انا متحفظ على دي فقط
الباقي كله كلام صحيح و يحزن
لما يبقي اغلب الناس مقتنعة بالمجلس الرئاسي و نلغي فكرة المطالبة بيه علشان حضرتك تنزل معانا و برضه مش عايز تنزل يبقي انت اكيد فاهم غلط
:(
رقم العضوية : 83179
تاريخ التسجيل : 09Dec2010
المشاركات : 370
النوع : انثى
الاقامة : Egypt
السيارة: ربنا يبعت
السيارة[2]: فيات اونو
دراجة بخارية: dontknow
الحالة :
يبقي انت أكيد فاهم غلط
البوست ده مكتوب بدون ترتيب للأفكار و بدون تحضير بس افتكرت شويت حاجات كده حبيت اوجهها لكل اللي رافضين النزول يوم الجمعة القادم 27 مايو و عايز أعرف رأيهم في الكلام ده
لما تشوف ناس ماتت قدام عينك و عارف مين اللى قتلهم و بقاله 4 شهور عايش حياته عادى جداً ... و انت مش فارقة معاك يبقي انت اكيد فاهم غلط؟
لما تعرف ان القناصة كانو بيتنقلوا في عربيات اسعاف و لسه مفيش حد لا من القناصة و لا من بتوع الاسعاف ولا وزير الصحة اتحاكم و انت قاعد و متكيف و مش نازل الميدان يبقي انت اكيد فاهم غلط
لما كل قتلة المتظاهرين لسه في اماكنهم و بياخدو ملايين و انت مش عايز تنزل يبقي انت اللي فاهم غلط ....
لما تقرأ كلام علاء الأسواني عن مقتل اللواء البطران في المصري اليوم و برضه مقتنع ان الشرطة و الشعب ايد واحدة .... يبقي انت اكيد فاهم غلط
لما كل مديرين الهيئات و الشركات الفاسدين بيقبضوا مرتبات خرافية و انت تيجي تطالب العمال ميعبروش عن حقوقهم و لو بيوم اعتصام يبقي انت اكيد فاهم غلط ....
لما يحيي الجمل عمال يحضر لحوار وطني كله من الحزب الوطني و بيعمل قانون للتصالح مع الفاسدين بدل ما يعمل قانون لمحاكمتهم سياسيا و انت قاعد في البيت متكيف ...... يبقي انت اكييد فاهم غلط
لما تعرف ان قيادات الداخلية كل اللي حصلهم بعد الثورة انهم غيروا أماكنهم ..... يبقي انت اكيد فاهم غلط
لما تروح ماتش للاهلي ولا الزمالك و تلاقي 50 عربية امن مركزي في الاستاد -بدون مبالغة- و في نفس الوقت مفيش توكتوك حتي يروح مع مامور قسم الموسكي وكل البلد و الاعلام الوسخ يمسكوا في شجاعة المأمور و يسيبوا المصيبة ديه ..... يبقي اكيد هما فاهمين غلط
لما تلاقي وزير المالية داير يشحت من خلق الله و احنا عندنا الصناديق الخاصة بس فيها مئات المليارات و في ناس بتقول فوق التريليون يحلوا كل مشاكل البلد و انت موافق اننا نشحت ...... يبقي انت اكيد فاهم غلط
لما تعرف ان وزير البترول الجديد قرر يرفع سعر الغاز الي 4 دولار و هو سعره 15 دولار و المصيبة ان البلد بتستورد بوتاجاز و في ازمة سولار في البلد و انت لسه موافق ومش عايز تنزل معانا ...... يبقي انت اكيد فاهم غلط
لما تعرف ان في الاف الشباب اتحاكمو عسكريا بسبب مواقفهم و انت موافق ..... يبقي انت اكيد فاهم غلط
