طلب خاص..عيوب ومميزات مرسيدس sel 1992

**amr_2009** · 24-05-2011 01:45 PM

طلب من رجاله مرسيدس..عن مميزات وعيوب العربيه دى..من حيث

1- سعرها فى السوق للحاله الكويسه قوى..واعاده البيع
2- تصليحاتها واشهر مشاكلها
3- مكان الصيانه والكشف عليها فى حاله الشراء..وهل صيانتها معقده؟
4- هل فى مذادات فى السفارات او الجمارك بتبيعها وهل كده احسن واوفر ولا من مستهلك عادى افضل
5- ضريبتها فى السنه وطريقه استهلاكها للبنزين
6- قطع غيارها متوافرة ولا لا واماكن تواجدها

اسف اسالتى كتيرة بس باذن الله الاقى الاجبات عندكو ان شاء الله..وشكرا جداااا

**amr_2009** · 25-05-2011 11:20 AM

معقول يا جماعه مفيش ولا رد؟؟

اومال فين وحوش القسم هنا..MBhead و MASERATI وباقى الرجاله

**amr_2009** · 26-05-2011 12:29 PM

!!!

**MBhead** · 28-05-2011 03:19 AM

ايوه ايوه ايوه ....معلش بس و الله ظروف
الاول حضرتك بتتكلم عن W140 الS-Class ...طبعا دي مفهاش عيوب ...عيب اساسا لو فيها عيب مميزاتها ..كلها مميزات بردو
دي حاجة تانيه حضرتك بتتكلم في تكنولوجيا عاليه اووي و قوه و امان و راحه و برستيج و ثبات كل شي و اي شي
السفر مهما كانت المسافة و اوبشن عالي ( -ابواب و شنطه شفط - 2 climate control-حتلاقي سنسورات كتير للشتا و البرك-ازاز عازل للصوت -ABS-ESP -Airbags - شبابيبر المرايات بره و جوه و و الازاز كله -العفشه هوا(اوبشن) + طبعا الكماليات الاساسيه)
سعرها اخر مره سالت كانت عامله في حدود 160 200 علي ما اتذكر مش عارف دلوقتي اسعارها ايه و اعادة بيع للاسف السوق المصري العقيم مش حتجيب فلوس كويسه لما تتباع بسبب السعه العاليه و خرفات المصريين ان اي عربية 6 سلندر حوت بنزين ....مع ان دي مش كده خالص بس هو بيقارنها بعربيه 1600 سي سي
مشاكلها و الله معندبش فكره ..انا ركبتها لم امتلكها بس متاكد ان اعطالها قليله و اكيد صيانتها مش رخيصه لانها معقده و لازم التوكيل في الكشف عليها و بردو التوكيل في الصيانه مش حتفرق بتشتري من سفاره او مزاد او مستهلك لسبب ان معظم اللي ركبنها رجل اعمال و ما شبه يعني معطمهم مش بيهلكوا العربية اد كده .
بس السفارات بتبقي غالبا بمواصفات خاصه و ممكن تكون مصفحه الاهم ان تكون الحاله نضيفه
اما الصريبة بحد ادني الف جنيه في السنه و استهلاك البنزين مش عالي السته سلندر اخرها 12لتر/100 كيلو ...اما لو بتتكلم في V8 ...نعلي شويه يمكن 17/100لتر كحد اقصي
و طبعا قطع غيارها متوفره عند بتوع قطع الغيار حضرتك ممكن تاخد لفه و تسال عن متوسط الاسعار
لو عايز رايي فيها ......دي اخر المرسيدس المحترم اللي عمل للمرسيدس اسم اللي انا انزل من مرسيدس تمانينات (تمانينات المرسيدس احسن مرسيدس علي الاطلاق ) و اركبها و تعجبني و اعشقها و زي مابيسموها اخر الoverengineered مرسيدس
قبل مرسيدس التسعينات و البلاستيك و الكلام التعبان.و اتصرف علي تطورها مليار دولار طبعا جوده صناعه فوق الممتازة
انا ولدي كان معاه W126 500SEL يعني عربية ماينفعش تتعوض و بعها و جاب الW140 500SEL و جربتها جابت ال260 و ماشيا عادي جدا ...و بعد كده بعها تاني عشان شكلها ماكنش عجبه و جاب W211 e280 ...رجع بعد فتره يقول ياريت ماكنتش بعتها و كنت حتعود علي شكلها بدل اللي معاه وحاول يشتريها بس الراجل رفض يبعها
الملخص انها عربية فوق الممتازه