محتاج مساعدة منكم يا شباب

**mohamedaghali** · 03-06-2011 11:23 AM

انا عملت صيانه ال20000 من 3 اسابيع فى تكنوا وان والعربيه بعد ما خرجت من الصيانه كنت ملاحظ فيها الاتى

1- العربيه مخنوقة خصوصا مع التكيف
2- الفرامل واطيه
3- غربلة فى الدريكسيون من 100كم الى 130كم بعد ماعملو روتيشن للكاوتش

المهم انا بصراحه قلت مش هارجعلهم تانى لان ديه تانى مره ارحلوهم واشتكى من مشكله فى العربيه ويقولولى عادى او العربيه تطلع ويكون فيها حاجه عايزه تتصلح ويسبوها او مايقولوليش .

المهم ودتها لمركز صغير جنبى وطلع فيها الاتى :

1- خنقه العربيه بسبب ان البيه الصنايعى اللى هناك نضف وحده الخنق على البوجيهات اللى ركبه وما غيرش البوجيهات بعدها على الرغم انى قلتلو كده غلط طلعنى انى بفتى ومالهاش علاقه.
المهم غيرت البوجيهات طبعا وديه تانى مره اغيرهم على 10000 بسبب القصه ديه.

2- كشفت على الفرامل طلع ان التيل قرب يخلص بس انا قلت استنى لان المركز ده قلى ان ماعندوش التيل الاصلى فلو ممكن حد يدلنى او يساعدنى اجيب التيل الاصلى منين."طبعا العربيه خارجه من الصيانه عندهم بيقولى ان كله تمام "

3- روحت بريدجيستون اشوف ايه مشكله العجل طلع عندى جنطين واخدين مطب جامد وفيهم لوحه ده على حسب كلام الصنايعى اللى هناك ومحتاجين استعدال فياريت لو حد يعرف مكان محترم وامين اروح اكشف عنده على الجنوط واصلحها لو محتاجه تصليح .

شكرا ليكم مقدما يا شباب

**mohamedaghali** · 04-06-2011 10:39 AM

22 مشاهدة ومفيش رد واحد حتى!

**Esam Mosaad** · 04-06-2011 10:56 AM

والله انا مش شايف غير ان التوكيل مجرد قطع غيار اصليه
بجانب ضرايب وخلاص
لكن مفهوش صنايعيه

لو تعرف حد بره التوكيل هيبقى افضلك وتشوف حد بتاع قطع غيار كويس
بص لو عاوز واحد بتاع قطع غيار اصلى مليون فى الميه
يبقى عندك الكيلانى
انت اكيد بتسمع عن حلمى سليمان والجندى بس الاغلبيه مش اصلى

الكيلانى ده اصلا بتاع فيات والفا رميو ومعروف اوى هوا فى شارع شمبليون
من فتره فتح محل بتاع كيا
بصراجه دخلت المحل ولقيت قطع الغيار وكلها اصلى بمعنى الكلمله وطبعا غاليه
وانا اتعملت معاه وموثوق فيه وهوا موزع معتمد
خد كلموا واسئلوا على التيل 25758439 /0120285606
ولو محدش رد حاول تانى

عندك محل الصحبه بس ده فى الحرفيين بس برضوا اصلى بس

**Mshawky** · 04-06-2011 01:49 PM

انا شايف ان تكنو وان بحالات شويه يبقا كويس وشويه يبقا على اده

بس هما بصراحه جابو مهندس صيانه هناك فى الصاله قمة الاتامه اللى فى الخلق كلها طمع فيها حاجه يعنى كرهنى اجى المركز تانى ومحسسنى انه احمد زويل وبيتعامل مع الناس بطريقه مش حلوه

بصراحه انا اروح التوكيل بفلوسى ولا واحد سورى ملوش لازمه يتكلم نمعانا كده

**mohamedaghali** · 04-06-2011 08:20 PM

المشاركة الأصلية كتبت بواسطة h a r d

والله انا مش شايف غير ان التوكيل مجرد قطع غيار اصليه
بجانب ضرايب وخلاص
لكن مفهوش صنايعيه

لو تعرف حد بره التوكيل هيبقى افضلك وتشوف حد بتاع قطع غيار كويس
بص لو عاوز واحد بتاع قطع غيار اصلى مليون فى الميه
يبقى عندك الكيلانى
انت اكيد بتسمع عن حلمى سليمان والجندى بس الاغلبيه مش اصلى