لما تفضل مصدعنا بكلام ان البلد لازم تتمسك بقبضة من حديد و أول لما القبضة تقرب منك او من حد تعرفه تقول بلاش تنزل المرة دي ...... يبقي انت اكيد فهمتنا غلط
لما تعرف ان هيلاري كلينتون صرحت ان عائلة مبارك ليها ثروات في امريكا لم تحصر بعد و سويسرا لوحدها جمدت حوالي 2.8 مليار جنيه مصري و لسه الاتحاد الاوروبي و دول الخليج معرفناش عندهم كام و تيجي ماما سوزان ترجع للبلد 24 مليون جنيه وتاخد افراج و حضرتك تقولي سيب العدالة تاخد مجراها و القضاء نزيه ....... يبقي انت اكيد فاهم غلط
لما تعرف انهم كانوا افرجوا عن زكريا عزمي ولما لقو الناس في الشارع هتموت من الخبر رجعوا حبسوه تاني و قالك اصل لقينا ورقتين جداد هنحقق فيهم و انت لسه مش مقتنع ان ديه تمثيلية .... يبقي انت اكييد فاهم غلط
لما تقرير لجنة تقصي الحقائق يقول ان العادلي المسئول الأول عن قتل المتظاهرين .... و المشير يقول ان كان في أوامر بضرب المتظاهرين و اكيد الاوامر من مبارك و لسه متحاكمش بتهمة قتل المتظاهرين و الخيانة العظمي و تيجي انت تقول ان العدالة بتاخد وقتها ...... يبقي انت اكيد فاهم غلط
لما تعرف ان اعلام بلدك اللي انت بتصرف عليه قطع الحلقة عن بثينة كامل لمجرد انتقادها سياسات المجلس العسكري وانه مانع ظهورها في الاعلام و انت تقول مش مشكلة يبقي انت اكيد فاهم غلط
لما تعرف ان طلبة اعلام القاهرة اتفصلوا علشان طالبوا برحيل سامي عبد العزيز اللي قال ان الانتخابات في عهد مبارك نزيهة وكان بيطبل للنظام و تقول اللي يجي في الريش بقشيش ... يبقي انت اكيد فاهم غلط
لما تبقي المجالس المحلية اللي فيها فساد للركب بشهادة زكريا عزمي و كلها وطني لسه زي ما هيه ومتغيرتش و انت عامل عبيط و تقول كله بأوانه .... يبقي انت اكيد فاهم غلط
لما حركة المحافظين الجديدة تحتفظ بكوتة الداخلية زي ما هية و انت تقول معلش المرة الجاية نشوف الموضوع ده .... يبقي انت اكيد فاهم غلط
لما كل القوانين تصدر بدون مناقشات زي مباشرة الحقوق السياسية و قانون الاحزاب و فض الاعتصامات و انت ملكش رأيي و ساكت .... يبقي انت اكييد فاهم غلط
لما الجهاز المركزي للمحاسبات يتستر علي دولة فساد و يطلع بعد الثورة رئيسه يقولك انا معنديش عربية و مش لاقي الاكل و انت تصدقه و تقول يا حرام ..... يبقي انت اكيد فاهم غلط
لما النائب العام التابع لمبارك و اللي كان ملفات كتير قدامه بيحطها في الدرج و لغاية دلوقتي ده بيحصل - بلتمس العذر دلوقتي - و انت تأتمنه علي المحاكمات و كأن اللي خلقه مخلقش غيره و كأن استبداله بشخص اخر هيسبب مصيبة و انت بتنام مطمئن .... يبقي انت اكيد فاهم غلط
لما مصابي الثورة و اللي فقدوا عينهم علشان خاطر البلد اللي انت عايش فيها مش لاقيين علاج و بيتظاهرو قدام مجلس الوزاء علشان يتعالجوا و في نفس الوقت بيعالجوا حسني نفسيا و مقعدينه في مستشفي 5 نجوم و انت لسه مش عايز تنزل الميدان ....... يبقي انت اكيد فاهم غلط
