ارجو مساعدتكم في شراء التمبرا

**Ahmad_Alsrogy** · 22-05-2011 12:12 PM

يا شباب دي اول مشاركه ليا في المنتدي وارجو مساعدتكم في شراء سيارة .
دي تعتبر اول سيارة ليا واول مرة ان شاء الله اسوق عربية .انا معايه في حدود 25 -30 الف .قريت كتيير على النت ودورت على عربيه في حدود المبلغ اللي معايا وتكون عائلية وصيانتها سهلة ومعقوله ويكون فيها تكييف ويكون موديلها جيد نوعا ما . اللي كان في المقارنة الاكسيل والاكسنت واللانوس والبروتون ويرا والانسر موديل قديم والفيات تمبرا . بعد اللف والدوران والقرايه استخرت ربنا واستقريت على شراء فيات تمبرا بس عندي اسئلة كتييييير جدا
اي موديل هو الافضل؟؟
ايهما افضل العدادات الديجتال ولا العادي؟؟
انا قريت ان في لحد 96 ايطالي وبعد كده مصري ..طب انا قريت ان في الماني ..يطلع ايه ده ؟
الوتوماتيك افضل ولا المانيوال ؟؟
ازاي اعرف ان العربية دي ملعوب فيها ولا لاء ؟؟

يا ريت الاقي اجابه للاسئلة دي ولو في حاجه تانيه ممكن ترشحوهالي انتو شايفين انها تناسبني اكون شاكر جدا . علما باني من سكان الاقالييم (يعني مطبات و ارض مش ممهده ) وشغلي في المعادي

**Ahmad_Alsrogy** · 22-05-2011 02:36 PM

كنت عايز اعرف كمان ازا كان الفرق بين الكربراتير والانجيكشن كبير ولا ايه ؟
؟ايه مميزات التيبو عن التمبرا؟
المواتير وقوتها واختلافها

**Ahmad_Alsrogy** · 22-05-2011 02:37 PM

ايه يا شباب مافيش ردود ليه؟؟

**ahmed79** · 22-05-2011 02:57 PM

باشا كل الى انت عيز تعرفه عن التمبرا خش الرابط بتاع التمبرا هتلاقى اجابت كتير للاسأله بتعتك
لان فى الرابطه كل واحد عارف حاجه هيرد عليك فيها متقلقش
http://www.nilemotors.net/Nile/220355-a.html

**Ahmad_Alsrogy** · 22-05-2011 06:29 PM

الف شكر يا أستاذ احمد على الرد ..بس انا مش عارف اعمل ايه هل اكتب طلبي في اللينك بتاع الرابطه ده ولا اقرا انا كل المشاركات اللي مكتوبه ..اسف على ازعاجك ومتشكر جدا على وقتك

**ahmed79** · 22-05-2011 06:35 PM

المشاركة الأصلية كتبت بواسطة ahmad_alsrogy

الف شكر يا أستاذ احمد على الرد ..بس انا مش عارف اعمل ايه هل اكتب طلبي في اللينك بتاع الرابطه ده ولا اقرا انا كل المشاركات اللي مكتوبه ..اسف على ازعاجك ومتشكر جدا على وقتك

انت لسه هتقرا اكتب طلبك والى انت عايز تعرفه وبعد كده اقراء برحتك