الموضوع: كاسيت كينوود للبيع و موديليتور .

بسم الله الرحمن الرحيم

باشا هو ده سعر المديوليتور مستعمل ولا جديد اصل بتاع راديو شاك جديد ارخص من كده بكتير ومعاه ريموت الطاره برضه

برجاء توضيح السعر ووضع سعر للكاسيت

المشاركة الأصلية كتبت بواسطة typhoon_gr9

الموديليتور جاي جديد من برة مصر مش من راديو شاك , و اتجرب و اتحط في العلبة بتاعتة تاني ,و معاة اتنين ريموت
الريموت العادي و ريموت الطارة
بالنسبة للاسعار ممكن تكلمة , لأن الموضوع في الاساس اني فكرت اخدم صاحبي من غير ما ادخل نفسي في حوارات فلوس و الكلام دة , مانتا لو كنت نزلت مع كريم الزين و سمسم نبوي الخميس اللي فات كنت وريتك الكاسيت و الموديليتور علي الطبيعة و كنت كلمت صاحبة بس انت اللي زوغت مننا
كريم قالي انكوا كنتو حتخرجو , و لو اتجمعتو كنت حاجيلكو , تتعوض المرة الجاية ان شاء الله .

والله ولا زوغت ولا حاجه هو محدش هان عليه يتصل يقوللى والرساله اللى بعتها كريم مشفتهاش غير يوم الجمعه وقولتله انت قصدك الخميس اللى جاى ولا الخميس بتاع امبارح :))

وعلى العموم تتعوض واهو حتى لو كنت جيت كنت خلصت فى المديولوتور لانى بدور على واحد صوته نقى لان اللى عندى صينى ومش بشغله :(

المشاركة الأصلية كتبت بواسطة ahmedhossien

بسم الله الرحمن الرحيم
اولا انا حابب اشكر كل الشباب اللى فى المنتدى وخاصه صديقى طارق اللى وضع الاعلان ليه وانا على فكره سجلت على المنتدى مخصوص للتواصل معكم بدايتا الموديلتور اتباع خلاص ب 150 جنيه واحب اوضح ان اسعار الحاجات دى فى مصر انا عارف انها رخيصه بس مش عايز اقولكم على الحاجات دى بره عمله ازاى من حيث الكوالتى ونقاء الصوت اما بخصوص راديو شاك انا اللى اشتراه منى كان جايب واحد من راديو شاك يشبه له ولكن باظ برضو ولما جرب اللى معايه وجد اختلاف رهيب فى الصوت عمتا انا بنصح لو اى حد ليه حد مسافر يجبلو من بره انا كنت جايبه من العراق
بالنسبه للكاسيت انا معرفش اسعاره اه انا كنت شارى الكاسيت فى 2007 ب 1200 جنيه واكيد ده مش سعره حاليا فا انا عيزكم تقيموه هوه متفكش قبل كده وبعلبتو وكاتلوجاتو ووصلاته واستخدام نضيف وفيه وصله اوديو وفيديو للشاشات ال سى دى وممكن تحطوا السعر على الموضوع
وشكرا للتواصل

مبرك يا باشا على بيع الجهاز وبالنسبه للكاسيت بيعمل من 300 ل 400 مدام حالته نضيفه لانه مفهوش usb انا عندى شبهه بس جرافيك وهو رينج سعره زى بتاعك برضه