لما المجلس العسكري يبرر احداث 9 ابريل بان ابراهيم كامل وراها و بعدها بشهر يطلع براءة و المجلس ميعرفناش مين السبب و انت مش عايز تعرف ....... يبقي انت اكيد فاهم غلط
لما المجلس يقول ان الاقتصاد انهار و يبعت للناس علشان يحل المشكلة الاقتصادية و تلاقي كل الناس اللي هناك حزب وطني و سامي عبد العزيز و الست أم برنيطه – بشهادة نوارة نجم – و يقنعوا الناس ان احنا هنفلس و تاني يوم كل خبراء الاقتصاد الوطنيين زي أحمد السيد النجار يقولوا ان الاقتصاد لم ينهار و انه زي ما هوه و انت تصدق بتوع الوطني .... يبقي انت اكيد فاهم غلط
لما يفلقوا دماغنا بالسياحة و هما سايبين المخلوع في شرم واقف حال السياحة و مقعد الناس في بيوتها من غير شغل و انت لسه مصدقهم ..... يبقي انت اكيد فاهم غلط
لما مايكل نبيل يكتب مدونة - لا هتودي ولا هتجيب - في انتقاد المجلس العسكري و يتحاكم عسكري و ياخد 3 سنين سجن مشدد في السجون الحربية و انت متتعاطفش معاه حتي و تقول يستاهل .... يبقي انت اكيد فاهم غلط
لما المجلس ميبررش اللي حصل في المتحف من تعذيب و اختبارات كشف العذرية للبنات و ميفتحش تحقيق في الموضوع ده و انت عامل عبيط .... يبقي انت اكيد فاهم غلط
لما يبقي اول ظهور قوي للداخلية في احداث السفارة و يبقي بغرض الانتقام بشهادة كل المتواجدين في المكان و منهم محمد عفت و انت تقول اصل مش وقته المظاهرات قدام السفارة .... يبقي انت اكيد فاهم غلط
لما تعرف ان اللي بيدير مؤتمر الحمار الوطني و الوفاق الوطني اللي هيحددوا ملامح للدستور القادم و سياسات الوزارة في الفترة اللي جاية هما عبد العزيز حجازي و يحيي الجمل اللي عندهم 80 سنة و تابعين للنظام الفاسد و تعرف كمان ان اغلب المدعويين حزب وطني ومحرضين علي قتل المتظاهرين و تعرف ان شباب الثورة و 6 ابريل هددوا بالانسحاب و تاني يوم انسحبوا فعلا و كل ده ميحركش فيك اي حاجة ..... يبقي انت اكيد فاهم غلط
لما تعرف ان في تونس منزلوش ولا مظاهرة بعد هروب بن علي و انهم دلوقتي حالتهم تصعب ع الكافر و محتاجين نفس الجرأة بتاع أول مرة علشان ينزلوا تاني و انت مش عايزنا ننزل ..... يبقي انت اكيد فاهم غلط
لما تعرف ان كل حاجة المجلس العسكري نفذها كانت تحت ضغط المتظاهرين يوم الجمعة من وزارة شفيق لي حل أمن الدولة اللي غيرو اسمه و ضحكو علينا لي محاكمة رموز النظام اللي طلعت وهمية و انت برضه تقولي مش لازم ننزل يوم الجمعة ..... يبقي انت اكيد فاهم غلط
لما يبقي اغلب الناس مقتنعة بالمجلس الرئاسي و نلغي فكرة المطالبة بيه علشان حضرتك تنزل معانا و برضه مش عايز تنزل يبقي انت اكيد فاهم غلط
