الموضوع: عايز اسعار قطع غيار اللانوس من التوكيل

المشاركة الأصلية كتبت بواسطة moustafa_saad

السلام عليكم
ياجماعه انا ضيف عليكم من قسم اللوجان وكنت عاوز اسعار قطع اللانوس فى التوكيل واكد التوكيل فقط علشان نقارنها باسعار قطع غيار عربيتنا اللوجان فى التوكيل برده ونقدم شكوى لو الفرق كبير
ياريت اللى يعرف سعر قطعه فى التوكيل يكتبها

حضرتك عايز قطع غيار بمعنى فوانيس و ابواب و رفارف ولا الاجزاء الميكانيكية ؟؟؟؟

عموما مش عاوزك تزعل منى بس مينفعش تقارن اسعار لانوس ب لوجان ...ببساطة لان دى شركة و دى شركة تانية خالص و دى من بلد و دى بلد تانية...( يعنى مثلا مينفعش نقول قطع غيار مين اغلى المرسيدس و لا الليكزس ( باعتبار ان حضرتك عايز مقارنة بناء على تقارب سعر العربية )

لو تقصد الاشياء اللى فى الصيانة الدورية زى الفلاتر و اللذى منة فهى كالاتى

فلتر بنزين 77

فلتر زيت 38.5

فلتر هواء 135

اسلاك بوجيهات 192.5

البوجيهات 138.5

الزيت موبيل 1 ___286

كشف كمبيوتر 110

علما بان السعار دى خاصة بالدايو مش من مراكز شيفرولية.....عشان انا عربيتى لانوس 1.

الاسعار دى من حوالى 3 اسابيع و فية بعض الاشياء تختلف من مركز لمركز ...اصل انا بقالى 11 سنة بروح التوكيل و يقيت بروح كل مرة لمركز عشان اعرف مين اكتر الناس المحترمين و هم كالاتى بالترتيب

1 ابو غالى ( الاحسن كخدمة عملاء و نظافة الشغل بكل فروعة)
2 دايو ابو رواش
3 الكويت اللى فى الدقى
4 دايو العباسية (دة الاسوأ)
5 توكيل دايو الاسماعيلية ( دة مش التوكيل نفسة دة معتمد....بس اسوأ مركز على الاطلاق و لا فاهمين شغل و لا حتى خدمة عملاء)...اخرهم غيار الزيت و الفلتر و شكرا

المشاركة الأصلية كتبت بواسطة moustafa_saad

مفيش زعل ولا حاجه بس انا بقارن فعلا باء على تقارب السعربين السيارتين ومفيش مشكله لو فيه فرق 25% مثلا لكن ان الفرق يبقى اضعاف هو ده المشكله وللاسف الواحد مش عارف اسعارقطع غيار الكورى فى التوكيل ايه لانه مرطرط بره التوكيل فماحدش بيعتمد على التوكيل فى حاجه

وعموما انا عاوز اسال على الفوانيس والابواب وعلبة الدركسيون والكوبلن والمساعدين وتيل الفرامل واى حاجه تانيه تعرفها
اما الاسعاراللى حضرتك حاططها اعتقد انها قريبه جدا من اسعارنا

اللى اقدر افيدك فية التيل ...هو كان ب 178.5 اخر مرة غيرتة و دة من 6 شهور تقريبا
بالنسبة لباقى الاشياء مش عارف عشان دول مش بيتغيروا كتير فالاسعار مش فى دماغى و لكن اللى فاكرة ان الفانوس الخلفى كان غالى جدا (بحجة ان انا لانوس 1 --- فالفانوس طبعا شكلة اتغير و مبقاش موجود فى المخزن فكانوا هيجيبوة من كوريا مخصوص و طبعا كلةا على قفا الزبون...فطنشت التوكيل و جبتة من برة من عند بتوع المستعمل و تكلف 150 للجزء الواحد و لو كنت اخذت الجزئين كانوا عاملين 250 )