فصل الكهربا عن السيراتو من التوكيل

**DR.MoH.KeMo** · 02-06-2011 04:33 PM

من ساعة ما سرقة السيراتو انتشرت والواحد بقى علطول قلقان وعايش في قلق وبرغم انهم قالو مسكو الحراميه في واحد صحبي لسه مسروقه عربيته من تحت البيت يوم الاربع صحي ملقااش العربيه ربنا يسترها معانا
المهم انا كنت سمعت امبارح من واحد كان في التوكيل انهم قللو انهم عملو حاجه عشان يفصلو كهربة العربيه او حاجه زي كده بمفتاح والمفاح ده بيخبي في حته في العربيه فالنهارده اتصلت وسالت في التوكيل قلولي فعلا انهم بداو يعملو وتكلفتو تقريبا مش متاكد 135 للخليجي و 110 للوكيل
فلوحد عند معلومات عن الموضوع ده يفدنا عشان حينفع كتييير

**Atrees** · 02-06-2011 06:26 PM

بص هية بتتعمل فعلا في التوكيل - بس حركة بلدي قوي انك تبقي راكب زيرو وتفصلها - غير بقي ان ممكن فصلة الكهرباء تعمل ريست لكل السيتنجبتاعت الكاسيت والتابلوه مثلا

**amhhma2003** · 02-06-2011 07:31 PM

نريد توضيح اكثر لهذة الطريقة

**s0144862631** · 02-06-2011 08:19 PM

راي المتواضع انهم ممكن يعملو يفصل كهرباء عن طلمبه البنزين مثلا او اي حاجه هامه في العربيه بدون ما تاثر على السيتينج بتاع الكاسيت و التابلوه

**wonder11** · 02-06-2011 09:10 PM

اللى أعرفة إنة مفتاح بيركب على الكونتاكت وبيخبوة فى فى حتة معينة بحيث إنك تضغط علية بعد ما تركن فلو حد معاة مفتاح العربية وحاول يدور الكونتاكت مش هيشتغل ...فكرة مش بطاله بس هتخبية فين وهو اللى بيضرب مفتاح العربية صعب علية يلاقى مفتاح زى دة push button switch

**salodas** · 02-06-2011 09:35 PM

الفكرة دى أنا كنت عاملها فى العربية القديمة هيوندار إكسيل 97 عن كهربائى متواضع وكانت شغالة زى الفل كع أخواتى وأقربائى الى كانو بيستلفو العربية منى ولكن مع الحرامى ماظنش أنها تشتغل ولكن لو حرامى على قدة .. مستجد يعنى هاتخيل عليه والعيار الى ميصبش يدوش .... ركب يا ريس