تقرير مفصل بحملة الكشف المجاني ...... نيسان موتورز إيجيبت (تقرير مصور)

**SonaSteel** · 30-05-2011 03:50 PM

السلام عليكم
حبايبي واخوني في الله ...... كيف حالكم؟؟
طبعا كالعادة ... لقيت تليفون من عمدة الصقور (Ahmed.TV) علشان اروح اكشف علي العربية وقالي في حاجات حلوة (مش بسوسة وكنافة ... هههههههه ) حاجات تاني بس مش بتتاكل :))
المهم كلمت 16244 وسألت علي اقرب بنزينة ليا في مدينة نصر ... وكانت موبيل تقاطع طريق النصر مع يوسف عباس
والحملة تبع بنزينات موبيل فقط .
وانا داخل علي المحطة لقيت شعار نيسان كبييييير علي المدخل وقدام شويه لقيت خيمة مكتوب عليها نيسان ومتواجد بيها مهندس و2 فنيين)

انا قابلت م/ احمد صبري - مدير مبيعات (شركة يونايتد جروب) - مركز صيانة الدراسة
وكل مركز معتمد واخد مكان في بنزينة مختلفة ... يعني ممكن اللي في الزمالك يكون السبع ..... وهكذا

الخطوات بالتفصيل:
1- اخدت ورقة استطلاع رأي ومكتوب فيها (الاسم - رقم الموبايل - عدد الكيلومترات - رقم الشاسيه - رقم السيارة - موديل السيارة- مراكز الصيانة اللي عملت فيها صيانة قبل كده - وقترحات للصيانة وخدمه ما بعد البيع + تقييمات للحملة نفسها )
2- اثناء ملئ ورقة الاستطلاع كان احد الفنين اخد الكمبيوتر ودور العربية وكشف عليها ... والفني التاني كان بيشوف الماتور و العربية وبيلف لفة كده) ....... والحمد لله طلعت مفهاش حاجة
3- اخدت نموذج الفحص المجاني بعد ما أتأكد انه كله تمام ومش محتاج حاجة في الصيانة اللي جاية ان شاء الله
4- اخدت كوبون استلام فلتر مجاني عند زياره اقرب مركز صيانة معتمد

تواريخ صلاحية الحملة المجانية و نموذج الفحص و كوبون الفلتر واسعار التركيب والمصنعيات:
1- حملة الكشف المجاني :
وتبدأ من الفترة 25-5-2011 والــــــــــي 12-6-2011
وذلك بدأ من الساعة 10 صباحاً والـــــــي 8 مســـاءاً

2-نموذج الفحص المجاني:
ويبدأ العمل بيه من تاريخ الفحص ولمــــــــدة 3 شهور.
ويستمتع حامل هذا الكشف بخصم 10% علي أسعار قطع الغيار و 15% علي أجور العمالة عند الإصلاح في مركز صيانة معتمد لدي شركة نيسان موتوز ايجيبت.

3-كوبون الفلتر المجاني:
ويبدا العمل في صرف الفلتر بالكوبون من تاريخ الفحص والــــــي 30-6-2011
سعر الفلتر في مركز الصيانة 175 جنيه (مجاااااني) + 37 جنية مصنعية تركيـــب (يتحملها المالك)

للتواصل والمزيد من الإستفسارت اتصل بــ 16244
عبـــر الـــ Facebook ...... NissanMotorEgypt
عبـــر الــ Twitter..................Nissanmotoreg
أتمني أكون أفدتكم ......... أقعدووووا بالعافية

**mohamednagib** · 30-05-2011 04:02 PM

تسلم ايدك يا غالي ..... ان شاء الله احاول اروح قريب ... بصراحة انا مندهش ان الصني ما فيهاش فلتر تكييف ... علشان كده عاوز اروح .... :))))))

**ahmed_hanafi** · 30-05-2011 04:11 PM

جزاك الهه خيرا
بصراحة مجهود ممتاز وان شاء الله هروح النهاردة

**ahmed_hanafi** · 30-05-2011 04:13 PM

جزاك الله خيرا
بصراحة مجهود ممتاز وان شاء الله هروح النهاردة

**MOK3336** · 30-05-2011 04:28 PM

ليه بقي مودرن موتورز متعملش حاجة زى كده ؟.؟؟

**samsong** · 30-05-2011 04:51 PM

مجهود ممتاز و جزاك الله كل خير.

**WalidAdel** · 30-05-2011 05:29 PM

ايه الحلاوه دي ياسحس مبروك

**SonaSteel** · 30-05-2011 07:24 PM

المشاركة الأصلية كتبت بواسطة walidadel

ايه الحلاوه دي ياسحس مبروك

ديه حلاوتك ياويل ....... يابني الصيانات ديه للناس المحترمة امثالك اللي نفخة العربية :))
ربنا يباركلك فيها :))

شاكر مرورك .... واقعد بالعافية

المشاركة الأصلية كتبت بواسطة samsong

مجهود ممتاز و جزاك الله كل خير.

جزاك الله عني خيرا ...... شاكر مرورك أ/سامي ربنا يعزك ويبارك في عمرك :))

المشاركة الأصلية كتبت بواسطة م/محمد

حسين
1-الغربيه اصلا مفهاش فلتر تكييف؟
هي فعلا بتنزل من غير فلتر تكييف
2-الفحص ده باجهزه ولا بياخد لفه ويهجس شويه وخلاص؟
لا بجهاز كمبيوتر ... اللي شبه اللاب علي الترابيزة في الصورة ... بس مخدش وقت عندي ماشاء الله لسه العربية عاملة 5600 كم ... ماشاء الله
3-الخصم ده مره واحده؟ وهيبقي شامل الزيت و الفلتر؟
اعتقد اه مرة واحده وعلي قطع الغيار والمصنعية خلال 3 شهور
بس معتقدتش ان الزيت يعتبر من قطع الغيار

شاكر مرورك .... واقعد بالعافية