصلية كتبت بواسطة mabdelrahim

السلام عليكم ... يا ريت يا باشا تقولي فين مكان الكهربائي ده و بياناته لأن انا عندي نفس المشكلة و مش عايز واحد حمار يفتي و يبوظلي حاجة ... و يبقى ليك جزيل الشكر
أخوك محمد

اه وياريت لو ليه اخ توأم في المنصورة

يعملي الحركة دي لأن انا كمان عداد البنزين بيطلع لما افول بس ولما البنزين ينقص ويبقى فاضل 30 لتر مثلاً المؤشر بلاقيه في الارض و مبيطلعش تاني إلا لما افول تاني
لو ملوش اخوات في المنصورة

ينفع تجبلنا الطريقة اللي عملها دي بالظبط ( شرح تفصيلي ) ونعملها احنا بنفسنا ؟؟

**A.samy** · 23-05-2011 01:20 AM

اول شارع دويدار فى حدائق القبة واسمة عماد الكهربائى

**mabdelrahim** · 23-05-2011 11:14 AM

الف شكر يا باشا مانتحرمش

الموضوع: انا بمشى بعداد الكيلو متر

LinkBack

أدوات الموضوع

عرض

انا بمشى بعداد الكيلو متر - انشر الموضوع فى :

-

المواضيع المتشابهه

الكيلو متر له تأثير

عداد الكيلو

أريد تأجير سيارة لمدة أربعة أيام بعداد مفتوح لأسافر.هل تنصحوني بمكان معين بالقاهرة؟؟؟

الكيلو 26

الكيلو بكام

الكلمات الدلالية لهذا الموضوع

المفضلات

المفضلات

ضوابط المشاركة