استفسار بخصوص تغيير السيور لفيات بونتو

**Moe86** · 03-06-2011 04:56 AM

عربيتى عدت ال47,000 و لسة مغيرتش السيور بتاعتها
غيرت كل حاجة زى البوجيهات عند الميكانيكى و قبل ما أغير السيور واحد صاحبى معاه سيات ليون قالى السيور مفروض تتغير فى التوكيل علشان فى جهاز بيشدها بطريقة معينة و لازم تبقى مشدودة بنسبة معينة أو حاجة زى كدة

إية رأيكوا فى الكلام دة, معقول هروح "أوماطرة" بعد مقاطعة سنتين ؟
و أخبار الزحمة عندهم اية ؟لو حجزت ميعاد هروح بعديها على طول ؟

**yoko** · 03-06-2011 05:09 AM

أولا شوف كتالوج العربيه قايل السيور على كام الف في أوروبا ولو ١٢٠ يبقى إستنى لحد ال٦٠ الف لو أقل يبقى غير دلوقتي وروح لأوماترا لإن ببساطة العربيه لازم تتحط على الكومبيوتر بعد تغير السيور

**kimopops** · 04-06-2011 11:43 AM

معلش سؤال بره الموضوع العربيه بتستهلك في الـ 100 كيلو اد ايه بنزين ولو انت مسافر عداد الاستهلاك اللحظي بيبقي علي كام اصل عندي العربيه بتستهلك حوالي 7 لتر في السفر وده كتر لما كانت جديده كانت اخرها 4 لتر مع العلم انها عامله 15000 كيلو بس

وشكرااااا

**yoko** · 04-06-2011 03:50 PM

ممكن تغيرهم بره بس تعدي عليهم في أي وقت تعمل تشيك بالكومبيوتر تطمن والسير ملوش علاقة بكفائة الموتور لإن السير لو إتنحل وفوت أو إتقطع العربيه هتخش في عمرة

**kimopops** · 04-06-2011 04:08 PM

متشكر علي الرد يابرنس انا بعمل الصيانه في التوكيل واخر مره كانت صيانة الـ 10000 كيلو في رمضان اللي فات.

**Moe86** · 04-06-2011 11:28 PM

تمام, عربيتك عاملة كام كيلو دلوقتى ؟ لأن "يفضل" تغيير الزيت مرة فى السنة حتى لو مكملتش بيه 10,000 كيلو
و فى صيانة ال20,000 مفروض يتغير البوجيهات و فلتر الزيت و الهواء كمان , و أداء العربية هيتظبط بعديها ان شاء الله

**killypunto** · 13-06-2011 04:30 PM

المشاركة الأصلية كتبت بواسطة kimopops

معلش سؤال بره الموضوع العربيه بتستهلك في الـ 100 كيلو اد ايه بنزين ولو انت مسافر عداد الاستهلاك اللحظي بيبقي علي كام اصل عندي العربيه بتستهلك حوالي 7 لتر في السفر وده كتر لما كانت جديده كانت اخرها 4 لتر مع العلم انها عامله 15000 كيلو بس

وشكرااااا

انا معايا فيات بونتو 2002 و الموتور خفيف (عايز طقم شنابر) و مركب فلتر هواء و ماشيه 22000 كيلو
بتسحب 10 لتر بنزين لو ماشى المشيه العاديه كل حوالى 100 كيلو

**Moe86** · 13-06-2011 05:14 PM

المشاركة الأصلية كتبت بواسطة killypunto

انا معايا فيات بونتو 2002 و الموتور خفيف (عايز طقم شنابر) و مركب فلتر هواء و ماشيه 22000 كيلو
بتسحب 10 لتر بنزين لو ماشى المشيه العاديه كل حوالى 100 كيلو

تقصد ماشية 220,000 ؟ ما شاء الله العربية دى طلعت بتستحمل, أنا كنت مش واثق فيها للدرجة دى