لما تعرف ان ظباط الامن الوطني ( امن الدولة) رفض الاشراف القضائي علشان يرجع يمارس سفالته تاني معانا و انت مش فارقة معاك ...... يبقي انت اكيد فاهم غلط
لما تلاقي لعيبة الكورة لسه عايزة ملايين و تلاقي الفنانين اللي خانو جمهورهم و نافقو النظام بياخدو ملايين و انت تقول بارك الله في ما رزق يبقي انت اكيد فاهم غلط
لما تعرف ان كل رجال الاعمال مش بيدفعوا ضرائب و ان الموظفين فقط هما اللي بيدفعوا ضرايب و انت ساكت .... يبقي انت اكيد فاهم غلط
الحياة بسيطة.. ياللي شايف إن نزول التحرير غلط, إتفضل أقعد في بيتك.. الناس اللي شايفة ان الثورة محتاجة لهم هاينزلوا, حتى من غير دعوات.. لو خايف على العجلة بتاعة الإنتاج! التظاهر يوم جمعة! خايف من المجلس الرئاسي, مفيش! زعلان ع الإستفتاء, كلنا نحترم الإستفتاء ونتيجته! نازلين للحق والعدالة ودم الشهدا اللي مش هايضيع طول ما فينا نفس! نازلين نكمّل الحلم! نازلين نقول المصري مش هايطاطي تاني لأى مخلوقٍ كان! عندك مشكلة مع ده؟
انا مكتبتش عن المجلس العسكري زي كل الناس انا كتبت كل اللي في قلبي ... يطلع بقي السبب فيه المجلس العسكري يطلع الوزارة ... تطلع أمي ... انا مليش دعوة انا نازل و خلاص
دي الحاجات اللي افتكرتها و لسه فيه غيرها كتير يا ريت تزودوها انتم
حسبي الله ونعم الوكيل في الظالم و ابن الحرام ... حسبي الله و نعم الوكيل في اللي مش عايز البلد دي تنضف
أنا خلصت كلامي و متأكد ان فيه ناس مش هتفتنع برضه و هتقول ان انتم عايزين تخربوا البلد.... هسيب اللي مقتنعش مع الفيديو ده يمكن يحس بحاجة
YouTube - ‫ظ…ظƒط§ظ„ظ…ط© ط§ظ„ط¨ط·ظ„ ظ…طµط¹ط¨ ط£ظƒط±ظ… ط§ظ„ط´ط§ط¹ط± ظ…ط¹ ظ…ط.ظ…ظˆط¯ ط³ط¹ط¯ ظƒط§ظ…ظ„ط©‬‎
المصدر
White Knight: ظٹط¨ظ‚ظٹ ط§ظ†طھ ط£ظƒظٹط¯ ظپط§ظ‡ظ… ط؛ظ„ط·
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
انا متحفظ على دي فقط
الباقي كله كلام صحيح و يحزن
لما يبقي اغلب الناس مقتنعة بالمجلس الرئاسي و نلغي فكرة المطالبة بيه علشان حضرتك تنزل معانا و برضه مش عايز تنزل يبقي انت اكيد فاهم غلط
:(
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 4966
تاريخ التسجيل : 27Jan2008
المشاركات : 877
النوع : ذكر
الاقامة : Faisal-Tawabiq
السيارة: مش عارف
السيارة[2]: Fiat Brava 2001
دراجة بخارية: مفيش زفت
الحالة :
كلام زي الفل
وانا ان شاء الله نازل يوم الجمعة
قدرنا كمصريين ان نصنع التاريخ ولا نعيشة
أن نضيء للأمم الدرب ونتعثر في دياجير الظلام
رقم العضوية : 52127
تاريخ التسجيل : 04Nov2009
المشاركات : 1,956
النوع : ذكر
الاقامة : -------egypt
السيارة: cerato
السيارة[2]: lancer
دراجة بخارية: jack
الحالة :
رقم العضوية : 7138
تاريخ التسجيل : 08Mar2008
المشاركات : 8,275
النوع : انثى
الاقامة : ..............
السيارة: .............
السيارة[2]: ..............
