ممكن تعديل الكونترول؟

**tarekomar66** · 29-05-2011 09:42 PM

الى الهونداويه الافاضل"" اقصد العصابه الهونداويه ""

هل ممكن تعديل الكونترول بحيث مثلا لما التكييف يشتغل يعلى ار بى ام الى اكتر من 1.5 ؟؟

وهل ممكن تعديله برضه بحيث ان سرعه السياره توصل الى اقصى سرعه ممكنه ؟؟

وايه هيه اقصى سرعه للموتور دا؟

موتورى zc 1600

**SAMEH_FOUAD** · 29-05-2011 10:48 PM

اية ياستاذ طارق انت كان اخرك 120 عايز تجرى لية بس

عموما دلوقتى ماينفعش المكنة لمات تعلى التكييف يوصل ل1.5 دة كدة حرام استهلاك بنزين على الفاضى , تعب على المكنة , صوت عالى التكييف الطبيعى بتاعة 900 لفة ليس اكتر وادنى مستوى لية 850 لفة

بالنسبة لامكانية التعديل ال شباية بتاعة ال obd-1 بس هية اللى بتتعدل وال obd-0 لكن ال obd - 2 لأ

وممكن تعمل فية اى حاجة

بالنسبة للسرعة القصوى بتاعة الماتور دة 220 كم متهيالى انت مش عايز حاجة تانى

**tarekomar66** · 30-05-2011 12:12 AM

طبعا انته عارف انى لسه شاحن التكييف اول امبارح ولما جربته النهارده الظهر كان الموشر عند 1100 لفه بس التبريد مش قد كده ولما زود عند 1500 لفه ابتدا التبريد يزيد علشان كده سألت

**tarekomar66** · 30-05-2011 12:13 AM

بما ان "" حلوه دى برضه جديده عليا "" الكنترول بتاعى obd1 فممكن اعرف ايه التعديلات اللى ممكن تتم عليه وممكن تفيد فى ايه ؟

**tarekomar66** · 30-05-2011 12:16 AM

بالمناسبه كنت بلف فى العام ولاقيت واحد ابن حلال مسقط موتور متسوبيشى وكان كاتب انه عدل مواسير العادم من الى 2.5 بوصه وقال ان دا فرق معاه جامد جدا فى العزم
هوه يقصد بمواسير العادم اللى هيه الشكمان بدون العلب ولا يقصد ايه ؟
انا سألته بس الراجل لسه ما ردش وقلت ممكن تفيدنا المعلومه دى لانها جديده عليا انا واكيد مش جديده عليكم يا هونداويه

**SAMEH_FOUAD** · 30-05-2011 11:34 PM

المشاركة الأصلية كتبت بواسطة tarekomar66

بما ان "" حلوه دى برضه جديده عليا "" الكنترول بتاعى obd1 فممكن اعرف ايه التعديلات اللى ممكن تتم عليه وممكن تفيد فى ايه ؟

اى تعديلات بتحصل عن طريق تعديل شيبات او سوفت وير خاص بالtuning بس بيبقى مكلف جدا

من 500 جنية وانت طالع

والاستفادة كلها بتبقى فى تزويد سرعات السيارة

**SAMEH_FOUAD** · 30-05-2011 11:37 PM

المشاركة الأصلية كتبت بواسطة tarekomar66

بالمناسبه كنت بلف فى العام ولاقيت واحد ابن حلال مسقط موتور متسوبيشى وكان كاتب انه عدل مواسير العادم من الى 2.5 بوصه وقال ان دا فرق معاه جامد جدا فى العزم
هوه يقصد بمواسير العادم اللى هيه الشكمان بدون العلب ولا يقصد ايه ؟
انا سألته بس الراجل لسه ما ردش وقلت ممكن تفيدنا المعلومه دى لانها جديده عليا انا واكيد مش جديده عليكم يا هونداويه

هو كدة غير الهيدر اللى موجود فى الماتور + المواسير + الفلتر + العلبة الكبيرة وكل دة بيفرق فى السحب فقط لكن بيجيب اجل المكنة بدرى بدرى