الكيلانى ده اصلا بتاع فيات والفا رميو ومعروف اوى هوا فى شارع شمبليون
من فتره فتح محل بتاع كيا
بصراجه دخلت المحل ولقيت قطع الغيار وكلها اصلى بمعنى الكلمله وطبعا غاليه
وانا اتعملت معاه وموثوق فيه وهوا موزع معتمد
خد كلموا واسئلوا على التيل 25758439 /0120285606
ولو محدش رد حاول تانى

عندك محل الصحبه بس ده فى الحرفيين بس برضوا اصلى بس

تسلم يا باشا ربنا يكرمك

**mohamedaghali** · 04-06-2011 08:22 PM

المشاركة الأصلية كتبت بواسطة spectra_2006

يا باشا على حسب مكانك , هقدر افيدك لو انت ف فيصل او الهرم , قطع الغيار الاصلية هتلاقيها عند محل معروف اوى اسمه المنير و محل موزع معتمد لكيا اسمه تارجت , و بالنسبة لموضوع الجنوط ده فى محل اسمه عيسى معروف اوى اوى ف فيصل و ف الهرم و كويس جدا ف اى حاجة تخص الكاوتش بس عيبه انه غالى شوية , يا رب أكون افدتك

ياباشا ربنا يخليك وشكرا على زوقك بس للاسف انا من ساكنى م نصر ومااعرفش حاجه عن الهرم اكتر من انى بعدى عليها من الدائرى وانا رايح الشغل كل يوم فى سمارت

**mohamedaghali** · 04-06-2011 08:26 PM

المشاركة الأصلية كتبت بواسطة mshawky

انا شايف ان تكنو وان بحالات شويه يبقا كويس وشويه يبقا على اده

بس هما بصراحه جابو مهندس صيانه هناك فى الصاله قمة الاتامه اللى فى الخلق كلها طمع فيها حاجه يعنى كرهنى اجى المركز تانى ومحسسنى انه احمد زويل وبيتعامل مع الناس بطريقه مش حلوه

بصراحه انا اروح التوكيل بفلوسى ولا واحد سورى ملوش لازمه يتكلم نمعانا كده

والله يا شوقى عندك حق انا مش عاجبنى خالص اخر 3 صيانات لدرجه انى كنت بفكر اوديلهم عربيه المدام الهيونداى ورجعت فى كلامى وروحت لمركز هيونداى اللى فى الرحاب وصباح الفرق فى الشغل ,ياراجل ده انا رحت ربط العفشه تانى بعد الصيانه باسبوع والمشكله انهم كلمونى بعد الصيانه باسبوعين سالونى رايى ايه قلتلهم زفت طبعا قالولى طب تعالى فى اى قت نشوف ايه المشكله ده على اساس ان الواحد راكب زيرو علشان يفضل رايح جاى

**mohamedaghali** · 04-06-2011 08:30 PM

سوال المركز اللى جنب البيت بيقولى التيل اللى عنده كورى وزى الفل وب160 جنيه ايه رايكو اركبه ولا اركب الاصلى ابو475 جنيه لانى قلقان من ابو 160 جنيه بس المهندس اللى هناك بيحلفلى انه مركبه فى كل السيراتو اللى بيعملو شغل عنده وماشى تمام معاهم

**Typerr** · 04-06-2011 08:43 PM

المشاركة الأصلية كتبت بواسطة mohamedaghali

سوال المركز اللى جنب البيت بيقولى التيل اللى عنده كورى وزى الفل وب160 جنيه ايه رايكو اركبه ولا اركب الاصلى ابو475 جنيه لانى قلقان من ابو 160 جنيه بس المهندس اللى هناك بيحلفلى انه مركبه فى كل السيراتو اللى بيعملو شغل عنده وماشى تمام معاهم

نصيحه خليك في الاصلي

-

الموضوع: محتاج مساعدة منكم يا شباب

LinkBack

أدوات الموضوع

عرض

-

-

المواضيع المتشابهه

محتاج مساعدة منكم في الفاميه

الفوجات والانوار والسنتر لوك ... محتاج منكم مساعدة

محتاج مساعدة من شباب بورسعيد - محتاج صنايعى فاهم ميكونش غالى

...::.: محتاج مساعدة منكم :.::...

محتاج مساعدة من شباب السيريون

الكلمات الدلالية لهذا الموضوع

المفضلات

المفضلات

ضوابط المشاركة