دراجة بخارية: ...................زز
الحالة :
كله موافقاك عليه ماعدا موضوع المجلس الرئاسي
المجلس الرئاسي دس السم في العسل
رقم العضوية : 83179
تاريخ التسجيل : 09Dec2010
المشاركات : 370
النوع : انثى
الاقامة : Egypt
السيارة: ربنا يبعت
السيارة[2]: فيات اونو
دراجة بخارية: dontknow
الحالة :
رقم العضوية : 27285
تاريخ التسجيل : 10Dec2008
المشاركات : 11,282
النوع : ذكر
الاقامة : الكرة الأرضية
السيارة: -Cabrice-LTZ
السيارة[2]: ِAlfa156 seles-جيب جراند شيروكي
الحالة :
كلام كثير وأغلبه منطقي ومشروع وزي الفل بس طريقة العلاج (مظاهرات )هي ألي غلط في رئي
خلونا نلاعبهم كأننا بنلعب دور شطرنج أحترافي ألي هما بارعين فيه بدون شك أزاي؟
بدل الطاقات ألي بتروح كل أسبوع ولا 2 في تظاهرة وأعتصام نلاعبهم صح بدل ماهما ألي بيتفرجو علينا نتفرج عليهم ونسيبهم يجيبو أخرهم (مع حسن النية طبعا بالقوات المسلحة أنا شايفهم بين المطرقة والسندان الشعب والقوى القديمة والغرب ومصالحه)
ونركز في الأهم وهو الأنتخابات البرلمانية الأهم على الأطلاق في تاريخ مصر الحديث ويمكن تاريخها بالكامل على مر العصور
لو مجلس الشعب مثل بالفعل رغبات الشعب يبقى نطلب منهم ألي عايزينو كله المهم أننا نحسس الأعضاء المنتخبين بأننا أهم بالنسبة لهم 1000 مرة من أي قوى في البلد وولاءهم يبقى للشعب وهما هاينضفو مؤسسات البلد وبمنتهى السهولة كمان
وجربو كده ماتعلنوش عن مظاهرات ولا تنزلو وأتحدى أنهم مش هايبقو مبسوطين مين؟
أنصار نظام قديم وأنصار نظام جديد كل على حسب رؤيته هما مين
الطرفين ليهم مصلحة من أستنفار الناس لعمل مظاهرات وهايسربو أو يختلقو خبر ينزل الناس مظاهرات تاني وأهي طاقة مبددة:-
-طرف بيفضي طاقة الثوار علشان متبقاش زي القنبلة تنفجر في البلد سواء من الثوار نفسهم أو من مدسوسين في النص عايزين يشعللوها
- الطرف التاني عايز يشعللها علشان يضغط بيها لمصالح سياسية وتهديد بأنفجارها في البلد لو ماتحققتش
في الحالتين الشعب هو ألي خسران لأنه بيفضي طاقته في أتجاه فايدته أقل بكتير من أنخراطه في الحياة السياسية علشان يجيب القوة المؤثرة ألي تمثله والموضوع كله 3 شهور تقريبا والوقت بيجري والناس مشغولة بمين أتحاكم ومين ماتحكمش حيلة مكشوفة لتبديد الطاقة زي ماوضحت فوق
مش عارف قدرت أوصل الفكرة ولا لأ
إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
م/محمد
رقم العضوية : 83179
تاريخ التسجيل : 09Dec2010
المشاركات : 370
النوع : انثى
الاقامة : Egypt
السيارة: ربنا يبعت
السيارة[2]: فيات اونو
دراجة بخارية: dontknow
الحالة :
YouTube - ‫ط§ظ„طھط¨ظٹط§ظ† ط.ط§ط²ظ… طµظ„ط§ط. ظٹظ‚ط¸ط© ظ„ظ…ط¬ط±ظ‰ ط§ظ„ط£ط.ط¯ط§ط«‬‎
محاضرة راااائعه
الشيخ حازم ده بصراحه دايما فى المقدمه و أرائه انا دايما بحترمها حتى لو احيانا (نادره) اختلفت معاها انما منطقه و علمه ما شاء الله
بالمناسبه انا مش مختلفه مع اللى (اللى مختلف فى موضوع المجلس العسكرى) انما بصراحه كده مين اللى بيدير كللل اللى احنا مش موافقين عليه ده؟
و لصالح مين؟ حتى لو مختلف فتبقى متفق فى اكتر من 90% من المطالب. ايه رأيك؟ نسيب ثورتنا كده ؟ ده احنا دفعنا فيها دم غالى.
لازم نضفط لحد ما ناخد حقوقنا
رقم العضوية : 27285
تاريخ التسجيل : 10Dec2008
المشاركات : 11,282
النوع : ذكر
الاقامة : الكرة الأرضية
السيارة: -Cabrice-LTZ
السيارة[2]: ِAlfa156 seles-جيب جراند شيروكي
الحالة :
إِن يَنصُرْ.كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ.كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿160)
م/محمد
رقم العضوية : 624
تاريخ التسجيل : 12May2007
المشاركات : 2,860
النوع : ذكر
الاقامة : cairo
السيارة: corolla 07 - wife's
السيارة[2]: megane 05
دراجة بخارية: none
الحالة :
فعلا مش دي مصر اللي ترضي شهدائنا الله يرحمهم
Tyler_durden سابقا
المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب
المفضلات