ايه رايكم فى كاوتشات البريدج ستون بتاعه الينيا

**bembodeniro** · 22-05-2011 02:50 AM

ايه رايكم فى كاوتشات البريدج ستون بتاعه الينيا لانى حاسس انها كاوتشات اى كلام الحكايه ومافيها انى يوم الجمعه وانا على الدائرى بعد كارفور ب 2 كيلو وماشى هادى وبعدى من حاره للتانيه ولاقيت قالب طوب احمر مكسور فى وشى المهم الكاوتش خبط فيه لبس فيه ويادوب مشيت 5 متر وكنت فى الشمال وبقول لنفسى يارب مايكونش اتخرم ولا حصل حاجه والاقى الدريكسيون بيتهز وعرفت ان الكاوتش نام والحمد لله كنت ماشى على 80 او 90 هديت واديت انتظار واستنيت لحد ما الطريق فضى ودخلت ركنت فى اليمين غيرت الكاوتش وركبت الاستبن اللى كانت اول مره اشوفه ولاقيت تحذير عليه انى مامشيش اكتر من 80 والجو كان ولعه المهم جيت ابص على الكاوتش اللى ضرب لاقيته مقطوع استغربت قولت حته حجر مكسور يقطع كاوتش وكنت كمان ماشى على الهادى وريته لبتاع كاوتش فى محطه شيل اللى فى نزله الدائرى ناحيه العبور قالى يتلحم من بره ومن جوه وروحت الحمد لله بالاستبن وسيبت الكاوتش لسواق ابويا وقالى هيوديه لبتاع كاوتش يلحمه بس قالى القطع غويط وممكن يترمى ويبقى لازم تجيب فرده تانيه استغربت فرده كاوتش مامشيتش الا 6000 كيلو تتطحن كده من حته حجر احمر مكسور وقع من عربيه نقل كانت شايله؟؟؟؟!!!! تنصحونى بايه لو لقدر الله منفعش الفرده دى تتصلح او اتصلحت وبقت تعبانه اركب الجنط للاستبن وامشى بيه واجيب فرده جديده وهل تكون بريدجستون برضه ولا اشوف ماركه تانيه

**bembodeniro** · 22-05-2011 02:54 AM

سؤال هو مقاس الكاوتش 16 مش كده ولا انا غلطان؟؟؟

**tareket** · 22-05-2011 11:04 AM

موضوع ان الكوتش يتقطع من طوبة دا طبيعى و كذا واحد اعرفه حصله واكتر من نوع كاوتش كمان,
انا حصلت لواحد اعرفه معاه لينيا فغير جوزين و عرض ل205

اناللينيا بتعاتى كانت جنط 15 و النوع كان بريدجستون
b250
بعض 45000 غيرت ل بريدجستون
my01
واكتشفت انه احسن بكتير

**bembodeniro** · 22-05-2011 11:14 AM

هو دلوقتى كاوى الكاوتش ولحمه بس كل صحابى بيقولوا امن ليك تغير وبيقولوا بلاش بريدجستون لان البريدجستةن اللى فى السوق مش حلو وبيقولوا جيب ميشلان او بيريلى
انا لينيا هاى لين مقاسه 16 على ما اعتقد مش كده

**tareket** · 22-05-2011 03:12 PM

مظبوت 16
195/55r16

**bembodeniro** · 22-05-2011 08:58 PM

طب اجيب ايه فى رايك بريدجستون ولا ميشلان ولا بيريلى ولا ابدل الجنط واحطه فى الاستبن واجيب فرده هانكوك تبقى استبن ولا امشى على الفرده المكويه دى وخلاص؟؟؟؟ وفين يوكو ساكت مابيقولش كلمه يعنى

**yoko** · 22-05-2011 09:41 PM

جيب البوتينزا ٢١٥\٥٠\١٦
أنا ناوي عليه وإن الكاوتش يتقطع عادي أنا حصل معايا كده وغيرت فردتين وبعدها بركن إتك في رصيف قمت مغير الإتنين التانين
وخليك في البريدجستون بوتنزا
بلاش المشلن معايا طري وملوش صوت على الأرض لكن عشان طري مبيعش يعني أنا مكملتش بيه ٣٠ الف والنقشه خلاص طارت (عزم العربيه عندنا غبي ولازم كاوتش ناشف)
وكمان الميشلن عشان طري بيخلي العربيه تزحف سنة مع الفرامل حتى في وجود الabs
مينفعش تبدل الغستبن بالعادي عشان مقاسات مختلفة وغير بجديد وح\ط الجديد ورا ويا سلام لو ال215 زي ما قلتلك

**bembodeniro** · 22-05-2011 10:01 PM

سؤال غبى معلش يا يوكو هو ايه البوتينزا ٢١٥\٥٠\١٦ وموجود؟؟ واشمعنى 215 واشمعنى اركبه وراء يعنى معلش اعذر جهلى صحيح ولو ملقيتوش اركب ايه او بريدجستون رقم كام والفرده تجيلها بكام؟؟؟ والمقاس اللى راكب هل فعلا رقمه 195/55

**yoko** · 22-05-2011 10:09 PM

المشاركة الأصلية كتبت بواسطة aymoz

أنا عندي فردة بايظة برضه من نقرة راحت مبقلله
متهيألي العيب مش في الكاوتش الفكرة ان الجنط ال 16 مش مناسب في مصر

فعلا العيب في الشوارع

المشاركة الأصلية كتبت بواسطة bembodeniro

سؤال غبى معلش يا يوكو هو ايه البوتينزا ٢١٥\٥٠\١٦ وموجود؟؟ واشمعنى 215 واشمعنى اركبه وراء يعنى معلش اعذر جهلى صحيح ولو ملقيتوش اركب ايه او بريدجستون رقم كام والفرده تجيلها بكام؟؟؟ والمقاس اللى راكب هل فعلا رقمه 195/55

البوتينزا ده الفئة السبور لبريدجستون
وليه ورا لإن لو كاوتش تخين والتاني رفيع التخين يبقى ورا عشان يزود الثبات
وإشمعني ٢١٥\٥٠ عشان قرايه العداد تبقى مظبوطة وفي نفس الوقت الثبات يزيد وإرتفاع العربيه يفضل زي ما هو وكمان المقاس ده أسهل إنك تلاقيه من بتاعها ال١٩٥\٥٥